Asebter amenzawi

Akcaf n wamek ay tettɣurru Meṛṛuk wid ay ibedden ɣer Uneẓruf Utrim deg Yeɣlanen Yeddukklen

NEW YuRK– Kecfent-d kra n teftarin (wata’iq) tuffirin amek ay tettɣurru Meṛṛuk iwerdaniyen ay yekkaten ɣef yizerfan n Uneẓruf Utrim deg Yeɣlanen Yeddukklen, dɣa s waya, kecfent-d tefranin-a tamacint n tjuɛal n Meṛṛuk.

7 n teftarin tunṣibin n weɣlif n tɣawsiwin n wezɣar n Meṛṛuk d uggenses n Meṛṛuk deg Yeɣlanen Yeddukklen kecfen-d temɣer n ccɣel-a ay la yekkaten ad tesseddu tikerkas deg umaḍal ɣef temsalt taṣeḥrawit.

D aqerṣan n Internet Chris Coleman ay yessawḍen ad d-yaf tiftatin-a. Amdan-a yekcef-d yagi kra n lesrar yeqqnen ɣer taluft n Uneẓruf Utrim, maca tiftarin-a kecfent-d ttfaṣil n ccɣel-a ameqran n tukci n tjuɛal.

Tiftarin-a kecfent-d daɣ abrid ay la tettḍafar Meṛṛuk akken ad tennaɣ yernu ad tessexṣer akk lecɣal ay tetteg Terni n Polisario deg Tuddsa n Yeɣlanen Yeddukklen.