ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵀⵎⴻⴷ ⵙⵧⵓⵏⴰ, ⴷ ⴰⵎⴻⴽⵙⴰⵡ ⵏ ⵜⵣⵉⵣⵡⴰ ⵍⴰ ⵢⴻⵜⵜⵏⴰⴷⵉⵏ ⴰⵎⴰⵢⵏⵓ

ⵍⴻⵎⴷⴻⵢⵢⴰ – ⴰⵀⵎⴻⴷ ⵙⵧⵓⵏⴰ, ⵢⵉⵡⴻⵏ ⵙⴻⴳ ⵢⵉⵎⴻⴽⵙⴰⵡⴻⵏ ⵉⵎⴻⵇⵔⴰⵏⴻⵏ ⴰⴽⴽ ⵏ ⵜⵣⵉⵣⵡⴰ ⴷⴻⴳ ⵜⵡⵉⵍⴰⵢⵜ ⵏ ⵍⴻⵎⴷⴻⵢⵢⴰ, ⵍⴰ ⵉⵄⴻⵔⵔⴻⴹ, ⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ ⴰⵢⴰ, ⴰⴷ ⵢⴻⵄⵔⴻⴹ ⵜⵉⵖⴰⵡⵙⵉⵡⵉⵏ ⵜⵉⵎⴰⵢⵏⵓⵜⵉⵏ ⴷⴻⴳ ⵓⵅⴻⴷⴷⵉⵎ-ⵏⵏⴻⵙ.

ⴰⵎⴻⴽⵙⴰⵡ-ⴰ ⵏ ⵜⵖⵉⵡⴰⵏⵜ ⵏ ⵃⴻⵔⴱⵉⵍ (17 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⵜⴰⵔⴰⵎ ⵏ ⵍⴻⵎⴷⴻⵢⵢⴰ), ⵢⴻⵜⵜⵡⴰⵙⵙⴻⵏ ⵎⵍⵉⵃ ⴰⵎⴰ ⴷⴻⴳ ⵜⵎⵓⵔⵜ, ⴰⵎⴰ ⴱⴻⵕⵕⴰ ⵉ ⵜⵎⵓⵔⵜ ⵡⵓⵖⵓⵔ ⵜⴻⵡⵡⴻⴹ ⵜⴰⵎⴻⵎⵜ-ⵏⵏⴻⵙ ⴰⵢ ⵢⴻⵙⵏⵓⵣⵓⵢ ⴷⴻⴳ ⵢⴻⵎⵢⴰⴳⵔⴻⵏ ⵉⵙⴰⴷⵓⵔⴰⵏⴻⵏ ⴰⵎ ⴷⴻⴳ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ, ⵢⴰⵎⴰⵏ ⴷ ⵎⴰⵚⴻⵔ.

ⴰⵔⴳⴰⵣ-ⴰ ⵏ 50 ⵏ ⵢⵉⵙⴻⴳⴳⴰⵙⴻⵏ ⵢⴻⴱⴷⴰ ⵜⴰⴽⴻⵙⵙⴰⵡⵜ ⵏ ⵜⵣⵉⵣⵡⴰ ⴷⴻⴳ ⵢⴻⵍⵎⴰⵜⴻⵏ ⵏ ⵃⴻⵔⴱⵉⵍ ⵉⵙⴻⵏⵏⴷⴻⵏ ⵖⴻⵔ ⵢⴻⴷⵔⴰⵔⴻⵏ ⵏ ⵡⴰⵟⵍⴰⵙ ⴰⴱⵍⵉⴷⵉ.

« ⵜⵉⵣⵉⵣⵡⴰ ⴷ ⴰⵃⵔⵉⵛ ⵙⴻⴳ ⵜⵡⴰⵛⵓⵍⵜ-ⵉⵏⵓ. ⴷ ⴰⵡⴻⵣⵖⵉ ⴰⴷ ⵜⴻⵏⵜ-ⴵⴵⴻⵖ, ⵢⴻⵙⵙⴻⴼⴽ ⴰⴷ ⵜⵜⵖⵉⵎⵉⵖ ⴷⵉⵎⴰ ⵙⴷⴰⵜ ⵜⴻⵖⵔⴰⵙⵉⵏ-ⵉⵏⵓ », ⴰⵢ ⴷ-ⵜⴻⵏⵏⴰ.

ⵙⵧⵓⵏⴰ ⵢⴻⴱⵖⴰ ⵢⴻⵔⵏⵓ ⵉⵄⴻⵡⵡⴻⵍ ⴰⴷ ⴷ-ⵢⴻⵙⵙⵉⴷⴻⴼ ⵢⵉⵡⴻⵏ ⵏ ⵢⴻⵎⵖⵉ ⴰⵢ ⵃⴻⵎⵎⵍⴻⵏⵜ ⴰⴷ ⵜ-ⴳⴻⵎⵔⴻⵏⵜ ⵜⵣⵉⵣⵉⵡⴰ, ⴷ « ⵙⵙⴻⴷⵔⴰ » (ⵏⴻⵖ ⵜⴰⵏⵏⴻⵏⵜ ⵜⴰⵡⴻⵃⵛⵉⵜ), ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ.

ⴰⵙⴻⴽⵍⵓ-ⴰ ⵢⴻⵊⵀⴻⴷ ⵢⴻⵔⵏⵓ ⴰⴷ ⵢⴻⵙⵙⴻⵊⵀⴻⴷ ⴰⵢⴻⵏ ⴰⵔⴰ ⴷ-ⴳⴻⵎⵔⴻⵏⵜ ⵜⵣⵉⵣⵡⴰ, ⵢⴻⵔⵏⵓ ⵢⴻⵣⴳⴰ ⵓⵎⴻⴽⵙⴰⵡ-ⴰ ⵢⴻⵜⵜⵏⴰⴷⵉ ⵖⴻⴼ ⵜⴻⵏⵚⵉⵃⵉⵏ ⴰⵢⵢⴻⵙ ⴰⵔⴰ ⵢⴻⵙⵙⴻⵍⵀⵓ ⵍⵖⴻⵍⵍⴰ-ⵏⵏⴻⵙ.

ⵛⵛⴻⵜⵍⴰ ⵢⴻⵍⵀⴰⵏ ⵏ ⵓⵙⴻⴽⵍⵓ-ⴰ ⵜⵎⴻⵖⵖⵉ-ⴷ ⴷⴻⴳ ⵜⴳⴻⵍⴷⴰ ⵜⴰⵙⴰⵄⵓⴷⵉⵜ ⴷ ⵢⴰⵎⴰⵏ, ⵢⴻⵔⵏⵓ ⵉⵎⵉ ⴰⵢ ⵜⴻⵍⵀⴰ ⵉ ⵜⵣⵉⵣⵡⴰ, ⵢⴻⴱⵖⴰ ⵎⴰⵙⵙ ⵙⵧⵓⵏⴰ ⴰⴷ ⵜⵜ-ⵉⴷ-ⵢⴰⵡⵉ ⵖⴻⵔ ⵍⴷⵣⴰⵢⴻⵔ. ⵢⴻⵄⵕⴻⴹ ⴰⴷ ⵜⵜ-ⵢⴻⵙⴼⵓⵍⵍⴻⵃ ⴷⴻⴳ ⵜⵏⴻⵛⵜⴰⵍⵜ-ⵏⵏⴻⵙ, ⵢⴻⵔⵏⵓ ⵢⴻⵙⵙⵓⵜⴻⵔ ⴰⴽⴰⵍ ⴰⵔⴰ ⵢⴻⵔⵔ ⴷ ⵓⵔⵜⵉ ⵉ ⵓⵙⴻⴽⵍⵓ-ⴰ.

ⵜⴰⵡⵉⵍⴰⵢⵜ ⵏ ⵍⴻⵎⴷⴻⵢⵢⴰ ⵜⴻⵙⵄⴰ 2400 ⵏ ⵢⵉⵎⴻⴽⵙⴰⵡⴻⵏ ⵏ ⵜⵣⵉⵣⵡⴰ ⵢⴻⵍⵍⴰⵏ ⴷⴻⴳ ⵜⴻⵎⵏⴰⴹⵉⵏ ⵏ ⵍⵄⴰⵣⵉⵣⴻⵢⵢⴰ, ⵙⵙⵡⴰⴳⵉ, ⵄⵉⵏ ⴱⵓⵙⵉⴼ ⴷ ⵜⵎⴻⵙⴳⵉⴷⴰ ⵢⴻⵔⵏⵓ ⵙⵄⴰⵏ ⴰⵊⴻⵎⵎⴰⵍ ⵏ 36.000 ⵏ ⵜⴻⵖⵔⴰⵙⵉⵏ ⵢⴻⵞⵞⵓⵕⴻⵏ.

1515 ⵏ ⵢⵉⵇⴻⵏⵟⴰⵔⴻⵏ ⵏ ⵜⴰⵎⴻⵎⵜ ⴰⵢ ⴷ-ⵢⴻⵍⵍⴰⵏ ⴷ ⵍⵖⴻⵍⵍⴰ ⵏ ⵜⵡⵉⵍⴰⵢⵜ-ⴰ ⴷⴻⴳ 2015, ⵖⴻⴼ ⵍⴻⵃⵙⴰⴱ ⵏ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵏ ⵢⵉⵎⴻⵥⵍⴰ ⵏ ⵜⴽⴻⵔⵔⴰⵣⵜ.