Asebter amenzawi

Mass Sellal iderrer-d akemmel n wussusen akken ad iɣiwel uslugen n tnezduɣin yellan berra n usaḍuf

LEZZAYER TAMANEɣT – Aneɣlaf amezwaru, Abdelmalek Sellal, yenna-d ass n lexmis dakken ad kemlen wussusen akken ad tɣiwel tikli n uslugen n yikaramen n tnezduɣin yettwabnan berra n usaḍuf akked usishel n tikci n tkerḍa n uɛemmed n lebni i yiɣermanen.

Deg tririt-is deg Ugraw aɣerfan aɣelnaw, i d-teɣra tneɣlaft tanesmigalt yettwakelfen s Wassaɣen akked d umni, Ghania Eddalia, yettwali Mass Sellal dakken akaram-a yesɛa yiwet n tɣawsa ur nenbi ara kan ɣef yidis azerfan n wayla n yal yiwen maca daɣen d aḥareb ɣef tiɣremt akked tamagit tadelsant akked tɣermant n tmert.

Yenna-d dakken iduba inagduden fkan ‘’azal’’ i usentel-a i d-yefɣen deg usaḍuf 08/15 yerzan ilugan n umyezgi n lebni akked d ukemmel n lebni.