Asebter amenzawi

Ad yettekki Useqqamu n Weɣlan deg temlilit tis 3 ɣef wesfulmen n tsednan deg Barcelona

LDZAYER TAMANEɣT – Ad tettekki tmaslaḍt (ɛuḍwa) n Useqqamu n Weɣlan, Hafidha Benchahida, deg temlilit tis 3 n weswir unnig ɣef wesfulmen n tsednan, ara d-yilin gar 10 d 11 Tubeṛ deg Barcelona (Spenyul) yernu ad tt-tessuddes Tdukli i Wegrakal, ɣef wakken ay d-yenna ass n lḥedd yiwen n welɣu (bayan).

Timlilit-a ad d-tili i lmend n wesfulmen n tmeṭṭut d uttekki-nnes deg wesmal (tarwiǧ) n talwit, asnefli d werkad deg temnaḍt n Yilel Agrakal d Tuṛuft, ɣef wakken ay d-yenna welɣu-a.

Deg wahil n temlilit-a, ad d-ilint 4 n tɣimiyin i ussekyed n tegnit tamirant deg Yilel Agrakal, ti ar d-ḥazent timsal n « Tsednan d amutur n wesnefli aduman i unnerni ara d-iḥazen akk medden », « tisednan d timeggiyin n llsas deg yimenɣi mgal tiḍḍurfa », d « tsednan, tilelli n wewliwel d yinig », am wakken ara d-swejden i yiwet n temlilit taɣlifant ɣef ussejhed n dduṛ n tsednan deg tmetti, ɣef wakken ay d-yenna welɣu-a.