ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵟⵟⴰⵔⴻⴼ: ⴰⴹⴹⴰⵏ-ⵏⵏⵉ ⴰⵢ ⵉⵃⵓⵣⴰⵏ ⵉⵎⴻⵣⴷⴰⵖⴻⵏ ⵏ ⵄⵉⵏ ⵍⴻⵅⵢⴰⵔ ⵢⴻⴽⴽⴰ-ⴷ ⵙⴻⴳ ⵡⴰⵎⴰⵏ (ⴰⵎⴰⵙⴰⵢ)
ⵟⵟⴰⵔⴻⴼ – ⴰⴹⴹⴰⵏ-ⵏⵏⵉ (ⵉⵥⵎⵉ) ⴰⵢ ⵉⵃⵓⵣⴰⵏ ⴰⵣⴰⵍ ⵏ 30 ⵏ ⵢⵉⵎⴻⵣⴷⴰⵖⴻⵏ ⵏ ⵄⵉⵏ ⵍⴻⵅⵢⴰⵔ (ⴷⴻⴳ ⵜⵖⵉⵡⴰⵏⵜ ⵏ ⵟⵟⴰⵔⴻⴼ) ⵢⴻⴽⴽⴰ-ⴷ ⵙⴻⴳ ⵡⴰⵎⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ, ⴰⵙⵙ ⵏ ⵍⴰⵕⴻⴱⵄⴰ, ⵜⵏⴻⵎⵀⴰⵍⵜ ⵏ ⵜⴷⴰⵡⵙⴰ.
ⵉⴳⵎⴰⴹ ⵏ ⵜⴻⵙⵍⴰⴹ (ⵜⴰⵃⴰⵍⵉⵍ) ⴰⵢ ⴷ-ⵢⴻⵍⵍⴰⵏ ⵎⵉ ⵓⴷⴼⴻⵏ ⵢⴻⵎⴷⴰⵏⴻⵏ-ⴰ ⵖⴻⵔ ⵡⴻⵙⴱⵉⵟⴰⵔ ⴽⴻⵛⴼⴻⵏ-ⴷ ⴷⴰⴽⴽⴻⵏ ⵉⵎⵓⴹⵉⵏⴻⵏ-ⴰ ⵓⴹⵏⴻⵏ ⵉⵥⵎⵉ ⵢⴻⵔⵏⵓ ⵢⴻⴽⴽⴰ-ⴰⵙⴻⵏ-ⴷ ⵙⴻⴳ ⵡⴰⵎⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⴷⴰⵍⵉⵍⴰ ⴱⴻⵏⴻⵎⵉⵔ.
ⵉⵎⵓⴹⵉⵏⴻⵏ-ⴰ ⵜⵓⵣⵣⴻⵍ ⵜⵄⴻⴱⴱⵓⴹⵜ-ⵏⵙⴻⵏ ⵢⴻⵔⵏⵓ ⵓⴹⵏⴻⵏ ⵜⴰⵡⵍⴰ, ⵍⵍⴰⵏ ⴳⴰⵔ-ⴰⵙⴻⵏ ⵢⵉⴳⴻⵔⴷⴰⵏ ⴷ ⵢⵉⵎⴻⵏⴳⴰⴹⴻⵏ (ⴱⴰⵍⵉⵖⵉⵏ), ⵢⴻⵔⵏⵓ ⵜⵜⵡⴰⴳⴻⵣⵎⴻⵏ ⵡⴰⵎⴰⵏ ⵏ ⵜⵉⵙⵙⵉⵜ ⵉ ⵢⴻⵖⵔⴻⵎ ⵏ ⵄⵉⵏ ⵍⵅⵉⵔ ⵙ ⵜⵉⵏ ⵏ ⵓⵃⴻⵣⵣⴻⴱ.
ⵎⴰ ⴷ ⴰⵏⴻⵎⵀⴰⵍ ⵏ ⵜⴷⵣⴰⵢⵔⵉⵜ ⵏ ⵡⴰⵎⴰⵏ, ⵎⵓⵙⵜⴰⵒⵀⴰ ⵎⴻⵛⵀⴰⵜⵉ, ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵉⴳⵎⴰⴹ ⵉⴱⴰⴽⵜⵉⵔⵢⵓⵍⵓⵊⵉⵢⴻⵏ ⴷ ⵢⵉⵙⴻⵏⴳⴰⵎⴰⵏⴻⵏ-ⵉⴽⵔⵓⵔⴰⵏⴻⵏ ⴰⵢ ⴷ-ⵢⴻⴼⴼⵖⴻⵏ ⴰⵙⵙ ⵏ ⵍⴰⵕⴻⴱⵄⴰ ⵙⵙⴽⴰⵏⴰⵢⴻⵏ-ⴷ ⴷⴰⴽⴽⴻⵏ ⴷ ⴰⵎⴰⵏ ⵏ ⵜⵉⵙⵙⵉⵜ ⴰⵢ ⵢⴻⵙⵙⴰⴹⵏⴻⵏ ⵎⴻⴷⴷⴻⵏ-ⴰ.
ⵢⴻⵣⵎⴻⵔ ⵍⵃⴰⵍ ⴰⴷ ⵢⵉⵍⵉ ⵡⴰⴹⴹⴰⵏ-ⴰ ⵢⴻⴽⴽⴰ-ⴷ ⵙⴻⴳ ⵜⴰⴳⵏⵉⵜ ⵜⴰⵇⴱⵓⵔⵜ ⵏ ⵓⵥⴻⴹⴹⴰ ⵏ ⵡⴻⵖⵔⴰⵎ ⵏ ⵡⴰⵎⴰⵏ ⵢⵓⵎⵙⴻⵏ, ⵢⴻⵔⵏⵓ ⵍⴰ ⵙⵙⴻⴼⵔⴰⵢⴻⵏ ⴰⴷ ⵚⴻⴳⴳⵎⴻⵏ ⴰⵥⴻⴹⴹⴰ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ-ⴰ.
