ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵖⴻⵔⴷⴰⵢⵜ: ⴰⴷ ⵜⴻⵏⵇⴻⵙ ⵍⵖⴻⵍⵍⴰ ⵏ ⵡⴻⴽⴱⴰⵍ ⴷⴻⴳ ⵜⵡⵉⵍⴰⵢⵜ-ⴰ (ⴰⵎⴰⵙⴰⵢ)

ⵜⴰƔⴻⵔⴷⴰⵢⵜ - ⵢⴻⵏⵏⴰ-ⴷ ⵓⵏⴻⵎⵀⴰⵍ ⵏ ⵢⵉⵎⴻⵥⵍⴰ (ⵅⴰⴷⴰⵎⴰⵜ) ⵏ ⵜⴽⴻⵔⵔⴰⵣⵜ ⵏ ⵜⵡⵉⵍⴰⵢⵜ ⵏ ⵜⵖⴻⵔⴷⴰⵢⵜ ⴷⴰⴽⴽⴻⵏ ⵍⵖⴻⵍⵍⴰ ⵏ ⵡⴻⴽⴱⴰⵍ ⴰⵔⴰ ⴷ-ⵢⵉⵍⵉⵏ ⴷⴻⴳ ⵡⴻⵎⵡⴰⵏ-ⴰ (ⵅⴰⵔⵉⴼ) ⵏ 2016 ⴰⴷ ⵜⴻⵏⵇⴻⵙ ⵖⴻⴼ ⵍⴻⵃⵙⴰⴱ ⵏ ⵜⵉⵏ ⵏ ⵢⵉⵍⵉⵏⴷⵉ.

ⴰⵏⵇⴰⵙ-ⴰ ⵏ ⵍⵖⴻⵍⵍⴰ ⵖⴻⴼ ⵍⴻⵃⵙⴰⴱ ⵏ ⵓⵙⴻⴳⴳⴰⵙ ⵢⴻⵣⵔⵉⵏ (2015) ⴰⴷ ⴷ-ⵢⴻⴱⴷⵓ ⴷⴻⴳ ⵡⴰⵢⵢⵓⵔ-ⴰ ⵏ ⵜⵓⴱⴻⵕ, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⵖⴻⴼ ⵍⴵⴰⵍ ⵏ ⵡⴻⵏⵇⴰⵙ ⵏ ⵜⵊⵓⵎⵎⴰ ⵏ ⵡⴰⴽⴰⵍ ⴰⵢ ⵥⵥⴰⵏ ⴷ ⴰⴽⴱⴰⵍ. ⴷⴻⴳ 2015, ⵙⴼⵓⵍⵍⵃⴻⵏ ⴰⴽⴱⴰⵍ ⴷⴻⴳ 2.500 ⵏ ⵢⵉⵇⴻⵟⵟⴰⵔⴻⵏ ⵏ ⵡⴰⴽⴰⵍ, ⵎⴰ ⵢⴻⵍⵍⴰ ⴷⴻⴳ 2016, ⴰⵍⴰ 900 ⵏ ⵢⵉⵇⴻⵟⵟⴰⵔⴻⵏ ⴰⵢ ⵥⵥⴰⵏ ⴷ ⴰⴽⴱⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⵍⵉ ⴱⴻⵏⴷⵊⵧⵓⴷⵉ.

ⴷⴻⴳ 2015, ⵜⴻⵡⵡⴻⴹ ⵍⵖⴻⵍⵍⴰ ⵏ ⵡⴻⴽⴱⴰⵍ ⵏ ⵡⴻⵊⵎⴰⵄ ⴷⴻⴳ ⵢⵉⴽⵓⴼⴰⵏ ⵖⴻⵔ ⵓⵎⴻⵍⵢⵓⵏ ⵏ ⵢⵉⵇⴻⵏⵟⴰⵔⴻⵏ, ⵎⴰ ⴷ ⵡⵉⵏ ⵏ ⵜⵄⴻⵇⵇⴰⵢⵜ, ⵜⴻⵡⵡⴻⴹ ⵍⵖⴻⵍⵍⴰ-ⵏⵏⴻⵙ ⵖⴻⵔ 8.000 ⵏ ⵢⵉⵇⴻⵏⵟⴰⵔⴻⵏ, ⵎⴰⵛⴰ ⴰⵍⴰ 6.800 ⵏ ⵢⵉⵇⴻⵏⵟⴰⵔⴻⵏ ⵏ ⵡⴻⴽⴱⴰⵍ ⵏ ⵜⵄⴻⵇⵇⴰⵢⵜ ⴰⵢ ⵢⴻⵡⵡⵉ ⵓⴷⵉⵡⴰⵏ ⴰⵖⴻⵍⵏⴰⵡ ⵏ ⵜⵓⵞⵞⵉⵜ ⵏ ⵍⵎⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⴰⴽⴱⴰⵍ ⵢⴻⵜⵜⵡⴰⵊⴻⵎⵄⴻⵏ ⴷⴻⴳ ⵢⵉⴽⵓⴼⴰⵏ ⵓⵔ ⴰⵙⴻⵏ-ⵢⴻⵏⵣⵉ ⵎⵍⵉⵃ ⴰⵙⴻⴳⴳⴰⵙ ⵢⴻⵣⵔⵉⵏ ⵉ ⵢⵉⴽⴻⵔⵔⴰⵣⴻⵏ, ⵍⴰⴷⵖⴰ ⴷⴻⴳ ⵃⴰⵙⵉ ⵍⴻⴼⵃⴻⵍ, ⵃⴰⵙⵉ ⵍⴳⴰⵕⴰ ⴷ ⵍⴻⵎⵏⵉⵄⴰ (ⴷⴻⴳ ⵡⴻⵏⵥⵓⵍ ⵏ ⵜⵡⵉⵍⴰⵢⵜ), ⴷ ⵜⵉⵎⵏⴰⴹⵉⵏ ⴰⵏⴷⴰ ⴰⵢ ⵍⵍⴰⵏ ⵡⴰⵎⴰⵏ, ⴷⵖⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⵉⴽⴻⵔⵔⴰⵣⴻⵏ ⵏ ⵜⴻⵎⵏⴰⴹⵜ-ⴰ ⴰⴷ ⴵⴵⴻⵏ ⵜⵓⵥⵓⵜ ⵏ ⵡⴻⴽⴱⴰⵍ ⴷⴻⴳ ⵓⵏⴻⴱⴷⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵎⴻⵀⵍⴰ.