Asebter amenzawi
Afran n yixeddimen iseklanen ara yettekkin deg Warraz wis 5 n « Mohamed Dib »
TLEMSAN – Tefren-d tseqqamut n wezraf n Warraz n « Mohamed Dib » 5-nni n yixeddimen iseklanen ara yemsizewren aseggas-a, yernu ixeddimen-a llan s 3 n tutlayin (taɛṛabt, tamaziɣt d tefṛensist), ɣef wakken ay aɣ-d-tenna, ass n ssebt, tselwayt n tiddukla tadelsant « Axxam Ameqran » ay yessuddsen arraz-a.
Ad msizewren 3 n yixeddimen s taɛṛabt, yernu wi d « Sakaṛat Nedjma » n Bouchareb Amel, « Mazamir El Hadjar » n Djaafar Mohamed d « Sizif yastassanaa ibtissama » n Mohamed Salah.
S tmaziɣt, sin n yixeddimen ay yellan, yernu wid d « Naila » n Brahim Tazaghart d « Gar yigenni d tmurt » n Louiza Ouzlag.
3 n yixeddimen ay d-yettwafernen s tefṛensist yernu wi d « Passages d’Algerie » n Ferhanine Ameziane, « El Fetwa » n Bouchareb Mustapha d « Emie Maria » d Belloula Nacera.
Tenna-d Benmansour Sabeha, taselwayt n useqqamu n warraz d tiddukla, dakken tasmilt n wezraf teɣra, deg tazwara, 18 n yixeddimen iseklanen seg gar 72 ay ssersen yimura idzayriyen akken ad awin arraz-a.
Ismawen n wid ara irebḥen ad d-ttunefken deg temlilit tummidt n 22 Tubeṛ, deg tgara n tedyant tadelsant n « Tnezduɣt n yinaẓuren » ara d-tessuddes tiddukla gar 15 d 22 Tubeṛ deg Usudu n Tezrawin Tandalusiyin n Tlemsan s usentekl n « Tmagit, tanḍa d wexlaḍ n yidelsan ».
