ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵡⴻⵀⵕⴰⵏ: ⴰⵃⴽⴰⵎ ⵙ ⵜⵎⴻⵜⵜⴰⵏⵜ ⵉ 3 ⵏ ⵢⵉⵔⴻⵎⵎⴰⵖⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵎⴻⵏⵖⵉⵡⵜ ⵏ ⵢⵉⵡⴻⵏ ⵏ ⵓⵎⴻⵙⵖⵉⵡⴰⵏ

ⵡⴻⵀⵕⴰⵏ, – ⵢⴻⵃⴽⴻⵎ-ⴷ ⵡⴻⵅⵅⴰⵎ ⵏ ⵛⵛⵕⴻⵄ ⵏ ⵡⴻⵀⵕⴰⵏ, ⴰⵙⵙ ⵏ ⵜⵜⵍⴰⵜⴰ, ⵙ ⵜⵎⴻⵜⵜⴰⵏⵜ ⵖⴻⴼ 3 ⵏ ⵢⵉⵔⴻⵎⵎⴰⵖⴻⵏ (ⵉⵔⵀⴰⴱⵉⵢⵢⵉⵏ) ⴰⵢ ⵢⴻⵏⵖⴰⵏ ⴰⵎⴻⵙⵖⵉⵡⴰⵏ ⵏ ⵜⵖⵉⵡⴰⵏⵜ ⵏ ⵍⴱⵓⵕⵊ ⵏ ⵍⴰⵎⵉⵔ ⵄⴻⴱⴷⴻⵍⵇⴰⴷⴻⵔ (ⵜⵉⵙⴻⵎⵙⵉⵍⵜ) ⴷⴻⴳ ⴷⵓⵊⴻⵎⴱⴻⵕ 2014. ⵉⵔⴻⵎⵎⴰⵖⴻⵏ-ⴰ ⵎⴰⵣⴰⵍ ⵓⵔ ⵜⵜⵡⴰⴹⴹⴼⴻⵏ.

ⴼⴼⵖⴻⵏ-ⴷ ⵍⴻⵃⴽⴰⵎ ⵏ ⴳⴰⵔ 4 ⵏ ⵢⵉⵙⴻⴳⴳⴰⵙⴻⵏ ⵏ ⵍⵃⴻⴱⵙ ⴷ ⵍⵃⴻⴱⵙ ⵙ ⵜⴻⵖⵣⴻⴼ ⵏ ⵜⵓⴷⴻⵔⵜ ⵖⴻⴼ 8 ⵏ ⵢⵉⵎⴻⵜⵜⵀⵓⵎⴻⵏ ⵏⵉⴹⴻⵏ ⴰⵢ ⵉⵃⴻⴷⵕⴻⵏ ⴷⴻⴳ ⵛⵛⵕⴻⵄ-ⴰ, ⵎⴰ ⴷ ⵢⵉⵡⴻⵏ ⵄⴼⴰⵏ-ⴰⵙ.

ⵜⵉⵎⴻⵏⵖⵉⵡⵜ-ⴰ ⵜⴻⵍⵍⴰ-ⴷ ⴰⵙⵙ ⵏ 12 ⴷⵓⵊⴻⵎⴱⴻⵕ 2014, ⵎⵉ ⴷ-ⵓⴼⴰⵏ ⴰⵎⴻⵙⵖⵉⵡⴰⵏ-ⴰ ⵏ 56 ⵏ ⵢⵉⵙⴻⴳⴳⴰⵙⴻⵏ ⵢⴻⵎⵎⵓⵜ ⴷⴻⴳ ⵍⴼⵉⵔⵎⴰ-ⵏⵏⴻⵙ ⴰⵢ ⴷ-ⵢⵓⵙⴰⵏ ⴷⴻⴳ ⵡⴻⵎⴽⴰⵏ ⵓⵎⵉ ⵜⵜⵉⵏⵉⵏ ⵍⴼⴻⵔⵛⴰ, ⴰⵢ ⵉⴱⴻⵄⴷⴻⵏ ⵙ ⴽⵔⴰ ⵏ ⵢⵉⴽⵉⵍⵓⵎⵉⵜⴻⵏ ⵖⴻⴼ ⵍⴱⵓⵕⵊ ⵏ ⵍⴰⵎⵉⵔ ⵄⴻⴱⴷⴻⵍⵇⴰⴷⴻⵔ.

ⴰⵎⴻⵙⵖⵉⵡⴰⵏ-ⴰ ⵢⴻⵜⵜⵡⴻⵜ ⵙ ⵙⵉⵏ ⵏ ⵢⴻⵄⴱⴰⵕⴻⵏ ⵢⴻⵔⵏⵓ ⵢⴻⵎⵎⵣⴻⵍ. ⴰⵃⵜⴰⵛ ⴰⵢ ⴷ-ⴱⴷⴰⵏ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⵏ ⵜⵖⴻⵍⵍⵉⵙⵜ ⵢⴻⵙⵙⴰⵡⴻⴹ ⵖⴻⵔ ⵡⴻⵄⵇⴰⵍ ⵏ ⵡⵉⴷ ⴰⵢ ⵉⴳⴰⵏ ⵜⴰⵊⵔⵉⵎⵜ-ⴰ ⵜⴰⵔⴻⵎⵎⴰⵖⵜ ⴷ ⵡⵉⴷ ⴰⵢ ⵢⴻⴼⴽⴰⵏ ⴷⴻⴳ-ⵙ ⴰⴼⵓⵙ.

ⴳⴰⵔ ⵢⴻⵎⴷⴰⵏⴻⵏ-ⴰ, ⵢⴻⵍⵍⴰ ⵓⵙⴻⴼⵔⴰⴽ (ⵎⵓⵙⴰⵢⵢⵉⵔ) ⵏ ⵍⴼⵉⵔⵎⴰ-ⴰ ⴰⵢ ⵢⴻⵙⵙⴰⴼⴻⵙⵙⴻⵏ ⵛⵛⵖⴻⵍ ⵉ ⵢⵉⵏⴻⵊⵔⵉⵎⴻⵏ-ⵏⵏⵉ. ⴷ ⵏⴻⵜⵜⴰ ⴰⵢ ⴷ-ⵢⴻⵡⵡⵉⵏ ⴰⵎⴻⵙⵖⵉⵡⴰⵏ ⵖⴻⵔ ⵢⵉⵡⴻⵏ ⵏ ⵡⴻⵎⴽⴰⵏ ⴰⴽⴽⴻⵏ, ⵣⵓⵏⴰ, ⴰⴷ ⴰⵙ-ⵢⴻⵙⵙⴽⴻⵏ ⴽⵔⴰ ⵏ ⵡⴰⴽⵔⴰⵔⴻⵏ ⴰⵢ ⴰⵙ-ⵢⴻⵏⵏⴰ ⵓⴹⵏⴻⵏ.

ⵉⵎⴻⵜⵜⵀⵓⵎⴻⵏ ⴰⵢ ⵉⵃⴻⴷⵕⴻⵏ ⴷⴻⴳ ⵛⵛⵕⴻⵄ ⵏⴻⴽⵕⴻⵏ ⴰⵢⴻⵏ ⴰⵢⵢⴻⵙ ⵜⵜⵡⴰⵜⵜⴻⵀⵎⴻⵏ, ⵎⴰⵛⴰ ⵢⴻⵏⵏⴰ-ⴷ ⵓⴳⴻⵏⵙⴰⵙ ⵏ ⵡⴻⵖⵍⵉⴼ ⴰⵏⴰⴳⴷⵓⴷ ⴷⴰⴽⴽⴻⵏ ⵉⴼⵓⴽⴰⵍ-ⵏⵙⴻⵏ ⵓⵔ ⵙⵙⴻⵇⵏⴰⵄⴻⵏ.