ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴷ ⴰⴷⵣⴰⵢⵔⵉ ⴰⵢ ⴷ ⵡⵉⵙ 3 ⴷⴻⴳ ⵢⵉⵡⴻⵏ ⵏ ⵡⴻⵎⵙⵉⵣⵡⴻⵔ ⴰⴳⵔⴰⵖⵍⴰⵏ ⵏ ⵜⵒⵉⵣⵣⴰ ⴷⴻⴳ ⵕⵓⵎⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⵓⵙⴰ-ⴷ ⵢⴻⵎⵙⴻⵡⵡⵉ ⵏ ⵜⵒⵉⵣⵣⴰ ⵎⵧⵓⵔⴰⴷ ⴱⴻⴳⵀⵧⵓⵔⴰ ⴷ ⵡⵉⵙ 3 ⴷⴻⴳ ⵡⴻⵎⵙⵉⵣⵡⴻⵔ ⴰⴳⵔⴰⵖⵍⴰⵏ ⵏ ⵜⵒⵉⵣⵣⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵕⵓⵎⴰ ⴳⴰⵔ 4 ⴷ 5 ⵜⵓⴱⴻⵕ ⵢⴻⵣⵔⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰⵏ ⵢⴻⵎⵙⵓⴷⴷⵙⴻⵏ.

ⵎⵧⵓⵔⴰⴷ ⴱⴻⴳⵀⵧⵓⵔⴰ ⵢⴻⵜⵜⴻⴽⴽⴰ ⴷⴻⴳ ⵡⴻⵎⵙⵉⵣⵡⴻⵔ ⵏ « ⵒⵉⵣⵣⴰ ⴼⵔⵉⵜⵜⴰ », ⵏⴻⵖ ⵜⴰⵒⵉⵣⵣⴰ ⵜⴰⵏⴰⵒⵓⵍⵉⵜ, ⵢⴻⵔⵏⵓ ⵉⵀⴻⵢⵢⴰ-ⴷ ⵜⴰⵒⵉⵣⵣⴰ-ⵏⵏⴻⵙ ⵙ ⵓⵇⴰⵢⴻⵎⵔⵓⵏ, ⵉⴷⴳⵉ (ⵚⴰⵍⵚⴰ) ⴰⵣⴻⵡⵡⴰⵖ ⴷ ⵜⴽⴻⵎⵎⴰⵔⵜ ⵏ ⵎⵧⵣⵣⴰⵔⴻⵍⵍⴰ ⵢⴻⵍⵍⴰⵏ ⴷ ⵜⴰⴽⴻⵎⵎⴰⵔⵜ ⵢⴻⵜⵜⵡⴰⵙⵙⵏⴻⵏ ⴷⴻⴳ ⵏⴰⵒⵧⵍⵉ (ⴰⵏⵥⵓⵍ ⵏ ⵟⵟⴰⵍⵢⴰⵏ).

ⴰⵎⴽⴰⵏ ⴰⵎⴻⵣⵡⴰⵔⵓ ⵜⴻⵡⵡⵉ-ⵜ ⵢⵉⵡⴻⵜ ⵏ ⵜⵟⴰⵍⵢⴰⵏⵉⵜ, ⵎⴰ ⴷ ⴰⵎⴽⴰⵏ ⵡⵉⵙ ⵙⵉⵏ ⵢⴻⵡⵡⵉ-ⵜ ⵢⵉⵡⴻⵏ ⵏ ⵡⴻⴼⵕⴻⵏⵙⵉⵙ.

150 ⵏ ⵢⵉⵎⴰⵣⵡⴰⵔⴻⵏ ⵙⴻⴳ 15 ⵏ ⵜⵎⵓⵔⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵡⴻⵎⵙⵉⵣⵣⴻⵍ-ⴰ ⴰⵢ ⴷ-ⵉⵃⵓⵣⴰⵏ ⵜⵉⵒⵉⵣⵣⵉⵡⵉⵏ ⵏ ⵍⴻⵚⵏⴰⴼ ⵏ « ⵛⴰⵍⵣⵧⵏⴻ », « ⵎⴰⵔⴳⵀⴻⵔⵉⵜⴰ » ⴷ « ⵎⴰⵔⵉⵏⴰⵔⴰ ».

ⵢⴻⵜⵜⴻⴽⴽⴰ ⵎⵧⵓⵔⴰⴷ ⴱⴻⴳⵀⵧⵓⵔⴰ, ⵢⴻⵙⵄⴰⵏ 33 ⵏ ⵢⵉⵙⴻⴳⴳⴰⵙⴻⵏ, ⴷⴻⴳ ⵡⴰⵛⵃⴰⵍ ⵏ ⵢⴻⵎⵙⵉⵣⴻⵡⵔⴻⵏ ⵉⴳⵔⴰⵖⵍⴰⵏⴻⵏ ⵏ ⵜⵒⵉⵣⵣⴰ, ⵍⴰⴷⵖⴰ ⴷⴻⴳ ⵟⵟⴰⵍⵢⴰⵏ ⴷ ⴼⵕⴰⵏⵙⴰ.