Asebter amenzawi
Timeddurin n yiwaliyen imaynuten (s tewzel)
LEZZAYER– Ti, s tewzel, d timeddurin n yiwaliyen ay d-isemma, ass n laṛebɛa, uselway n tegduda Abdelaziz Bouteflika.
Mass Benyoucef Aziz, awali amaynu n Ɛin Ddefla, yewwi-d agerdas seg Uɣerbaz Aɣelnaw n Tedbelt deg 1982. Yesɛa amajistir deg tussniwin timsenziyin (tiǧariyya) ay d-yewwi deg 1996. Gar 1982 d 1994, yexdem d amaswaḍ n tewsi deg Tmehla Tamatut n Tewsi (ḍara’ib) yernu d iɣef n teɣlamt n weswaḍ. Deg 1995, yettwasemma-d d uqqin ɣer udiwan n twilayt n Sidi Belɛebbas, sakkin yuɣal d iɣef n udiwan-a.
Yexdem daɣ d amaru amatu n twilayt n Qsenṭina deg 2010, sakkin d iɣef n udiwan n weɣlif n tɣawsiwin n daxel deg 2015.
Mass Berimi Djamel Eddine, awali n Um Lebwaqi, yewwi-d agerdas seg Uɣerbaz Aɣelnaw n Tedbelt deg 1979. Yettwasemma-d d amaswaḍ amatu n twilayt n Qsenṭina deg 1988. Yeḍḍef amkan n yiɣef n udiwan deg twilayt n Ldzayer, sakkin yuɣal d awali anesmigal n Sidi Mḥemmed. Deg 2013, yuɣal d amaru amatu n twilayt n Ldzayer.
Mass Benmessaoud Abdelkader, awali amaynu n Tsemsilt, yewwi-d turagt deg tussniwin tisertanin d wassaɣen igraɣlanen deg 1991. Yeḍḍef amkan n wuqqin deg udiwan n yiɣef n unabaḍ (ḥukuma) deg 1993, d win n umaru amatu n twilayt n Ssɛida deg 2010. Deg 2013, yettwasemma-d d awali anesmigal deg Sidi Mḥemmed.
Mass Cherifi Mouloud, awali amaynu n Tubiret, yewwi-d agerdas seg Uɣerbaz Aɣelnaw n Tedbelt deg 1993 yerna yewwi-d turagt deg tussniwin tidamsanin deg 1994. Yexdem d iɣef n udiwan deg twilayin n Bumerdas d Bgayet deg 2015. Yettwasemma-d d awali anesmigal n Ddaṛ Lbiḍa (Ldzayer Tamaneɣt).
Awali amaynu n Tipaza, Ghellai Moussa, yewwi-d agerdas-nnes seg Uɣerbaz Amaynu n Tedbelt deg 1980. Yeḍḍef amkan n yiɣef n tdayṛa deg Cclef, Tlemsan, Mɛeskeṛ d Sidi Belɛebbas (gar 1987-2002), d win n umaru amatu n twilayin n Leblida d Bumerdas (2008-2015).
Awali amaynu n Tbeskert, Ahmed Kerroum, yewwi-d agerdas seg Uɣerbaz Aɣelnaw n Tedbelt deg 1989. Yeḍḍef amkan n wuqqin n udiwan n twilayt n Wehṛan deg 2003, d win n umaru amatu n twilayt n Ǧiǧel seg 2013.
Awali amaynu n Msila, Hadj Megudad, yewwi-d agerdas n Uɣerbaz Aɣelnaw n Tedbelt deg 1981. Yeḍḍef acḥal n yimukan s wazal-nsen deg tdayṛiwin n Wehṛan, Ɛin Timucent, Mɛeskeṛ, Cclef d Lemdeyya (1983-2008), sakkin yettwasemma-d d amaru amatu n twilayt n Lemdeyya.
Mohamed Djamel Khanfar, awali amaynu n Mila, yewwi-d agerdas seg Uɣerbaz Aɣelnaw n Tedbelt deg 1986. Yeḍḍef acḥal n yimukan deg twilayin n Leɣwaṭ d Tɣerdayt (1989-2001), sakkin yettwasemma-d d amaru amatu n twilayt n Bumerdas, sakkin d amaru amatu n twilayt n Msila (2010-2015).
Awali n Leɣwaṭ, Ahmed Meguellati, yewwi-d agerdas seg Uɣerbaz Aɣelnaw n Tedbelt deg 1985, yernu yeḍḍef acḥal n yimukan, gar-asen uqqin n udiwan n twilayt n Tubiret deg 1994 d umaru amatu n twilayt-a deg 2013.
