ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵇⴱⵓⵛⵜ ⵏ ⵜⴽⵓⵏⴼⵉⴷⵉⵕⴰⵍⵉⵜ: ⵎⵧ ⴱⴳⴰⵢⴻⵜ ⴰⵄⴻⴷⴷⵉ ⵏ ⴱⴳⴰⵢⴻⵜ ⵖⴻⵔ ⵜⵏⴻⴳⴳⴰⵔⵓⵜ ⵏ ⵜⴻⵇⴱⵓⵛⵜ ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ

ⵔⵔⴱⴰⵟ– ⵜⵄⴻⴷⴷⴰ ⵎⵧ ⴱⴳⴰⵢⴻⵜ, ⵉ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵎⴻⵣⵔⵓⵢ-ⵏⵏⴻⵙ, ⵖⴻⵔ ⵜⵏⴻⴳⴳⴰⵔⵓⵜ ⵏ ⵜⴻⵇⴱⵓⵛⵜ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵜⴰⴼⵔⵉⵇⵉⵜ ⵏ ⵜⵛⵉⵔⴹⴰⵔⵜ, ⵎⵉ ⵜⴼⵓⴽ ⵜⴻⵎⵍⵉⵍⵉⵜ-ⵏⵏⴻⵙ ⴷ ⴼⵓⵙ ⵔⵔⴱⴰⵟ ⵙ 1 ⵖⴻⵔ 1, ⴷⴻⴳ ⵜⴻⵎⵍⵉⵍⵉⵜ ⵏ ⵡⵓⵖⴰⵍ ⵏ ⵡⴻⵣⴳⴻⵏ ⵏ ⵜⵏⴻⴳⴳⴰⵔⵓⵜ, ⴰⵙⵙ ⵏ ⵙⵙⴻⴱⵜ ⵜⴰⵎⴻⴷⴷⵉⵜ ⴷⴻⴳ ⵓⵙⴰⵔⵉⵔ (ⵎⴰⵍⵄⴰⴱ) ⵏ ⵎⵓⵍⴰⵢ-ⵃⴰⵙⴰⵏ ⴷⴻⴳ ⵔⵔⴱⴰⵟ (ⵎⴻⵕⵕⵓⴽ).

ⵉⵙⵡⵉ ⴰⵎⴻⵕⵕⵓⴽⵉ ⵢⴻⵙⵙⴰⴷⴻⴼ-ⵉⵜ ⴰⵀⵎⴻⴷ ⴷⴰⵀⵉⵔⵉ ⴷⴻⴳ ⵜⵉⵙ 73. ⵉⵙⵡⵉ ⴰⴷⵣⴰⵢⵔⵉ ⵢⴻⵙⵙⴰⴷⴻⴼ-ⵉⵜ ⴼⴰⵧⵓⵣⵉ ⵔⴰⵀⴰⵍ ⴷⴻⴳ ⵜⵉⵙ 89.

ⴷⴻⴳ ⵜⴻⵎⵍⵉⵍⵉⵜ ⵏ ⵜⵡⴰⴷⴷⴰ ⴰⵢ ⵓⵔⴰⵔⴻⵏ ⴷⴻⴳ ⵓⵙⴰⵔⵉⵔ ⵏ ⵜⴷⵓⴽⵍⵉ ⵜⴰⵎⵖⴰⵔⴱⵉⵜ, ⵜⴼⵓⴽ ⵎⵧ ⴱⴳⴰⵢⴻⵜ ⵙ 0 ⵖⴻⵔ 0 ⵎⴳⴰⵍ ⴼⵓⵙ ⵔⵔⴱⴰⵟ.

ⴷ ⵜⵉⴽⴽⴻⵍⵜ ⵜⴰⵎⴻⵣⵡⴰⵔⵓⵜ ⴰⵢⴷⴻⴳ ⵉⵎⴰⵔⵉⵔⴻⵏ ⵏ ⵏⴰⵙⵙⴻⵔ ⵙⴰⵏⴷⵊⴰⴽ ⴰⴷ ⵄⴻⴷⴷⵉⵏ ⵖⴻⵔ ⵜⵏⴻⴳⴳⴰⵔⵓⵜ ⵏ ⵜⴻⵇⴱⵓⵛⵜ ⵏ ⵜⴻⴼⵔⵉⵇⵜ.

ⴷⴻⴳ ⵜⵏⴻⴳⴳⴰⵔⵓⵜ-ⴰ, ⴰⴷ ⵜⵓⵔⴰⵔ ⵎⵧ ⴱⴳⴰⵢⴻⵜ ⵎⴳⴰⵍ ⵜⵒ ⵎⴰⵣⴻⵎⴱⴻ. ⵜⴰⵖⵍⴰⵎⵜ-ⴰ ⵏ ⵜⴻⴳⴷⵓⴷⴰ ⵜⴰⵎⴻⴳⴷⴰⵢⵜ ⵏ ⴽⵓⵏⴳⵓ ⵜⵄⴻⴷⴷⴰ, ⵓⵍⴰ ⴷ ⵏⴻⵜⵜⴰⵜ, ⵖⴻⵔ ⵜⵏⴻⴳⴳⴰⵔⵓⵜ ⵙ ⵜⴻⵎⵍⵉⵍⵉⵜ ⵜⵉⵍⴻⵎⵜ ⵎⴳⴰⵍ ⴻⵙ ⵙⵙⴰⵃⴻⵍ, ⴰⵢⴷⴻⴳ ⴼⵓⴽⴻⵏⵜ ⵙ 0 ⵖⴻⵔ 0 ⴷⴻⴳ ⵓⵙⴰⵔⵉⵔ ⵏ ⵍⵓⴱⵓⵎⴱⴰⵙⵀⵉ. ⴷⴻⴳ ⵜⴻⵎⵍⵉⵍⵉⵜ ⵏ ⵜⵡⴰⴷⴷⴰ, ⵜⴻⴼⴼⴻⵖ ⴷⴰⵖ ⵜⵒ ⵎⴰⵣⴻⵎⴱⴻ ⵙ 1 ⵖⴻⵔ 1 ⵎⴳⴰⵍ ⵙⵙⴰⵃⴻⵍ.