ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵀⵓⵎⴰⵏ ⵔⵉⴳⵀⵜⵙ ⵡⴰⵜⵛⵀ ⵜⴻⵜⵜⵀⴻⵎ ⴼⵉⴼⴰ ⵙ ⵡⴻⵇⴱⴰⵍ ⵏ « ⵜⵓⴽⴻⵔⴹⴰ » ⵏ ⵡⴰⴽⴰⵍ ⴰⴼⴰⵍⴻⵙⵟⵉⵏⵉ

ⵍⵇⵓⴷⵙ ⵢⴻⵜⵜⵡⴰⴹⴹⴼⴻⵏ – ⵜⵓⴷⴷⵙⴰ ⵏ ⵀⵓⵎⴰⵏ ⵔⵉⴳⵀⵜⵙ ⵡⴰⵜⵛⵀ ⵜⴻⵜⵜⵀⴻⵎ ⴼⵉⴼⴰ ⵙ ⵡⴻⵇⴱⴰⵍ ⵏ « ⵜⵓⴽⴻⵔⴹⴰ » ⵏ ⵡⴰⴽⴰⵍ ⴰⴼⴰⵍⴻⵙⵟⵉⵏⵉ ⵉⵎⵉ ⴰⵢ ⵜⴻⵇⴱⴻⵍ ⴰⴷ ⴷ-ⵉⵍⵉⵏⵜ ⵜⴻⵎⵍⵉⵍⵉⵢⵉⵏ ⵏ ⵜⴼⵉⴷⵉⵕⴰⵍⵉⵜ ⵜⵉⵙⵕⴰⵢⵉⵍⵉⵜ ⵏ ⵜⵛⵉⵔⴹⴰⵔⵜ ⴷⴻⴳ ⵜⴻⵀⵔⴰⵙ (ⵎⵓⵙⵜⴰⵡⵟⴰⵏⴰⵜ) ⴰⵢ ⵜⴻⴱⵏⴰ ⵉⵙⵕⴰⵢⵉⵍ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ.

ⴷⴻⴳ ⵢⵉⵡⴻⵏ ⵏ ⵓⵕⴰⴱⵓⵍ ⵏ ⵀⵓⵎⴰⵏ ⵔⵉⴳⵀⵜⵙ ⵡⴰⵜⵛⵀ, ⵜⴻⵃⵕⴻⵙ ⵜⵓⴷⴷⵙⴰ-ⴰ ⴰⵙⴻⵍⵡⴰⵢ ⵏ ⴼⵉⴼⴰ, ⴳⵉⴰⵏⵏⵉ ⵉⵏⴼⴰⵏⵜⵉⵏⵧ, ⴰⴽⴽⴻⵏ ⴰⴷ ⵉⵇⴰⴷⴻⵔ ⵍⵄⵓⵀⵓⴷ-ⵏⵏⴻⵙ ⵏ ⵡⴻⵙⵎⴻⵙⴽⴻⵍ (ⵉⵚⵍⴰⵃ) ⵢⴻⵔⵏⵓ ⴰⴷ ⵢⴻⵃⴱⴻⵙ ⵜⵉⵎⵍⵉⵍⵉⵢⵉⵏ ⴰⵔⴰ ⴷ-ⵢⵉⵍⵉⵏ ⴷⴻⴳ ⵜⴻⵀⵔⴰⵙ ⴷⴷⴰⵡ ⵍⴻⵄⵏⴰⵢⴰ ⵏ ⵜⴼⵉⴷⵉⵕⴰⵍⵉⵜ ⵜⵉⵙⵕⴰⵢⵉⵍⵉⵜ ⵏ ⵜⵛⵉⵔⴹⴰⵔⵜ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵜⵛⵉⵔⴹⴰⵔⵜ.

ⵜⴰⵎⵙⴰⵍⵜ ⵏ ⵜⴻⵀⵔⴰⵙ ⵜⵉⵙⵕⴰⵢⵉⵍⵉⵢⵉⵏ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ ⴰⴼⴰⵍⴻⵙⵟⵉⵏⵉ ⴷ ⵢⵉⵡⴻⵜ ⵙⴻⴳ ⵜⴻⵎⵙⴰⵍ ⴰⵔⴰ ⴷ-ⵢⴻⵜⵜⵡⴰⴱⴻⴷⵔⴻⵏ ⴷⴻⴳ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⴰⵙⵍⴻⴽⵎⴰⵏ (ⵜⴰⵏⴼⵉⴷⵉ) ⵏ ⴼⵉⴼⴰ ⴰⵔⴰ ⵢⴻⵎⵍⵉⵍⴻⵏ ⵓⵙⵙⴰⵏ ⵏ 13 ⴷ 14 ⵜⵓⴱⴻⵕ.

ⵜⵓⴷⴷⵙⴰ-ⴰ ⵜⴰⵔⵏⴰⴱⴰⴹⵜ (ⵖⴰⵔ ⵃⵓⴽⵓⵎⵉⵢⵢⴰ) ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⵜⴻⵙⵄⴰ ⵜⴰⵙⵖⵉⵎⵜ-ⵏⵏⴻⵙ (ⵎⴰⵇⴰⵔ) ⴷⴻⴳ ⵏⴻⵡ ⵢⵧⵔⴽ ⵢⴻⵔⵏⵓ ⵜⴻⵜⵜⵀⴻⵎ ⴼⵉⴼⴰ ⵙ ⵓⵄⴰⵡⴻⵏ ⵏ ⵜⴻⵀⵔⴰⵙ ⵙ ⵡⴻⴱⵔⵉⴷ ⴰⵔⵓⵙⵔⵉⴷ, ⴷ ⵓⵜⵜⴻⴽⴽⵉ ⴷⴻⴳ ⵡⴻⵔⴽⴰⴹ ⵏ ⵍⵇⴰⵏⵓⵏ ⴰⵍⵙⴰⵏ ⴰⴳⵔⴰⵖⵍⴰⵏ ⴷ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ.

« ⵜⴻⵙⵙⴰⵎⴻⵙ ⴼⵉⴼⴰ ⵓⵔⴰⵔ ⵓⵛⴱⵉⵃ ⵏ ⵜⵛⵉⵔⴹⴰⵔⵜ ⵉⵎⵉ ⴰⵢ ⵜⴻⵇⴱⴻⵍ ⴰⴷ ⴷ-ⵉⵍⵉⵏⵜ ⵜⴻⵎⵍⵉⵍⵉⵢⵉⵏ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⴽⵔⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵙⴰⵔⵉ ⴱⴰⵙⵀⵉ, ⴰⵎⴰⵙⴰⵢ (ⵎⴰⵙ’ⵓⵍ) ⴰⴷⵉⴳⴰⵏ ⵏ ⵀⵓⵎⴰⵏ ⵔⵉⴳⵀⵜⵙ ⵡⴰⵜⵛⵀ, ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ).

ⵜⵓⴷⴷⵙⴰ-ⴰ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⵜⴻⵙⵎⴻⴽⵜⴰⵢ-ⴷ ⴷⴰⴽⴽⴻⵏ ⴰⵙⵙⴻⵀⵔⴻⵙ (ⵉⵙⵜⵉⵄⵎⴰⵔ) ⵢⴻⴼⴼⴻⵖ ⵉ ⵍⵇⴰⵏⵓⵏ ⴰⴳⵔⴰⵖⵍⴰⵏ. ⵙⴻⴳ ⵡⴰⵙⵎⵉ ⴰⵢ ⵢⴻⵜⵜⵡⴰⴹⴹⴻⴼ ⵓⴳⴻⵎⵎⴰⴹ ⵓⵜⵔⵉⵎ ⴷⴻⴳ 1967, 500.000 ⵏ ⵢⴻⵎⵀⴰⵔⵙⴻⵏ (ⵎⵓⵙⵜⴰⵡⵟⵉⵏⵉⵏ) ⵉⵙⵕⴰⵢⵉⵍⵉⵢⴻⵏ ⴰⵢ ⵢⴻⴷⴷⴰⵏ ⴰⴷ ⵣⴻⴷⵖⴻⵏ ⴷⴻⴳ ⵢⵉⴽⴰⵍⴻⵏ ⵉⴼⴰⵍⴻⵙⵟⵉⵏⵉⵢⴻⵏ, ⵖⴻⴼ ⵍⴻⵃⵙⴰⴱ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.