Asebter amenzawi

Taqbuct n Tkunfidiṛalit: MO Bgayet aɛeddi n Bgayet ɣer tneggarut n teqbuct i tikkelt tamezwarut

RRBAṬ– Tɛedda MO Bgayet, i tikkelt tamezwarut deg umezruy-nnes, ɣer tneggarut n Teqbuct n Tkunfidiṛalit Tafriqit n Tcirḍart, mi tfuk temlilit-nnes d FUS Rrbaṭ s 1 ɣer 1, deg temlilit n wuɣal n wezgen n tneggarut, ass n ssebt tameddit deg usarir (malɛab) n Mulay-Ḥasan deg Rrbaṭ (Meṛṛuk).

Iswi ameṛṛuki yessadef-it Ahmed Dahiri deg tis 73. Iswi adzayri yessadef-it Faouzi Rahal deg tis 89.

Deg temlilit n twadda ay uraren deg usarir n Tdukli Tamɣarbit, tfuk MO Bgayet s 0 ɣer 0 mgal FUS Rrbaṭ.

D tikkelt tamezwarut aydeg imariren n Nasser Sandjak ad ɛeddin ɣer tneggarut n Teqbuct n Tefriqt.

Deg tneggarut-a, ad turar MO Bgayet mgal TP Mazembe. Taɣlamt-a n Tegduda Tamegdayt n Kungu tɛedda, ula d nettat, ɣer tneggarut s temlilit tilemt mgal ES Ssaḥel, aydeg fukent s 0 ɣer 0 deg usarir n Lubumbashi. Deg temlilit n twadda, teffeɣ daɣ TP Mazembe s 1 ɣer 1 mgal Ssaḥel.