ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴷ ⵢⴻⴱⴷⵓ ⵓⵃⴻⵡⵡⴻⵙ ⵙ ⵓⵖⴻⵔⵔⴰⴱⵓ ⵙⴻⴳ ⵜⵓⵏⴻⵙ ⵖⴻⵔ ⵍⴷⵣⴰⵢⴻⵔ ⴰⵙⵙ ⵏ ⵍⵊⴻⵎⵄⴰ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⴷ ⴷ-ⵢⴻⴱⴷⵓ ⵡⴻⵖⵍⵉⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ, ⴰⵙⵙ ⵏ ⵍⵊⴻⵎⵄⴰ, ⵢⵉⵡⴻⵜ ⵏ ⵜⴻⵎⵀⴻⵍⵜ (ⵄⴰⵎⴰⵍⵉⵢⵢⴰ) ⵏ ⵓⵃⴻⵡⵡⴻⵙ ⵙ ⵓⵖⴻⵔⵔⴰⴱⵓ ⴰⵔⴰ ⴷ-ⵉⵇⴻⵍⵄⴻⵏ ⵙⴻⴳ ⵓⵙⴰⴳⴻⵏ ⵏ ⴳⵧⵓⵍⴻⵜⵜⴻ (ⵜⵓⵏⴻⵙ) ⵙⴰⴽⴽⵉⵏ ⴰⴷ ⵢⴻⴱⴷⴻⴷ ⴷⴻⴳ ⵙⴽⵉⴽⴷⴰ, ⵍⴷⵣⴰⵢⴻⵔ ⵜⴰⵎⴰⵏⴻⵖⵜ ⴷ ⵡⴻⵀⵕⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵍⵉⴼ-ⴰ ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ).
ⴰⵃⴻⵡⵡⴻⵙ-ⴰ ⴰⴷ ⴷ-ⵢⵉⵍⵉ ⵙ ⵓⵖⴻⵔⵔⴰⴱⵓ ⵏ ⵎⵙ ⴻⵓⵔⵧⵒⴰ ⴰⵔⴰ ⵉⴱⵉⴱⴱⴻⵏ 270 ⵏ ⵢⴻⵎⵙⵉⴽⵍⴻⵏ ⵙⴻⴳ ⵜⵎⵓⵔⴰ ⵢⴻⵎⴳⴻⵔⵔⴰⴷⴻⵏ. ⴰⵙⵙ ⵏ ⵍⵊⴻⵎⵄⴰ, ⴰⴷ ⵢⴰⵡⴻⴹ ⵓⵖⴻⵔⵔⴰⴱⵓ-ⴰ ⵖⴻⵔ ⵡⴻⴱⴷⴰⴷ-ⵏⵏⴻⵙ ⴰⵎⴻⵣⵡⴰⵔⵓ, ⴷⴻⴳ ⵙⴽⵉⴽⴷⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵍⵉⴼ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⵙⴻⴳ ⵡⴰⵙⵎⵉ ⵓⵔ ⴷ-ⵢⴻⵍⵍⵉ ⵓⵃⴻⵡⵡⴻⵙ ⴰⵎ ⵡⴰ ⴷⴻⴳ ⵍⴷⵣⴰⵢⴻⵔ.
ⴰⵙⵙⵉⴽⴻⵍ-ⴰ ⵜⴻⵙⵙⵓⴷⴷⴻⵙ-ⵉⵜ ⵢⵉⵡⴻⵜ ⵏ ⵜⵏⴻⴳⴳⴰ (ⵡⴰⴽⴰⵍⴰ) ⵜⴰⴷⵣⴰⵢⵔⵉⵜ ⵏ ⵜⵎⴻⵔⵔⵉⵜ (ⵙⵉⵢⴰⵃⴰ), ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⵙ ⵡⴻⵎⵄⴰⵡⴻⵏ ⴷ ⵢⵉⵎⴻⵥⵍⴰ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴷⴻⴳ ⵡⴻⵖⵍⵉⴼ ⵏ ⵢⵉⵎⴰⵀⵉⵍⴻⵏ ⵉⵏⴰⴳⴷⵓⴷⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵜⵜⵡⴰⵡⴻⴽⴽⴻⴷ.
ⵜⴰⵎⵀⴻⵍⵜ-ⴰ ⴰⴷ ⵜⵜ-ⵉⴷ-ⴹⴻⴼⵔⴻⵏⵜ ⵜⵉⵢⴰⴹ ⴷⴻⴳ ⵓⴽⴰⵜⴰⵔ ⵏ ⵢⴻⵔⵎⵓⴷⴻⵏ ⵉⵡⵍⴰⵍⴻⵏ (ⴱⴰⵃⵔⵉⵢⵢⴰ) ⵏ ⵓⵃⴻⵡⵡⴻⵙ ⵉ ⵍⵎⴻⵏⴷ ⵏ ⵓⵙⵙⴻⴼⵄⴻⵍ ⵏ ⵢⵉⵡⴻⵏ ⵏ ⵍⵇⴰⵏⵓⵏ ⴰⵎⴰⵢⵏⵓ ⵢⴻⵔⵣⴰⵏ ⴰⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵍⵉⴼ.
