ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

300 ⵏ ⵢⵉⵅⴻⴷⴷⴰⵎⴻⵏ ⵏ ⵢⵉⵙⴰⵔⵉⵔⴻⵏ ⴰⵢ ⴷ-ⵜⴻⵙⵙⴰⵍⴻⵖ ⵜⵓⴷⴷⵙⴰ ⵜⴰⵖⴻⵍⵏⴰⵡⵜ ⵉ ⵡⴻⵃⵔⴰⵣ ⵏ ⵢⵉⵍⴻⵎⵥⵉⵢⴻⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⵓⴷⴷⵙⴰ ⵜⴰⵖⴻⵍⵏⴰⵡⵜ ⵉ ⵡⴻⵃⵔⴰⵣ ⵏ ⵢⵉⵍⴻⵎⵥⵉⵢⴻⵏ, ⴰⴱⴷⴻⵍⴽⵔⵉⵎ ⴰⴱⵉⴷⴰⵜ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⵜⴻⵙⵙⴰⵍⴻⵖ-ⴷ ⵜⵓⴷⴷⵙⴰ-ⵏⵏⴻⵙ 300 ⵏ ⵢⵉⵅⴻⴷⴷⴰⵎⴻⵏ ⵏ ⵢⵉⵙⴰⵔⵉⵔⴻⵏ (ⵎⴰⵍⴰⵄⵉⴱ) ⴷⴻⴳ ⵢⵉⵡⴻⵜ ⵏ ⵜⴰⵏⵏⴰⵏⵜ (ⵜⴰⵔⴰⴱⴱⵓⵚ) ⵏ 3 ⵏ ⵡⴰⵢⵢⵓⵔⴻⵏ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵜⵡⴰⵄⴻⵔⴹⴻⵏ ⵢⵉⵍⴻⵎⵥⵉⵢⴻⵏ-ⴰ ⴷⴻⴳ ⵡⴻⵏⵔⴰⵔ, ⵢⴻⵔⵏⵓ ⵢⴻⵍⴼⴰ-ⴷ ⴷⴰⴽⴽⴻⵏ ⴰⵅⴻⴷⴷⵉⵎ-ⵏⵙⴻⵏ « ⵢⴻⵙⵙⴻⵇⵏⴰⵄ ».

ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵖⴻⴼ « ⴷⴷⵓⵕ ⵏ ⵜⴻⵎⵙⵓⵍⵜⴰ ⴷⴻⴳ ⵓⵙⵙⵉⵍⴻⵖ ⵏ ⵢⵉⵅⴻⴷⴷⴰⵎⴻⵏ ⵏ ⵢⵉⵙⴰⵔⵉⵔⴻⵏ », ⵢⴻⵏⵏⴰ-ⴷ ⴰⴱⵉⴷⴰⵜ ⴷⴰⴽⴽⴻⵏ ⵜⵓⴷⴷⵙⴰ ⴰⵢ ⵢⴻⵙⵙⴻⵍⵡⵉ ⵜⴻⵙⵙⴰⵍⴻⵖ-ⴷ 300 ⵏ ⵢⵉⵍⴻⵎⵥⵉⵢⴻⵏ ⴰⵢ ⴷ-ⵢⴻⵜⵜⵡⴰⴼⴻⵔⵏⴻⵏ ⵙ ⴽⵔⴰ ⵏ ⵛⵛⵓⵔⵓⴹ ⵢⴻⵜⵜⵡⴰⵎⴻⵢⵢⵣⴻⵏ ⵎⵍⵉⵃ.

« ⴰⴼⵔⴰⵏ-ⵏⵙⴻⵏ ⵉⴳⴻⵔ-ⴷ ⴷⴻⴳ ⵍⴻⵃⵙⴰⴱ ⵜⴰⴼⴻⴽⴽⴰ, ⵍⵄⴻⵇⵍⴻⵢⵢⴰ, ⴰⵙⵡⵉⵔ ⵏ ⵜⴻⵣⵔⴰⵡⵉⵏ ⴷ ⵡⴻⵡⵊⴰⴷ ⵏ ⵢⵉⵍⴻⵎⵥⵉⵢⴻⵏ-ⴰ ⴰⴽⴽⴻⵏ ⴰⴷ ⴹⴻⴼⵔⴻⵏ ⵉⵙⵙⵉⵍⵖⴻⵏ (ⵜⴰⴽⵡⵉⵏⴰⵜ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

« ⵉⵍⴻⵎⵥⵉⵢⴻⵏ ⴰⵢ ⴷ-ⵢⴻⵜⵜⵡⴰⴼⴻⵔⵏⴻⵏ ⴹⴻⴼⵔⴻⵏ ⴰⵙⵙⵉⵍⴻⵖ ⵏ 3 ⵏ ⵡⴰⵢⵢⵓⵔⴻⵏ ⴷⴻⴳ ⵢⵉⵡⴻⵏ ⵏ ⵡⴰⵎⵎⴰⵙ ⴷⴻⴳ ⴽⴰⵍⵉⵜⵓⵙ (ⴰⴳⵎⵓⴹ ⵏ ⵍⴷⵣⴰⵢⴻⵔ ⵜⴰⵎⴰⵏⴻⵖⵜ). ⵜⵜⵡⴰⵄⴻⵔⴹⴻⵏ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵜⵛⵉⵔⴹⴰⵔⵜ ⴰⵢⴷⴻⴳ ⵜⵓⵔⴰⵔ ⵍⴻⵣⵣⴰⵢⴻⵔ ⵎⴳⴰⵍ ⴱⵓⵔⴽⵉⵏⴰ ⴼⴰⵙⵧ ⵉ ⵍⵎⴻⵏⴷ ⵏ ⵡⴰⴼⴼⴰⵙ (ⵜⴰⵚⴼⵉⵢⴰⵜ) ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2014 ⴷⴻⴳ ⵓⵙⴰⵔⵉⵔ ⵏ ⵎⵓⵙⵜⴰⵒⵀⴰ-ⵜⵛⵀⴰⴽⴻⵔ, ⴷⴻⴳ ⵍⴻⴱⵍⵉⴷⴰ, ⵢⴻⵔⵏⵓ ⵉⴱⴰⵏ-ⴷ ⴷⴰⴽⴽⴻⵏ ⴰⴱⵔⵉⴷ ⴰⵢ ⴹⴻⴼⵔⴻⵏ ⴷⴻⴳ ⵓⵅⴻⴷⴷⵉⵎ ⵉⴼⴰⵣ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⴱⵉⴷⴰⵜ.

ⵜⵓⴷⴷⵙⴰ ⵜⴰⵖⴻⵍⵏⴰⵡⵜ ⵉ ⵡⴻⵃⵔⴰⵣ ⵏ ⵢⵉⵍⴻⵎⵥⵉⵢⴻⵏ ⵜⴻⵙⵙⵓⵎⴻⵔ-ⴷ ⵜⵉⴼⵔⴰⵜⵉⵏ ⵢⴻⵎⴳⴻⵔⵔⴰⴷⴻⵏ ⵉ ⵜⴻⵖⵍⴰⵎⵉⵏ ⴰⴽⴽⴻⵏ ⴰⴷ ⵃⴻⴽⵎⴻⵏⵜ ⴷⴻⴳ ⵢⴻⵎⴼⴻⵕⵕⴵⴻⵏ ⵢⴻⵔⵏⵓ ⴰⴷ ⵔⴻⴳⵍⴻⵏⵜ ⴰⴱⵔⵉⴷ ⵉ ⵢⵉⵎⴻⵏⵖⵉ ⴷⴻⴳ ⵢⵉⵙⴰⵔⵉⵔⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

« ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵙⵙⴻⵏⵣⵉ ⵏ ⵢⵉⵜⵉⴽⵉⵢⴻⵏ, ⵏⴻⵙⵙⵓⵎⴻⵔ-ⴷ ⴰⴷ ⵜⵉⵍⵉ ⵜⴽⴰⵔⴹⴰ ⵏ ⵓⵏⵏⴻⵣⴷⵉ (ⵉⵛⵜⵉⵔⴰⴽ) ⴰⵢⴷⴻⴳ ⴰⵔⴰ ⵉⵍⵉⵏ ⴰⴽⴽ ⵢⵉⵙⴻⴼⴽⴰ (ⵎⵓⵄⵟⴰⵢⴰⵜ) ⵏ ⵢⴻⵎⴼⴻⵕⵕⴻⴵ ⴰⴽⴽⴻⵏ ⴰⴷ ⵜⵜⵡⴰⵄⴻⵇⵍⴻⵏ ⵢⴻⵔⵏⵓ ⴰⴷ ⵜⵜⵡⴰⵄⴻⵣⵍⴻⵏ ⵡⵉⴷ ⴰⵢ ⴷ-ⵢⴻⵙⵙⴻⵏⴽⴰⵔⴻⵏ ⵛⵛⵡⴰⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.

ⵜⴰⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ ⵜⴻⵏⵏⴰ-ⴷ, ⴷⴻⴳ ⵜⴻⵣⵡⴰⵔⴰ ⵏ ⵜⵙⴻⵎⵀⵓⵢⵜ-ⴰ (ⵎⴰⵡⵙⵉⵎ) ⴷⴰⴽⴽⴻⵏ ⴰⴷ ⵜⴻⴱⴷⵓ ⴰⴷ ⵜⵊⴻⴱⴱⴻⴷ, ⵛⵡⵉⵟ, ⵛⵡⵉⵟ, ⵜⴰⵎⵙⵓⵍⵜⴰ (ⵛⵓⵔⵟⴰ) ⵙⴻⴳ ⵢⵉⵙⴰⵔⵉⵔⴻⵏ. ⴷⴻⴼⴼⵉⵔ ⵎⴰ ⵍⵍⴰⵏⵜ-ⴷ ⴰⵛⵃⴰⵍ ⵏ ⵜⵡⵓⵖⴰ, ⵜⴻⵖⵜⴻⵙ ⵜⵎⴻⵀⵍⴰ ⴰⴷ ⴷ-ⵜⴻⵔⵔ ⵜⵉⵔⵉⵔⵉⵜ « ⵜⴰⵃⵔⵉⵛⴰⵏⵜ » ⵏ ⵜⴻⵎⵙⵓⵍⵜⴰ ⴷⴻⴳ ⵜⵓⵖⴷⴰⴹⵉⵏ ⵢⴻⵜⵜⵡⴰⵍⴻⵙⵙⴻⵙⴻⵏ, ⵙⴻⴳ ⵡⴰⵙⵙ ⵡⵉⵙ 4 ⵏ ⵡⵓⵔⴰⵔ ⵏ ⵜⴻⵍⵖⵓⵖⴰ ⵏ ⵍⴻⵣⵣⴰⵢⴻⵔ ⴷ ⴰⵙⴰⵡⴻⵏ.