ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵓⵙⵎ ⴱⴻⵍⵄⴻⴱⴱⴰⵙ: ⵜⵉⵎⴻⵔⵏⵉⵡⵜ ⵏ ⴻⵙ ⵙⴹⵉⴼ ⵢⴻⵙⴷⵓⵇⵇⴻⵙ-ⴷ ⵜⴰⵖⵍⴰⵎⵜ (ⴰⵙⵍⴻⵖⵎⴰⵢ)
ⵙⵉⴷ ⴱⴻⵍⵄⴻⴱⴱⴰⵙ – ⵜⴰⵔⴻⵏⵏⴰⵡⵜ (ⵉⵏⵜⵉⵚⴰⵔ) ⵏ ⵓⵙⵎ ⴱⴻⵍⵄⴻⴱⴱⴰⵙ ⵎⴳⴰⵍ ⴻⵙ ⵙⴹⵉⴼ, ⴰⵙⵙ ⵏ ⵙⵙⴻⴱⵜ, ⴷⴻⴳ ⵡⴰⵙⵙ ⵡⵉⵙ 5 ⵏ ⵜⴻⵍⵖⵓⵖⴰ ⵏ ⵍⴻⵣⵣⴰⵢⴻⵔ (ⵜⴰⵎⵖⵓⵏⵜ 1ⵓⵜ ⵏ ⵎⵧⴱⵉⵍⵉⵙ), ⴷ ⴰⵢⴻⵏ ⴰⵢ ⴷ-ⵢⴻⵙⴷⵓⵇⵇⵙⴻⵏ ⵜⴰⵖⵍⴰⵎⵜ ⵏ ⴱⴻⵍⵄⴻⴱⴱⴰⵙ ⴰⴽⴽⴻⵏ ⴰⴷ ⵜⴻⵙⵄⵓ ⵜⴰⴱⵖⴻⵙⵜ ⵉ ⵜⵜⵉⵄⴰⴷⴰⵜ-ⵏⵏⴻⵙ ⴰⵢ ⴷ-ⵢⴻⵜⵜⴻⴷⴷⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵉⵡⴻⴽⴽⴻⴷ ⵡⴻⵙⵍⴻⵖⵎⴰⵢ (ⵎⵓⴷⴰⵔⵔⵉⴱ) ⵙⵉ-ⵜⴰⵀⴰⵔ ⵛⵀⴻⵔⵉⴼ ⴻⵍ ⵧⵓⴰⵣⵣⴰⵏⵉ.
« ⵜⴰⵔⴻⵏⵏⴰⵡⵜ-ⴰ ⵜⵓⵛⴱⵉⵃⵜ ⴰⵢ ⴷ-ⵢⴻⵍⵍⴰⵏ ⵎⴳⴰⵍ ⵜⴻⵖⵍⴰⵎⵜ ⵜⴰⵎⴻⵇⵔⴰⵏⵜ ⴰⵎ ⴻⵙ ⵙⴹⵉⴼ ⴷ ⵜⵉⵏ ⴰⵖ-ⵢⴻⴽⴽⵙⴻⵏ, ⵍⴻⵎⵎⴻⵔ ⴷ ⵍⴻⴱⵖⵉ, ⴰⵖⴱⴻⵍ ⵢⴻⵔⵏⵓ ⴰⴷ ⵜⴻⵙⵙⴻⴱⵖⴻⵙ ⵉⵎⴰⵔⵉⵔⴻⵏ-ⵏⵏⴻⵖ ⴰⴽⴽⴻⵏ ⴰⴷ ⴽⴻⵎⵎⵍⴻⵏ ⴰⵎⴻⵛⵡⴰⵕ-ⵏⵙⴻⵏ ⵙ ⵍⴰⵎⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵙⵍⴻⵖⵎⴰⵢ ⵏ ⵓⵙⵎ ⴱⴻⵍⵄⴻⴱⴱⴰⵙ.
ⵛⵀⴻⵔⵉⴼ ⴻⵍ ⵧⵓⴰⵣⵣⴰⵏⵉ ⵢⴻⵙⵏⴻⵎⵎⴻⵔ « ⵉⵎⴰⵔⵉⵔⴻⵏ ⵖⴻⴼ ⵡⵓⵙⵙⵉⵙⴻⵏ-ⵏⵙⴻⵏ (ⵎⴰⴵⵀⵓⴷⴰⵜ) », ⵢⴻⵔⵏⵓ ⵉⵡⴰⵍⴰ ⴷⴰⴽⴽⴻⵏ ⴷ ⵏⵉⵜⵏⵉ ⴰⵢ ⴷ ⵍⵍⵙⴰⵙ ⵏ ⵜⵔⴻⵏⵏⴰⵡⵜ-ⴰ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵏⴻⵔⵎⵎⴻⵔ ⴷⴰⵖ ⵉⵎⴼⴻⵕⵕⴵⴻⵏ ⵏ ⵜⴻⵖⵍⴰⵎⵜ-ⴰ ⴰⵢ ⵢⵓⵔⴰⵔⴻⵏ ⴷⴷⵓⵕ ⴷⴻⴳ ⵜⵔⴻⵏⵏⴰⵡⵜ ⵎⴳⴰⵍ ⴻⵙ ⵙⴹⵉⴼ.
« ⴷ ⴰⵛⵓ, ⵎⴰ ⵏⴻⵏⵏⴰ-ⴷ ⴰⵢⴰ, ⵓⵔ ⵢⴻⵙⵙⴻⴼⴽ ⴰⴷ ⴰⵖ-ⵉⵖⵓⵔⵔ ⵡⴰⵢⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵔⵉⵔ-ⴰ ⴰⵇⴱⵓⵔ ⵏ ⵜⴻⵖⵍⴰⵎⵜ ⵜⴰⵖⴻⵍⵏⴰⵡⵜ, ⵢⴻⵔⵏⵓ « ⵢⴻⵙⵙⴻⴼⴽ ⴰⴷ ⵏⴽⴻⵎⵎⴻⵍ ⴰⵅⴻⴷⴷⵉⵎ ⴰⴽⴽⴻⵏ ⴰⴷ ⴷ-ⵏⵡⴻⴽⴽⴻⴷ ⵉⵎⴰⵏ-ⵏⵏⴻⵖ ⴷⴻⴳ ⵡⴻⵏⵔⴰⵔ, » ⵢⴻⵔⵏⵓ ⴰⵢⴰ ⴰⴷ ⵢⴻⴱⴷⵓ ⵙⴻⴳ ⴷⴷⵓⵕⵜ ⴰⵢ ⴷ-ⵢⴻⵜⵜⴻⴷⴷⵓⵏ, ⴷⴻⴳ ⵜⴻⵎⵍⵉⵍⵉⵜ ⵏ ⵎⴳⴰⵍ ⵛⵙ ⵇⵙⴻⵏⵟⵉⵏⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.
ⵎⴰ ⴷ ⴰⵡⴰⵍⵉ ⵏ ⵙⵉⴷⵉ ⴱⴻⵍⵄⴻⴱⴱⴰⵙ, ⵎⵧⵀⴰⵎⴻⴷ ⵀⴰⵜⵜⴰⴱ, ⴰⵢ ⵉⵃⴻⴷⵕⴻⵏ ⴷⴻⴳ ⵜⴻⵎⵍⵉⵍⵉⵜ-ⴰ ⵎⴳⴰⵍ ⴻⵙ ⵙⴹⵉⴼ, ⵉⵀⴻⵏⵏⴰ ⵜⴰⵖⵍⴰⵎⵜ-ⴰ ⵢⴻⵔⵏⵓ ⵢⴻⵙⵙⴻⴼⵔⴰ ⴰⴷ ⵢⴻⴼⴽ ⵜⵉⴽⴼⵉ (ⵎⵉⵏⵃⴰ) ⵏ 200.000 ⵏ ⵢⵉⴷⵉⵏⴰⵕⴻⵏ ⵉ ⵢⴰⵍ ⴰⵎⴰⵔⵉⵔ.
ⵓⵙⵎ ⴱⴻⵍⵄⴻⴱⴱⴰⵙ ⵜⴻⴹⴹⴻⴼ ⴰⵎⴽⴰⵏ ⵡⵉⵙ 9 ⴷⴻⴳ ⵜⴳⴰⵔⴰ ⵏ ⵡⴰⵙⵙ ⵡⵉⵙ 5 ⵏ ⵜⴻⵍⵖⵓⵖⴰ, ⵖⴻⵔ ⵢⵉⴷⵉⵙ ⵏ ⵛⵙ ⵇⵙⴻⵏⵟⵉⵏⴰ, ⵙ 5 ⵏ ⵜⴻⵏⵇⵉⴹⵉⵏ ⵉ ⵢⵉⵡⴻⵜ.
