ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵛⴽⴻⵕ-ⴷ ⵡⴻⵏⵎⴰⴳⴻⵔ ⵏ ⵢⵉⵖⴼⴰⵡⴻⵏ ⵏ ⵜⴻⵕⵎⵉⵙⵉⵏ ⴰⵎⵙⴻⴼⵀⴰⵎ ⵏ ⵜⴻⵎⵍⵉⵍⵉⵜ ⵧⵒⴻⵒ ⵏ ⵍⴻⵣⵣⴰⵢⴻⵔ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵛⴽⴻⵕ-ⴷ ⵡⴻⵏⵎⴰⴳⴻⵔ ⵏ ⵢⵉⵖⴼⴰⵡⴻⵏ ⵏ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ), ⴰⵙⵙ ⵏ ⵍⴻⵅⵎⵉⵙ, ⵔⵔⴱⴻⵃ ⵏ ⵜⴻⵎⵍⵉⵍⵉⵜ ⵏ ⵜⵓⴷⴷⵙⴰ ⵏ ⵜⵎⵓⵔⴰ ⵜⵉⵎⵙⵉⴵⵡⵉⵏ ⵏ ⵓⵒⵉⵜⵕⵓⵍ ⴰⵢ ⵉⴼⵓⴽⴻⵏ ⵙ ⵢⵉⵡⴻⵏ ⵏ ⵡⴻⵎⵙⴻⴼⵀⴰⵎ ⴰⵎⴻⵣⵔⵓⵢⴰⵏ ⵉ ⵍⵎⴻⵏⴷ ⵏ ⵓⵙⵙⴻⵏⵇⴻⵙ ⵏ ⵓⴼⴰⵔⴻⵙ (ⵉⵏⵜⴰⴵ) ⵏ ⵓⵒⵉⵜⵕⵓⵍ ⴰⵔⴰ ⴷ-ⵢⴻⴳⵍⵓⵏ ⵙ ⵍⴼⴰⵢⴷⴰ ⵖⴻⴼ ⵙⵙⵓⵇ ⵏ ⵓⵒⵉⵜⵕⵓⵍ.

« ⴰⵎⵜⴰⵡⴰ-ⴰ (ⵉⵜⵜⵉⴼⴰⵇ) ⴰⵢ ⴷ-ⵢⴻⵍⵍⴰⵏ ⴷⴻⴼⴼⵉⵔ ⵡⴰⵟⴰⵙ ⵏ ⵓⵅⴻⴷⴷⵉⵎ ⵢⵓⴼⵔⴰⵔ-ⴷ ⵙ ⵡⴻⵥⵡⴰⵔ ⴰⴷⵉⵒⵍⵓⵎⴰⵜⵉ ⵏ ⵍⴻⵣⵣⴰⵢⴻⵔ ⴰⵢ ⵢⴻⵙⵙⵏⴻⵏ, ⵙⴻⴳ ⵣⵉⴽ, ⴰⴷ ⵜⴻⵙⵙⴻⵇⴷⴻⵛ ⴰⵙⵏⴻⴼⵔⵓ (ⵜⴰⵃⴽⵉⵎ) ⵉⵡⴰⵜⴰⵏ ⴷ ⵜⵣⴻⵎⵎⴰⵔ-ⵏⵏⴻⵙ ⵜⵉⵎⴻⵇⵔⴰⵏⵉⵏ ⴷⴻⴳ ⵡⴻⵎⵛⵉⵡⴻⵕ, ⵉ ⵍⵎⴻⵏⴷ ⵏ ⵓⵙⵙⴻⵔⴱⴻⵃ ⵏ ⵜⵉⴷⴷⵉⵜ ⵏ ⵡⴻⵎⵙⴻⴼⵀⴰⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵡⴻⵏⵎⴰⴳⴻⵔ ⵏ ⵢⵉⵖⴼⴰⵡⴻⵏ ⵏ ⵜⴻⵕⵎⵉⵙⵉⵏ, ⴰⵍⵉ ⵀⴰⴷⴷⴰⴷ, ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ.

ⵜⵉⵎⵍⵉⵍⵉⵜ ⵜⴰⵔⴰⵍⵖⴰⵏⵜ ⵏ ⵜⵓⴷⴷⵙⴰ ⵏ ⵜⵎⵓⵔⴰ ⵜⵉⵎⵙⵉⴵⵡⵉⵏ ⵏ ⵓⵒⵉⵜⵕⵓⵍ ⴰⵢ ⴷ-ⵢⴻⵍⵍⴰⵏ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵜⴻⴳⵍⴰ-ⴷ ⵙ ⵡⴻⵎⵙⴻⴼⵀⴰⵎ ⵖⴻⴼ ⵓⵙⵙⴻⵏⵇⴻⵙ ⵏ ⵓⴼⴰⵔⴻⵙ ⵏ ⵓⵒⵉⵜⵕⵓⵍ ⴰⵔⴰ ⵢⵓⵖⴰⵍⴻⵏ ⴰⴷ ⵢⴻⵜⵜⴻⵣⵣⵉ ⴳⴰⵔ 32,5 ⴷ 33 ⵏ ⵢⵉⵎⴻⵍⵢⵓⵏⴻⵏ ⵏ ⵜⴱⴻⵜⵜⵉⵢⵉⵏ.

ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⴰⵎⵜⴰⵡⴰ-ⴰ ⴷ « ⵔⵔⴱⴻⵃ ⴰⴷⵉⵒⵍⵓⵎⴰⵜⵉ » ⵢⴻⵔⵏⵓ ⴷ « ⴰⵅⴻⴷⴷⵉⵎ ⵏ ⵓⵙⴻⵍⵡⴰⵢ-ⵏⵏⴻⵖ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴷ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⴷ ⵓⵏⴻⵖⵍⴰⴼ ⵏ ⵜⴻⵥⵡⴻⵔⵜ (ⵟⴰⵇⴰ), ⵏⵧⵓⵔⴻⴷⴷⵉⵏⴻ ⴱⵧⵓⵜⴻⵔⴼⴰ ».

« ⴰⵖⵜⴰⵙ (ⵇⴰⵔⴰⵔ) ⵓⵔ ⵢⴻⵜⵜⵡⴰⵕⵊⴰⵏ ⵏ ⵜⵓⴷⴷⵙⴰ ⵏ ⵜⵎⵓⵔⴰ ⵜⵉⵎⵙⵉⴵⵡⵉⵏ ⵏ ⵓⵒⵉⵜⵕⵓⵍ ⵉ ⵍⵎⴻⵏⴷ ⵏ ⵓⵙⵙⴻⵏⵇⴻⵙ ⵏ ⵓⴼⴰⵔⴻⵙ ⵏ ⵓⵒⵉⵜⵕⵓⵍ ⴷ ⴰⵢⴻⵏ ⴰⵢ ⵢⴻⵙⵔⴻⴽⴷⴻⵏ ⵙⵙⵓⵇ ⵏ ⵓⵒⵉⵜⵕⵓⵍ ⵢⴻⵔⵏⵓ ⵢⴻⵔⵥⴻⵎ ⴰⴱⵔⵉⴷ ⵉ ⵡⴻⵎⵜⴰⵡⴰ ⴰⵔⴰ ⵢⴻⵙⵄⵓⵏ ⴰⵣⴰⵍ ⵎⴻⵖⵖⵔⴻⵏ ⵓⴳⴰⵔ, ⴷ ⴰⵎⵜⴰⵡⴰ ⴰⵢⵖⴻⴼ ⴰⵔⴰ ⵎⵙⴻⴼⵀⴰⵎⴻⵏ ⴷⴻⴳ ⵜⴻⵎⵍⵉⵍⵉⵜ ⵜⴰⵍⵖⴰⵏⵜ ⴰⵔⴰ ⴷ-ⵢⵉⵍⵉⵏ ⴷⴻⴳ ⵠⵉⴻⵏⵏⴰ » ⴷⴻⴳ ⵜⴳⴰⵔⴰ ⵏ ⵡⴰⵎⴱⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ (ⴱⴰⵢⴰⵏ).

ⴷ ⴰⵛⵓ ⴽⴰⵏ, ⵉⴳⴻⵔ-ⴷ ⵜⵉⵖⵔⵉ ⵡⴻⵏⵎⴰⴳⴻⵔ ⵏ ⵢⵉⵖⴼⴰⵡⴻⵏ ⵏ ⵜⴻⵕⵎⵉⵙⵉⵏ, ⵉ ⵍⵎⴻⵏⴷ ⵏ ⵓⵙⵙⴻⴼⵄⴻⵍ ⵏ ⵜⵙⴻⵎⵎⴻⵙⴽⴰⵍ ⵜⵉⵎⵚⵓⴽⴰⵏⵉⵏ (ⵀⴰⵢⴽⴰⵍⵉⵢⵢⴰ) ⵉ ⵓⵏⴻⵡⵡⴻⵄ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⵉ « ⵓⵄⴰⵡⴻⴷ ⵏ ⵡⴻⵎⵙⴰⵍ ⵏ ⵜⵡⴻⵏⵏⴰⴹⵜ ⵏ ⵢⵉⵡⴻⵥⵍⴰ (ⴰⵄⵎⴰⵍ) ⵙⴻⴳ ⵍⵍⵙⴰⵙ » ⵉ ⵓⵙⵙⴻⴱⵖⴻⵙ ⵏ ⵡⴻⵕⵎⴰⵙ ⴷ ⵓⵙⵙⴻⴼⵜⵉ ⴰⵢ ⴷ-ⵉⴳⴻⵍⵍⵓⵏ ⵙ ⵍⵖⴻⵍⵍⴰ.