ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⴰⵔ ⵏ 600 ⵏ ⵢⴻⵎⵣⵉⴽⴽⵏⴻⵏ ⴷⴻⴳ ⵜⵎⴻⵙⵔⵉⵜ ⵏ ⵜⴽⴻⵙⵙⴰⵡⵜ ⴷ ⵜⵜⴰⵡⵉⵍ ⵏ ⵜⴽⴻⵔⵔⴰⵣⵜ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵓⴳⴰⵔ ⵏ 600 ⵏ ⵢⴻⵎⵣⵉⴽⴽⵏⴻⵏ ⵉⵖⴻⵍⵏⴰⵡⴻⵏ ⴷ ⵢⵉⵡⴻⵔⴷⴰⵏⵉⵢⴻⵏ (39 ⵏ ⵜⵎⵓⵔⴰ) ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵜⴻⵥⵔⵉⴳⵜ ⵜⵉⵙ 16 ⵏ ⵜⵎⴻⵙⵔⵉⵜ (ⵚⴰⵍⵓⵏ) ⵏ ⵙⵉⵎⴰ-ⵙⵉⵒⵙⴰ ⵏ ⵜⴽⴻⵙⵙⴰⵡⵜ ⴷ ⵜⵜⴰⵡⵉⵍⴰⵜ ⵏ ⵜⴽⴻⵔⵔⴰⵣⵜ ⴰⵔⴰ ⴷ-ⵢⵉⵍⵉⵏ ⴳⴰⵔ 4 ⴷ 7 ⵜⵓⴱⴻⵕ ⴷⴻⴳ ⵍⴻⵇⵚⴻⵔ ⵏ ⵜⵣⵉⴽⴽⵏⵉⵏ ⵏ ⵓⵣⵓⵎⴱⵉ ⵏ ⵢⵉⵍⴻⵍ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⴻⵎⵙⵓⴷⴷⵙⴻⵏ ⵏ ⵜⴻⴷⵢⴰⵏⵜ-ⴰ ⴰⵙⵙ ⵏ ⵍⵃⴻⴷⴷ.

ⵜⴰⴷⵢⴰⵏⵜ-ⴰ ⵜⴻⵙⴷⵓⴽⴽⴻⵍ, ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ, ⵜⴰⵎⴻⵙⵔⵉⵜ ⵜⴰⵏⵎⴰⴹⴰⵍⵜ ⵏ ⵢⵉⵎⴻⵙⵙⵉⵙⴻⵏ (ⵎⵓⵎⴰⵡⵡⵉⵏⵉⵏ) ⵏ ⵜⴽⴻⵔⵔⴰⵣⵜ (ⵙⵉⵎⴰ) ⴷ ⵜⵎⴻⵙⵔⵉⵜ ⵜⴰⴳⵔⴰⵖⵍⴰⵏⵜ ⵏ ⵜⴽⴻⵙⵙⴰⵡⵜ, ⵏ ⵜⵓⵞⵞⵉⵜ ⵏ ⵜⴽⴻⵔⵔⴰⵣⵜ ⴷ ⵡⴻⵙⴳⴰⵍⴻⴼ ⴰⵏⴽⴻⵔⵔⴰⵣ (ⵙⵉⵒⵙⴰ). ⴷⴻⴳ ⵜⵎⴻⵙⵔⵉⵜ-ⴰ, ⴰⴷ ⴷ-ⵔⵙⴻⵏⵜ ⵜⵖⴰⵡⵙⵉⵡⵉⵏ ⵜⵉⵎⴰⵢⵏⵓⵜⵉⵏ ⴷⴻⴳ ⵢⵉⵏⵓⵔⴰⵔ ⵏ ⵜⴽⴻⵔⵔⴰⵣⵜ ⴷ ⵜⵜⴰⵡⵉⵍⴰⵜ ⴰⵔⴰ ⵉⵄⴰⵡⵏⴻⵏ ⵉⴽⴻⵔⵔⴰⵣⴻⵏ ⴷ ⵢⵉⵎⴻⴽⵙⴰⵡⴻⵏ ⴷⴻⴳ ⵓⵏⵏⴻⴼⵍⵉ-ⵏⵙⴻⵏ (ⵜⴰⵟⴰⵡⵡⵓⵔ).

ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ-ⴰⵙⴽⴰⵙⵉ ⴰⵢ ⴷ-ⵢⴻⵍⵍⴰⵏ ⵖⴻⴼ ⵓⵙⵙⵉⴵⴻⵡ ⵏ ⵢⵉⴼⴰⵔⵉⵙⴻⵏ ⵉⵏⴽⴻⵔⵔⴰⵣⴻⵏ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⵎⴻⵙⵔⵉⵜ-ⴰ, ⴰⵎⵉⵏⴻ ⴱⴻⵏⵙⴻⵎⵎⴰⵏⴻ, ⴷⴰⴽⴽⴻⵏ ⴰⵙⴷⵓⴽⴽⴻⵍ-ⴰ ⴷ ⵡⵉⵏ ⴰⵔⴰ ⴷ-ⵢⴻⴳⵍⵓⵏ ⵙ ⵜⵉⴼⵔⴰⵜⵉⵏ ⵜⵉⵎⴻⵍⵍⵉⵍⵉⵏ (ⴼⴰⵄⵄⴰⵍⴰ) ⴷⴻⴳ ⵡⴻⵙⵏⴻⴼⵍⵉ (ⵜⴰⵏⵎⵉⵢⴰ) ⵏ ⵜⴻⵖⴱⵓⵍⴰ ⵜⵉⵏⴽⴻⵔⵔⴰⵣⵉⵏ ⴷⴻⴳ ⵍⵎⴻⵖⵔⴻⴱ ⴷ ⵜⴻⴼⵔⵉⵇⵜ ⵏ ⵓⴳⴰⴼⴰ.

ⵜⴰⵎⴻⵙⵔⵉⵜ-ⴰ ⴰⴷ ⴷ-ⵢⴻⵔⵙ ⴷⴻⴳ-ⵙ ⵡⴰⵔⵔⵓⵎ, ⴰⵙⴳⴰⵍⴻⴼ (ⵜⴰⴵⵀⵉⵣ) ⴷ ⵡⴰⵢⴻⵏ ⵢⴻⵇⵇⵏⴻⵏ ⵖⴻⵔ ⵓⴼⴰⵔⴻⵙ (ⵉⵏⵜⴰⴵ) ⴷ ⵜⴷⴰⵡⵙⴰ ⵏ ⵢⵉⵖⴻⵔⵙⵉⵡⴻⵏ (ⵉⵢⵓⵣⴰⴹ, ⵉⵣⴳⴰⵔⴻⵏ, ⴰⵜⴳ.)

ⵜⴰⵎⵓⵔⵜ ⴰⵔⴰ ⵢⵉⵍⵉⵏ ⴷ ⵜⵉⵏⴻⴱⴳⵉⵜ ⵏ ⵢⵉⵙⴻⵖ ⴷⴻⴳ ⵜⵎⴻⵙⵔⵉⵜ-ⴰ ⴷ ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⴰⵔⴰ ⴷ-ⵢⴰⵡⵉⵏ ⵢⵉⴷ-ⵙ 30 ⵏ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⴰⵢ ⵉⵅⴻⴷⴷⵎⴻⵏ ⴷⴻⴳ ⵢⵉⵏⵓⵔⴰⵔ ⵏ ⵓⴽⴻⴼⴼⴰⵢ, ⵣⵣⴻⵔⵔⵉⵄⴰⵜ ⴷ ⵡⴻⵙⵙⵡⴰⵢ, ⵖⴻⴼ ⵍⴻⵃⵙⴰⴱ ⵏ ⵎⴰⵙⵙ ⴱⴻⵏⵙⴻⵎⵎⴰⵏⴻ.

ⵍⴰ ⵜⵜⵕⴰⵊⵓⵏ ⴰⴷ ⴷ-ⵔⵣⵓⵏ ⵓⴳⴰⵔ ⵏ 200.000 ⵏ ⵢⵉⵏⴻⵔⵣⴰⴼⴻⵏ ⵉⵙⴰⴷⵓⵔⴰⵏⴻⵏ (ⵎⵓⵃⵜⴰⵔⵉⴼⵉⵏ), ⵍⴰⴷⵖⴰ ⵉⴽⴻⵔⵔⴰⵣⴻⵏ, ⵉⵎⵖⴻⵍⵍⵜⴻⵏ, ⵉⵎⴻⴽⵙⴰⵡⴻⵏ, ⵉⵏⴼⴰⵔⴰⵙⴻⵏ (ⵎⵓⵏⵜⵉⴵⵉⵏ) ⴷ ⵢⵉⵎⴻⵙⵙⵉⵙⴻⵏ.