ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵙⴻⴼⵔⴻⴽ ⵏ ⵜⵣⴻⵖⵡⵉⵏ ⵏ ⵙⵙⵉⵏⵉⵎⴰ ⴰⴷ ⴷ-ⵢⴻⵍⵀⵓ ⵢⵉⴷ-ⵙ ⵓⴷⵉⵡⴰⵏ ⴰⵖⴻⵍⵏⴰⵡ ⵏ ⵢⴻⴷⵍⴻⵙ ⴷ ⵓⵙⵙⴻⵍⵖⵓ (ⴰⵏⴻⵖⵍⴰⴼ)
ⵜⵉⵀⴻⵔⵜ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⴻⴷⵍⴻⵙ, ⴰⵣⵣⴻⴷⴷⵉⵏⴻ ⵎⵉⵀⵧⵓⴱⵉ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⵉⵀⴻⵔⵜ, ⴷⴰⴽⴽⴻⵏ ⴰⵙⵙⴻⴼⵔⴻⴽ ⵏ ⵜⵣⴻⵖⵡⵉⵏ ⵏ ⵙⵙⵉⵏⵉⵎⴰ ⵢⴻⵜⵜⵡⴰⵡⴻⴽⴽⴻⵍ ⵉ ⵓⴷⵉⵡⴰⵏ ⴰⵖⴻⵍⵏⴰⵡ ⵏ ⵢⴻⴷⵍⴻⵙ ⴷ ⵓⵙⵙⴻⵍⵖⵓ.
ⵎⵉ ⵢⴻⵔⵥⴻⵎ ⵜⴰⵙⵖⵉⵎⵜ (ⵎⴰⵇⴰⵔ) ⴰⵎⴰⵢⵏⵓ ⵏ ⵜⵎⴻⵀⵍⴰ ⵏ ⵢⴻⴷⵍⴻⵙ ⴷⴻⴳ ⵓⴽⴰⵜⴰⵔ ⵏ ⵜⴻⵔⵣⵉ-ⵏⵏⴻⵙ ⵏ ⵓⵙⵙⴻⴼⵇⴻⴷ ⵏ ⵜⵡⵉⵍⴰⵢⵜ-ⴰ, ⵢⴻⵏⵏⴰ-ⴷ ⵎⴰⵙⵙ ⵎⵉⵀⵧⵓⴱⵉ ⴷⴰⴽⴽⴻⵏ ⴰⵙⵓⵔⵉⴼ-ⴰ ⴰⴷ ⵢⴻⴹⵎⴻⵏ ⴰⵙⵙⴻⴼⵔⴻⴽ ⴰⴷⴻⴱⵍⴰⵏ ⴷ ⵡⴻⴷⵔⵉⵎⴰⵏ ⵉ ⵜⵣⴻⵖⵡⵉⵏ ⵏ ⵙⵙⵉⵏⵉⵎⴰ ⴷⴻⴳ ⵡⴰⴽⴽ ⵜⵉⵎⵏⴰⴹⵉⵏ ⵏ ⵜⵎⵓⵔⵜ, ⴰⵎ ⵡⴰⴽⴽⴻⵏ ⴰⵔⴰ ⵢⴻⴼⴽ ⴰⵣⴰⵍ ⵉ ⵜⴻⵎⵚⵓⴽⵉⵏ-ⴰ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⵃⴻⵜⵜⴻⵜ-ⴷ ⵓⵏⴻⵖⵍⴰⴼ, ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴷ ⵜⵖⴻⵎⵙⴰ, ⵖⴻⴼ ⵡⴻⵙⵎⴰⵍ (ⵜⴰⵔⵇⵉⵢⴰ) ⵏ ⵢⴻⴼⵔⵉ ⴰⵢⴷⴻⴳ ⵢⴻⴷⴷⴻⵔ ⵓⵅⴻⵍⴷⵓⵏ, ⴷ ⵉⴼⵔⵉ ⴰⵢ ⴷ-ⵢⵓⵙⴰⵏ ⴷⴻⴳ ⵜⵖⵉⵡⴰⵏⵜ ⵏ ⴼⵔⴻⵏⴷⴰ. ⵉⴼⵔⵉ-ⴰ ⵢⴻⵙⵄⴰ ⴰⵣⴰⵍ ⴰⵛⴽⵓ ⴷ ⴰⵃⵔⵉⵛ ⵙⴻⴳ ⵜⵓⴷⴻⵔⵜ ⵏ ⵡⴻⵎⵙⴻⵏⵎⴻⵜⵜⵉ-ⴰ ⴰⵢ ⵢⵓⵔⴰⵏ ⴰⴷⵍⵉⵙ ⵎⴻⵛⵀⵓⵕⴻⵏ ⵏ « ⵍⵎⵓⵇⴻⴷⴷⵉⵎⴰ ».
ⴷⴻⴳ ⵜⴼⵓⴳⵍⴰ ⵏ ⵡⴻⵔⵥⴰⵎ ⵏ ⵜⵖⵉⵎⵉⵢⵉⵏ ⵜⵓⵙⵙⵏⴰⵏⵉⵏ ⵖⴻⴼ ⵡⴰⵢⵉⵙ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵜⴻⵥⵔⵉⴳⵜ ⵜⵉⵙ 9 ⵏ ⵜⵎⴻⵙⵔⵉⵜ ⵜⴰⵖⴻⵍⵏⴰⵡⵜ ⵏ ⵡⴰⵢⵉⵙ ⴰⵢ ⵍⴰ ⵢⴻⵜⵜⴽⴻⵎⵎⵉⵍⴻⵏ ⴷⴻⴳ ⵜⵉⵀⴻⵔⵜ, ⵢⴻⵏⵏⴰ-ⴷ ⵎⴰⵙⵙ ⵎⵉⵀⵧⵓⴱⵉ ⴷⴰⴽⴽⴻⵏ ⵜⴰⴷⵢⴰⵏⵜ ⵜⴰⴷⴻⵍⵙⴰⵏⵜ ⴰⵎ ⵜⴰ ⵜⴻⵜⵜⴻⴽⴽⴰⵢ ⴷⴻⴳ ⵓⵇⴻⵢⵢⴻⵎ ⵏ ⵜⴳⴻⵎⵎⵉ ⵢⴻⵇⵇⵏⴻⵏ ⵖⴻⵔ ⵡⴰⵢⵉⵙ ⴷ ⵡⴻⵎⵏⴰⵢ, ⴰⵎ ⵜⴼⴻⵏⵟⴰⵣⵉⵜ.
ⵢⴻⵔⵣⴰ ⵓⵏⴻⵖⵍⴰⴼ ⵖⴻⴼ ⵜⴻⵎⴽⴰⵔⴹⵉⵜ ⵏ « ⵊⴰⵛⵇⵓⴻⵙ-ⴱⴻⵔⵛⵇⵓⴻ » ⴷⴻⴳ ⴼⵔⴻⵏⴷⴰ, ⵜⴰⵎⴷⵉⵏⵜ ⴰⵢⴷⴻⴳ ⴰⵢ ⴷ-ⵉⵍⵓⵍ ⵡⴻⵎⵏⴰⴷⵉ-ⴰ, ⴰⵎ ⵡⴰⴽⴽⴻⵏ ⴰⵢ ⵢⴻⵔⵣⴰ ⵖⴻⴼ ⵢⴻⴼⵔⵉ ⵏ ⵓⵅⴻⵍⴷⵓⵏ ⴷ ⵓⴷⴻⴳ ⴰⵙⴻⵏⵣⵉⴽⴰⵏ ⵏ ⴵⴻⴷⴷⴰⵕ, ⴷⴻⴳ ⵎⴻⴷⵔⵓⵙⴰ. ⵢⴻⵔⵏⴰ ⵢⴻⵙⵙⴻⴼⵇⴻⴷ ⴰⵛⴰⵏⵟⵉ ⵏ ⵍⴻⴱⵏⵉ ⵏ ⵓⵖⴻⵔⴱⴰⵣ ⵏ ⵜⵥⵓⵔⵉⵢⵉⵏ ⵜⵓⵛⴱⵉⵃⵉⵏ ⵏ ⵜⵉⵀⴻⵔⵜ.
