ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⴱⴷⴰ-ⴷ, ⴷⴻⴳ ⵜⵙⴻⵎⵙⵉⵍⵜ, ⵓⵙⵙⴻⵏⵙⵉ ⵏ ⵢⵉⵎⴻⵔⵔⴰⵢⴻⵏ ⵖⴻⵔ ⵢⵉⵎⴻⵣⴷⴰⵖⴻⵏ ⵏ ⵜⴻⵎⵏⴰⴹⵜ

ⵜⵉⵙⴻⵎⵙⵉⵍⵜ– ⵜⴻⴱⴷⴰ-ⴷ ⵜⵎⴻⵀⵍⴰ (ⵎⵓⴷⵉⵔⵉⵢⵢⴰ) ⵏ ⵜⵎⴻⵔⵔⵉⵜ (ⵙⵉⵢⴰⵃⴰ) ⵏ ⵜⵡⵉⵍⴰⵢⵜ ⵏ ⵜⵙⴻⵎⵙⵉⵍⵜ ⴰⵀⵉⵍ ⵏ « ⵜⵏⵓⵙⵉ ⵏ ⵓⵎⴻⵔⵔⴰⵢ ⵖⴻⵔ ⵓⵎⴻⵣⴷⴰⵖ » ⴰⴽⴽⴻⵏ ⴰⴷ ⵜⴻⵎⵎⴰⴳⴻⵔ ⵍⴻⵅⵚⴰⵚ ⵏ ⵢⵉⵙⴻⵏⵙⴰ (ⴼⴰⵏⴰⴷⵉⵇ) ⴷⴻⴳ ⵜⴻⵎⵏⴰⴹⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⵜⵎⴻⵀⵍⴰ-ⴰ ⴰⵙⵙ ⵏ ⵜⵜⵍⴰⵜⴰ.

ⴷⴻⴳ ⵢⵉⵊⵉⴼⴻⵕ ⵏ « ⵜⴻⵡⵡⵓⵔⴰ ⵉⵔⴻⵥⵎⴻⵏ » ⵖⴻⴼ ⵜⵎⴻⵔⵔⵉⵜ ⴰⵢ ⴷ-ⵢⴻⵍⵍⴰⵏ ⵉ ⵡⴻⵙⴼⵓⴳⴻⵍ ⵏ ⵡⴰⵙⵙ ⴰⵏⵎⴰⴹⴰⵍ ⵏ ⵜⵎⴻⵔⵔⵉⵜ, ⵢⴻⵏⵏⴰ-ⴷ ⵙⴰⴰⴷ ⴽⵀⵉⵔⴰⵏⵉ, ⴷⴰⴽⴽⴻⵏ ⵜⴰⵙⴻⵎⵙⴻⵍⵜ-ⴰ (ⵚⵉⵖⴰ) ⴷ ⵜⵉⵏ ⴰⵢⴷⴻⴳ ⴰⵎⴻⵔⵔⴰⵢ (ⵙⴰ’ⵉⵃ) ⵢⴻⵣⵎⴻⵔ ⴰⴷ ⵉⵃⴻⴵⴵⴻⵕ ⵜⴰⵅⵅⴰⵎⵜ ⵙ ⵍⵇⴻⵛⵛ ⴷⴻⴳ ⵜⴻⵎⵏⴰⴹⵉⵏ ⵏ ⵜⵎⵓⵔⵜ ⵢⴻⵍⵍⴰⵏ ⴷ ⴰⵃⵔⵉⵛ ⵙⴻⴳ ⵢⴻⵎⵏⴻⵏⵏⵉⴹⴻⵏ ⵉⵏⵎⴻⵔⵔⴰⵢⴻⵏ ⵏ ⵜⵡⵉⵍⴰⵢⵜ, ⵍⴰⴷⵖⴰ ⴷⴻⴳ ⵜⴻⵎⵏⴰⴹⵜ ⵏ ⵍⵃⴻⵎⵎⴰⵎ ⵏ ⵙⵉⴷⵉ ⵙⵍⵉⵎⴰⵏ, ⴰⴼⵔⴰⴳ ⴰⵖⴻⵍⵏⴰⵡ ⵏ ⵜⵏⴻⴳⵍⵉⵏ ⵏ ⵜⵏⴻⵢⵢⴻⵜ ⵍⵃⴻⴷⴷ ⴷ ⵜⴻⵥⴳⵉ ⵏ ⵄⵉⵏ ⵄⴻⵏⵟⴻⵔ ⴷⴻⴳ ⵜⵖⵉⵡⴰⵏⵜ ⵏ ⴱⵓⵇⴰⵢⴻⴷ.

ⵢⴻⵍⵍⴰ-ⴷ ⵓⵃⴻⵣⵣⵉⴱ-ⴰ ⴷⴷⴰⵡ ⵍⴻⵡⵚⴰⵢⴰ ⵜⴰⵖⵍⵉⴼⴰⵏⵜ ⵜⵓⵛⵔⵉⴽⵜ ⵉ ⵜⵓⴽⵛⵉ ⵏ ⵜⵜⴻⵙⵔⵉⵃ ⵉ ⵓⵙⵙⴻⵣⴷⴻⵖ ⵏ ⵢⵉⵎⴻⵔⵔⴰⵢⴻⵏ ⵖⴻⵔ ⵢⵉⵎⴻⵣⴷⴰⵖⴻⵏ.

ⵜⵉⵣⴻⵎⵎⴰⵔ ⵏ ⵓⵎⵎⴰⴳⴻⵔ ⴰⵢ ⵙⵄⴰⵏ ⵢⵉⵙⴻⵏⵙⴰ ⵏ ⵜⵡⵉⵍⴰⵢⵜ-ⴰ ⵜⴻⵡⵡⴻⴹ ⵖⴻⵔ ⵜⴰⵍⴰⵙⵜ-ⵏⵏⴻⵙ, ⵢⴻⵔⵏⵓ ⵉⵙⴻⵏⵙⴰ ⵏ ⵜⵡⵉⵍⴰⵢⵜ-ⴰ ⵙⵄⴰⵏ ⴽⴰⵏ ⴰⵊⴻⵎⵎⴰⵍ ⵏ 165 ⵏ ⵡⵓⵙⵓⵜⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ.

ⵢⴻⵏⵏⴰ-ⴷ ⴷⴰⵖ ⵎⴰⵙⵙ ⴽⵀⵉⵔⴰⵏⵉ ⴷⴰⴽⴽⴻⵏ ⵍⴰ ⴱⴻⵏⵏⵓⵏ 3 ⵏ ⵢⵉⵙⴻⵏⵙⴰ ⵉⵎⴰⵢⵏⵓⵜⴻⵏ ⴷⴻⴳ ⵜⵙⴻⵎⵙⵉⵍⵜ ⴷⴻⴳ ⵓⴽⴰⵜⴰⵔ ⵏ ⵓⵙⵙⴻⴼⵜⵉ ⵓⵙⵍⵉⴳ, ⵢⴻⵔⵏⵓ ⴰⵙⵎⵉ ⴰⵔⴰ ⴼⴰⴽⴻⵏ ⵢⵉⵙⴻⵏⵙⴰ-ⴰ, ⴰⴷ ⴷ-ⵔⵏⵓⵏ 500 ⵏ ⵡⵓⵙⵓⵜⴻⵏ ⵉⵎⴰⵢⵏⵓⵜⴻⵏ. ⴰⴼⵎⵉⴹⵉ (ⵏⵉⵙⴱⴰ) ⵏ ⵡⴻⵡⵊⴰⴷ ⵏ ⵢⵉⵙⴻⵏⵙⴰ-ⴰ ⵢⴻⵜⵜⴻⵣⵣⵉ ⴳⴰⵔ 20 ⴷ 90%, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵙⴻⴳ ⵎⴻⵍⵎⵉ ⴽⴰⵏ, ⵢⴻⵔⵥⴻⵎ, ⴷⴻⴳ ⵜⴻⵎⴷⵉⵏⵜ ⵏ ⵜⵙⴻⵎⵙⵉⵍⵜ, ⵢⵉⵡⴻⵏ ⵏ ⵓⵙⴻⵏⵙⵓ ⴰⵎⴰⵢⵏⵓ ⵏ 40 ⵏ ⵡⵓⵙⵓⵜⴻⵏ ⵢⴻⵔⵏⵓ ⵢⴻⵙⵇⴰⵎ-ⴷ ⵍⴻⴱⵏⵉ-ⵏⵏⴻⵙ 14,6 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ.