ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴼⴰⵙⴽⴰ ⵜⴰⴳⵔⴰⵖⵍⴰⵏⵜ ⵏ ⵜⴽⴰⵍⵉⴳⵕⴰⴼⵉⵜ ⵜⴰⵄⵕⴰⴱⵜ: ⴰⵟⴰⵙ ⵏ ⵢⵉⵏⴰⵥⵓⵔⴻⵏ ⴰⵢ ⵢⴻⵡⵡⵉⵏ ⴰⵔⵔⴰⵣ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⴰⵟⴰⵙ ⵏ ⵢⵉⵏⴰⵥⵓⵔⴻⵏ ⴰⵢ ⵢⴻⵡⵡⵉⵏ ⴰⵔⵔⴰⵣⴻⵏ ⴷⴻⴳ ⵜⴼⴰⵙⴽⴰ ⵜⴰⴳⵔⴰⵖⵍⴰⵏⵜ ⵏ ⵜⴽⴰⵍⵉⴳⵕⴰⴼⵉⵜ ⵜⴰⵄⵕⴰⴱⵜ ⴷ ⵜⴻⵅⵜⴰⵜⴰⵙⵜ ⴰⵢ ⵉⴼⵓⴽⴻⵏ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.
ⴰⵔⵔⴰⵣ ⴰⵎⴻⵣⵡⴰⵔⵓ ⴷⴻⴳ ⵜⴰⴳⴳⴰⵢⵜ (ⴼⵉ’ⴰ) ⵏ ⵜⴽⴰⵍⵉⴳⵕⴰⴼⵉⵜ ⵜⴰⵄⵕⴰⴱⵜ ⵢⴻⵡⵡⵉ-ⵜ ⵢⵉⵕⴰⵏⵉ ⵙⵉⴱⵣⴻⵀ ⵎⴻⵊⵜⴻⴱⵉ ⵙ ⵓⵅⴻⴷⴷⵉⵎ-ⵏⵏⴻⵙ ⵢⴻⵜⵜⵡⴰⵔⵓⵏ ⵙ ⵜⵉⵔⴰⵡⵜ ⵜⴰⵄⵕⴰⴱⵜ « ⵜⴰⵙⵜⴰⵍⵉⵇⵜ », ⵎⴰ ⴷ ⴰⵔⵔⴰⵣ ⵡⵉⵙ ⵙⵉⵏ ⴷ ⵡⵉⵙ 3 ⵡⵡⵉⵏ-ⵜⴻⵏ ⵢⵉⴷⵣⴰⵢⵔⵉⵢⴻⵏ ⴷⵊⴰⵎⴻⵍ ⴻⴷⴷⵉⵏⴻ ⴽⴰⵔⴰ ⴷ ⴱⴻⵏⴱⵧⵓⴰⴱⴷⴰⵍⵍⴰⵀ ⵎⵧⵀⴰⵎⴻⴷ ⴱⴻⵍⴽⴰⵛⴻⵎ ⵖⴻⴼ ⵢⵉⵅⴻⴷⴷⵉⵎⴻⵏ-ⵏⵙⴻⵏ ⵏ ⵜⴰⴳⴳⴰⵢⵉⵏ ⵏ « ⵏⴰⵙⵅ » ⴷ « ⵜⵓⵍⵓⵜ ». ⴰⴷⵣⴰⵢⵔⵉ ⵡⵉⵙ 3, ⴰⴱⴷⴻⵍⴽⴰⴷⴻⵔ ⴷⴰⵧⵓⴷⵉ, ⵢⴻⵡⵡⵉ ⴰⵔⵔⴰⵣ ⵏ ⵓⵙⵙⴻⴱⵖⴻⵙ.
ⴷⴻⴳ ⵜⴰⴳⴳⴰⵢⵜ ⵏ ⵜⴻⵅⵜⴰⵜⴰⵙⵜ, ⴷ ⵉⵕⴰⵏⵉ ⵉⵙⵀⴰⵇ ⵔⵧⵀⴰⵍⵍⴰⵀ ⴰⵢ ⵢⴻⵡⵡⵉⵏ ⴰⵔⵔⴰⵣ ⴰⵎⴻⵣⵡⴰⵔⵓ, ⵙⴰⴽⴽⵉⵏ ⵜⴻⴹⴼⴻⵔ-ⵉⵜ ⵜⵟⴻⵔⴽⵉⵜ ⴰⵉⵛⵀⴻ ⵧⵓⵉⵙⵙⴰⵍ ⵖⴻⴼ ⵓⵅⴻⴷⴷⵉⵎ-ⵏⵏⴻⵙ ⵖⴻⴼ ⵓⵎⴻⵣⵔⵓⵢ ⴷ ⵢⴻⴷⵍⴻⵙ ⴷⴻⴳ ⵜⵎⵓⵔⵜ-ⵏⵏⴻⵙ. ⴰⵔⵔⴰⵣ ⵡⵉⵙ 3 ⵢⴻⵡⵡⵉ-ⵜ ⵓⵀⴻⵏⴷⵉ ⵙⵉⵙⵧⵓⴷⵉⴰ ⵎⴰⵀⴰⵏⴷⵔⴰ ⵙⵉⵏⴳⵀ ⵖⴻⴼ ⵓⵅⴻⴷⴷⵉⵎ-ⵏⵏⴻⵙ ⵖⴻⴼ ⵜⵓⴷⴻⵔⵜ ⵜⴰⵙⵖⴰⵏⴰⵏⵜ (ⴷⵉⵏⵉⵢⵢⴰ) ⴷ ⵜⵉⵏ ⵏ ⵓⴳⴰⵎⴰ ⴷⴻⴳ ⵍⵀⴻⵏⴷ. ⵎⴰ ⴷ ⵜⴰⴷⵣⴰⵢⵔⵉⵜ ⵙⴻⵍⵎⴰ ⴰⵏⴼⵉⴼ ⵜⴻⵡⵡⵉ ⴰⵔⵔⴰⵣ ⵏ ⵓⵙⵙⴻⴱⵖⴻⵙ.
ⴷⴻⴳ ⵜⴳⴰⵔⴰ ⵏ ⵜⴼⵓⴳⵍⴰ ⵏ ⵡⴻⴼⵔⴰⵇ ⵏ ⵡⴰⵔⵔⴰⵣⴻⵏ, ⵢⴻⵏⵏⴰ-ⴷ ⵢⵉⵕⴰⵏⵉ ⵙⴻⴱⵣⴻⵀ ⵎⴻⵊⵜⴻⴱⵉ ⴷⴰⴽⴽⴻⵏ ⵢⵓⵎⴰⵔ « ⴰⵟⴰⵙ » ⵉⵎⵉ ⴰⵢ ⴷ-ⵢⴻⵡⵡⵉ ⴰⵔⵔⴰⵣ ⴰⵎⴻⵣⵡⴰⵔⵓ ⴷⴻⴳ ⵜⴽⴰⵍⵉⴳⵕⴰⴼⵉⵜ ⵜⴰⵄⵕⴰⴱⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵓⵔ ⵢⴻⴱⵏⵉ ⵖⴻⴼ ⵡⴰⵢⴰ, ⵍⴰⴷⵖⴰ ⵉⵎⵉ ⴰⵢ ⵜⵜⴻⴽⴽⴰⵏ ⴰⵟⴰⵙ ⵏ ⵢⵉⵅⴻⴷⴷⵉⵎⴻⵏ ⵏ ⵜⵖⴰⵔⴰ ⴷⴻⴳ ⵜⴻⴷⵢⴰⵏⵜ-ⴰ.
ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵛⴽⴻⵕ-ⴷ ⵓⵏⴻⵖⵍⴰⴼ ⵏ ⵢⴻⴷⵍⴻⵙ, ⴰⵣⵣⴻⴷⵉⵏⴻ ⵎⵉⵀⵧⵓⴱⵉ, « ⵜⴰⵖⴰⵔⴰ » ⴷ ⵡⴻⵙⵡⵉⵔ ⴰⵏⴰⵥⵓⵔⴰⵏ ⵏ ⵢⵉⵅⴻⴷⴷⵉⵎⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴼⴰⵙⴽⴰ-ⴰ, ⵍⴰⴷⵖⴰ ⵉⵅⴻⴷⴷⵉⵎⴻⵏ ⵉⴷⵣⴰⵢⵔⵉⵢⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⴳⴻⵣⴷⵓ-ⵏⵏⴻⵙ ⵍⴰ ⵢⴻⵜⵜⵅⴻⵎⵎⵉⵎ ⴰⴷ ⵢⴻⵔⵥⴻⵎ ⴰⵖⴻⵔⴱⴰⵣ ⵏ ⵜⴽⴰⵍⵉⴳⵕⴰⴼⵉⵜ ⵜⴰⵄⵕⴰⴱⵜ ⴷ ⵜⴻⵅⵜⴰⵜⴰⵙⵜ.
