Asebter amenzawi

Taɣerdayt: ad tenqes lɣella n wekbal deg twilayt-a (amasay)

TAƔERDAYT - Yenna-d unemhal n yimeẓla (xadamat) n tkerrazt n twilayt n Tɣerdayt dakken lɣella n wekbal ara d-yilin deg wemwan-a (xarif) n 2016 ad tenqes ɣef leḥsab n tin n yilindi.

Anqas-a n lɣella ɣef leḥsab n useggas yezrin (2015) ad d-yebdu deg wayyur-a n Tubeṛ, yernu yella-d waya ɣef lǧal n wenqas n tjumma n wakal ay ẓẓan d akbal. Deg 2015, sfullḥen akbal deg 2.500 n yiqeṭṭaren n wakal, ma yella deg 2016, ala 900 n yiqeṭṭaren ay ẓẓan d akbal, ɣef wakken ay d-yenna Mass Ali Bendjoudi.

Deg 2015, tewweḍ lɣella n wekbal n wejmaɛ deg yikufan ɣer umelyun n yiqenṭaren, ma d win n tɛeqqayt, tewweḍ lɣella-nnes ɣer 8.000 n yiqenṭaren, maca ala 6.800 n yiqenṭaren n wekbal n tɛeqqayt ay yewwi Udiwan Aɣelnaw n Tuččit n Lmal, ɣef wakken ay d-yenna.

Akbal yettwajemɛen deg yikufan ur asen-yenzi mliḥ aseggas yezrin i yikerrazen, ladɣa deg Ḥasi Lefḥel, Ḥasi Lgaṛa d Lemniɛa (deg wenẓul n twilayt), d timnaḍin anda ay llan waman, dɣa d aya ay yeǧǧan ikerrazen n temnaḍt-a ad ǧǧen tuẓut n wekbal deg unebdu, ɣef wakken ay d-tenna tmehla.