Asebter amenzawi

D Adzayri ay d wis 3 deg yiwen n wemsizwer agraɣlan n tpizza deg Ṛuma

LEZZAYER TAMANEɣT– Yusa-d yemsewwi n tpizza Mourad Beghoura d wis 3 deg wemsizwer agraɣlan n tpizza ay d-yellan deg Ṛuma gar 4 d 5 Tubeṛ yezrin, ɣef wakken ay d-yennan yemsuddsen.

Mourad Beghoura yettekka deg wemsizwer n « pizza fritta », neɣ tapizza tanapulit, yernu iheyya-d tapizza-nnes s uqayemrun, idgi (ṣalṣa) azewwaɣ d tkemmart n mozzarella yellan d takemmart yettwassnen deg Napoli (anẓul n Ṭṭalyan).

Amkan amezwaru tewwi-t yiwet n Tṭalyanit, ma d amkan wis sin yewwi-t yiwen n Wefṛensis.

150 n yimazwaren seg 15 n tmura ay yettekkan deg wemsizzel-a ay d-iḥuzan tipizziwin n leṣnaf n « Calzone », « Margherita » d « Marinara ».

Yettekka Mourad Beghoura, yesɛan 33 n yiseggasen, deg wacḥal n yemsizewren igraɣlanen n tpizza, ladɣa deg Ṭṭalyan d Fṛansa.