ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴻⵜⵜⵡⴰⴼⵔⴻⵏ ⵍⴷⵣⴰⵢⴻⵔ ⴷ ⵜⴰⵎⴰⵙⵍⴰⴹⵜ ⴷⴻⴳ ⵓⵙⴻⵇⵇⴰⵎⵓ ⵏ ⵜⵓⴷⴷⵙⴰ ⵜⴰⴳⵔⴰⵖⵍⴰⵏⵜ ⵏ ⵜⴻⵎⵙⴰⴼⴳⴰ ⵜⴰⵖⴰⵔⵉⵎⵜ

ⵍⴷⵣⴰⵢⴻⵔ ⵜⴰⵎⴰⵏⴻⵖⵜ– ⵜⴻⵜⵜⵡⴰⴼⵔⴻⵏ ⵍⴷⵣⴰⵢⴻⵔ, ⴰⵙⵙ ⵏ ⵜⵜⵍⴰⵜⴰ, ⴷ ⵜⴰⵎⴰⵙⵍⴰⴹⵜ (ⵄⵓⴹⵡⴰ) ⴷⴻⴳ ⵜⵓⴷⴷⵙⴰ ⵜⴰⴳⵔⴰⵖⵍⴰⵏⵜ ⵏ ⵜⴻⵎⵙⴰⴼⴳⴰ ⵜⴰⵖⴰⵔⵉⵎⵜ, ⵢⴻⵔⵏⵓ ⴷ ⵏⴻⵜⵜⴰⵜ ⴰⵔⴰ ⴷ-ⵢⴻⴳⴳⴻⵏⵙⴻⵙⴻⵏ ⵜⵉⵎⵓⵔⴰ ⵏ ⵍⵎⴻⵖⵔⴻⴱ ⴷ ⵜⴻⴼⵔⵉⵇⵜ ⵏ ⵓⴳⴰⴼⴰ ⴷⴻⴳ ⵜⵓⴷⴷⵙⴰ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵍⵉⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ ⴷ ⵓⵎⴻⵙⵏⵉ ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ).

« ⵜⴻⵜⵜⵡⴰⴼⵔⴻⵏ ⵍⴷⵣⴰⵢⴻⵔ ⴷ ⵜⴰⵎⴰⵙⵍⴰⴹⵜ ⴷⴻⴳ ⵓⵙⴻⵇⵇⴰⵎⵓ ⵏ ⵜⵓⴷⴷⵙⴰ ⵜⴰⴳⵔⴰⵖⵍⴰⵏⵜ ⵏ ⵜⴻⵎⵙⴰⴼⴳⴰ ⵜⴰⵖⴰⵔⵉⵎⵜ ⵢⴻⵔⵏⵓ ⴷ ⵜⴰⴳⴻⵏⵙⴰⵙⵜ ⵏ ⵜⵎⵓⵔⴰ ⵏ ⵍⵎⴻⵖⵔⴻⴱ ⴷ ⵜⴻⴼⵔⵉⵇⵜ ⵏ ⵓⴳⴰⴼⴰ ⵉ ⵍⴻⵡⵚⴰⵢⴰ ⵏ 3 ⵏ ⵢⵉⵙⴻⴳⴳⴰⵙⴻⵏ ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⴷⴻⴳ ⵜⴻⴼⵔⴰⵏⵉⵏ ⵏ 4 ⵜⵓⴱⴻⵕ 2016 ⴷⴻⴳ ⵜⴻⵙⵖⵉⵎⵜ (ⵎⴰⵇⴰⵔ) ⵏ ⵜⵓⴷⴷⵙⴰ-ⴰ ⴷⴻⴳ ⵎⵧⵏⵜⵔⴻⴰⵍ (ⴽⴰⵏⴰⴷⴰ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵍⵉⴼ.

ⵜⴻⵜⵜⵡⴰⴼⵔⴻⵏ ⵍⴷⵣⴰⵢⴻⵔ ⵙ 151 ⵏ ⵜⵓⵖⴰⵛ ⵙⴻⴳ ⴳⴰⵔ 172, ⵖⴻⴼ ⵡⴰⴽⴽⴻⵏ ⴰⵢ ⴷ-ⵔⵏⴰⵏ.

ⵜⴻⵙⵙⴻⵔⵙ-ⴷ ⵍⴷⵣⴰⵢⴻⵔ ⵉⵎⴰⵏ-ⵏⵏⴻⵙ ⴷ ⵜⴰⵎⴰⵣⵡⴰⵔⵜ (ⵎⵓⵕⴰⵛⵛⴰⵃⴰ) ⵉ ⵓⵜⵜⴻⴽⴽⵉ ⴷⴻⴳ ⵓⵙⴻⵇⵇⴰⵎⵓ ⵏ ⵜⵓⴷⴷⵙⴰ ⵉ ⵓⴳⴳⴻⵏⵙⴻⵙ ⵏ ⵜⴻⵎⵏⴰⴹⵜ ⵏ ⵜⴻⴼⵔⵉⵇⵜ ⵏ ⵓⴳⴰⴼⴰ ⴷⴻⴳ 3 ⵏ ⵢⵉⵙⴻⴳⴳⴰⵙⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵍⵉⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ ⴷ ⵓⵎⴻⵙⵏⵉ ⴷⴷⵓⵕⵜ ⵢⴻⵣⵔⵉⵏ.

ⵜⵉⵎⵍⵉⵍⵉⵢⵉⵏ ⵏ ⵜⴻⴷⵡⵉⵍⵜ ⵜⵉⵙ 39 ⵏ ⵡⴻⴳⵔⴰⵎ ⴰⵎⴰⵜⵓ ⵏ ⵜⵓⴷⴷⵙⴰ-ⴰ ⴱⴷⴰⵏⵜ-ⴷ ⴰⵙⵙ ⵏ 27 ⵏ ⵛⵜⴻⵎⴱⴻⵕ ⵢⴻⵔⵏⵓ ⵎⴰⵣⴰⵍ ⴰⴷ ⴽⴻⵎⵎⵍⴻⵏ ⴰⵔⵎⴰ ⴷ 7 ⵜⵓⴱⴻⵕ.

ⴰⴳⵔⴰⵡ ⴰⵎⴰⵜⵓ ⵏ ⵜⵓⴷⴷⵙⴰ-ⴰ ⴷ ⵏⴻⵜⵜⴰ ⴰⵢ ⴷ ⴰⴳⵎⴰⵏ-ⵏⵏⴻⵙ ⴰⵏⴰⵢⴰⵏ (ⵙⵉⵢⴰⴷⵉ). ⵢⴻⵜⵜⴻⵎⵍⵉⵍⵉ, ⵎⴰ ⵓⵍⴰⵛ, ⵜⵉⴽⴽⴻⵍⵜ ⵉ 3 ⵏ ⵢⵉⵙⴻⴳⴳⴰⵙⴻⵏ, ⵢⴻⵔⵏⵓ ⴷ ⴰⵙⴻⵇⵇⴰⵎⵓ ⴰⵢ ⴷ-ⵢⴻⴳⴳⴰⵔⴻⵏ ⵜⵉⵖⵔⵉ ⵉ ⵜⴻⵎⵍⵉⵍⵉⵜ ⵏ ⵡⴻⴳⵔⴰⵡ-ⴰ. ⴷ ⴰⴳⵔⴰⵡ-ⴰ ⴰⵢ ⴷ-ⵢⴻⵙⵙⴻⴼⵔⴰⵢⴻⵏ ⵜⴰⵙⴻⵔⵜⵉⵜ ⵜⴰⵏⵎⴰⴹⴰⵍⵜ ⵏ ⵜⵓⴷⴷⵙⴰ ⵜⴰⴳⵔⴰⵖⵍⴰⵏⵜ ⵏ ⵜⴻⵎⵙⴰⴼⴳⴰ ⵜⴰⵖⴰⵔⵉⵎⵜ ⵉ 3 ⵏ ⵢⵉⵙⴻⴳⴳⴰⵙⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ.

ⵉ ⵡⴻⵙⵎⴻⴽⵜⵉ, ⵜⵓⴷⴷⵙⴰ-ⴰ ⵜⴻⵇⵇⴻⵏ ⵖⴻⵔ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⵢⴻⵔⵏⵓ ⵍⴻⵛⵖⴰⵍ-ⵏⵏⴻⵙ ⵉⴳⴻⵊⴷⴰⵏⴻⵏ ⴷ ⴰⵜⵜⴻⴽⴽⵉ ⴷⴻⴳ ⵓⵀⴻⵢⵢⵉ ⵏ ⵜⴻⴳⵏⴰ (ⵎⴰⵄⴰⵢⵉⵔ) ⵉ ⵍⵎⴻⵏⴷ ⵏ ⵓⵙⵙⵉⵣⴻⵖ ⵏ ⵓⵎⴻⵙⵏⵉ ⴰⴳⴻⵏⵡⴰⵏ ⴰⴳⵔⴰⵖⵍⴰⵏ.