ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵡⴻⵀⵕⴰⵏ ⴰⴷ ⵜⴻⵙⵄⵓ ⵙⵉⵏ ⵏ ⵡⴰⵎⵎⴰⵙⴻⵏ ⵉⵎⵙⴻⵏⵣⵉⵢⴻⵏ ⵓⵛⴱⵉⵃⴻⵏ ⴰⴽⴽ ⴷⴻⴳ ⵡⴻⴳⵔⴰⴽⴰⵍ (ⴰⵎⴰⵙⴰⵢ)
ⵡⴻⵀⵕⴰⵏ – ⵜⴰⵎⴷⵉⵏⵜ ⵜⴰⵎⴰⵢⵏⵓⵜ ⴰⵔⴰ ⵢⴻⵜⵜⵡⴰⴱⵏⵓⵏ ⴷⴻⴳ ⵓⵜⴰⵔⴰⵎ ⵏ ⵡⴻⵀⵕⴰⵏ, ⴰⴷ ⵜⴻⵙⵄⵓ ⵢⵉⵡⴻⵏ ⵏ ⵡⴻⵎⴽⴰⵏ ⵓⵎⵉ ⵙⴻⵎⵎⴰⵏ « ⵒⴰⵔⴽ ⵎⴰⵍⵍ », ⴷ ⴰⴷⴻⴳ ⴰⵎⴻⵇⵔⴰⵏ ⵢⴻⵔⵏⵓ ⴰⴷ ⵢⴻⵙⵄⵓ ⵙⵉⵏ ⵙⴻⴳ ⵡⴰⵎⵎⴰⵙⴻⵏ ⵉⵎⵙⴻⵏⵣⵉⵢⴻⵏ ⵓⵛⴱⵉⵃⴻⵏ ⴰⴽⴽ ⴷⴻⴳ ⵜⴻⵎⴷⵉⵏⵉⵏ ⴰⵢ ⴷ-ⵢⴻⵣⵣⵉⵏ ⵖⴻⴼ ⵢⵉⵍⴻⵍ ⴰⴳⵔⴰⴽⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵡⴰⵍⴰ ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⵉ ⵓⵇⴻⴷⴷⴻⵎ ⵏ ⵓⵙⴻⵏⴼⴰⵔ-ⴰ.
« ⵃⴰⵣⴻⵏ-ⴷ ⵜⴰⵍⵍⵓⵏⵜ ⵏ 18 ⵏ ⵢⵉⵇⴻⵟⵟⴰⵔⴻⵏ ⵉ ⵓⵙⵙⴻⴼⵜⵉ-ⴰ ⴰⵎⴻⵇⵔⴰⵏ ⴰⵢ ⵢⴻⵇⴱⴻⵍ ⵓⵙⴻⵇⵇⴰⵎⵓ ⴰⵖⴻⵍⵏⴰⵡ ⵏ ⵓⵙⵙⴻⴼⵜⵉ, ⵢⴻⵔⵏⵓ ⴰⴷ ⵢⴻⵜⵜⵡⴰⴱⵏⵓ ⵓⵇⴱⴻⵍ ⵎⴰ ⵍⵍⴰⵏ-ⴷ ⵡⵓⵔⴰⵔⴻⵏ ⵉⴳⵔⴰⴽⴰⵍⴻⵏ ⵏ ⵡⴻⵀⵕⴰⵏ ⴷⴻⴳ 2021 », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵡⴰⵍⵉ ⵏ ⵡⴻⵀⵕⴰⵏ, ⴰⴱⴷⴻⵍⴳⵀⴰⵏⵉ ⵣⴰⴰⵍⴰⵏⴻ, ⴷⴻⴼⴼⵉⵔ ⵎⴰ ⵜⴻⵜⵜⵡⴰⵇⴻⴷⴷⴻⵎ-ⴷ ⵢⵉⵡⴻⵜ ⵏ ⵜⴻⵣⵔⴰⵡⵜ (ⴷⵉⵔⴰⵙⴰ) ⵖⴻⴼ ⵡⴰⵢⴰ.
« ⴰⵙⵙⴻⴹⵔⵓ ⵏ ⵓⵙⴻⵏⴼⴰⵔ-ⴰ ⴰⴷ ⴷ-ⵢⵉⵍⵉ ⴷ ⴰⵣⴰⵍ ⵢⴻⵔⵏⴰⵏ ⵉ ⵜⵡⵉⵍⴰⵢⵜ ⵏ ⵡⴻⵀⵕⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵡⴰⵍⵉ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵜⵉⴷⵓⵎⵚⵓⴽⵉⵏ ⴰⵢ ⵙⵙⴻⴼⵔⴰⵏ ⴷⴻⴳ ⵓⴽⴰⵜⴰⵔ-ⴰ ⴷ ⴰⵢⴻⵏ ⴰⵔⴰ ⵢⴻⴵⴵⴻⵏ ⵡⴻⵀⵕⴰⵏ ⴰⴷ ⵜⵓⵖⴰⵍ ⴷ ⵢⵉⵡⴻⵜ ⵙⴻⴳ ⵜⴻⵎⴷⵉⵏⵉⵏ ⵜⵉⵎⴻⵇⵔⴰⵏⵉⵏ ⴰⴽⴽ ⵏ ⵢⵉⵍⴻⵍ ⴰⴳⵔⴰⴽⴰⵍ.
ⴰⵎⵎⴰⵙ ⴰⵎⵙⴻⵏⵣⵉ ⴷ ⵓⴷⴻⵀⵀⵓ ⵏ ⵡⴻⵀⵕⴰⵏ ⴰⴷ ⴷ-ⵢⵉⵍⵉ ⴷ ⴰⵙⵙⴻⴼⵜⵉ ⵏ ⵜⴻⵕⵎⵉⵙⵜ ⵏ ⵔⴰⵛⵀⵉⴷ ⴽⵀⴻⵏⴼⵔⵉ, ⴰⵙⴻⵍⵡⴰⵢ-ⴰⵏⴻⵎⵀⴰⵍ ⴰⵎⴰⵜⵓ ⵏ ⵜⴻⵕⵎⵙⵉⵜ ⵏ « ⵒⵔⵧⵎⴱⴰⵜⵉ » ⴰⵢ ⵢⴻⴱⵏⴰⵏ ⵢⴰⴳⵉ ⵢⵉⵡⴻⵏ ⵏ ⵡⴰⵎⵎⴰⵙ ⴷⴻⴳ ⵓⵙⵓⴷⴷⵉⵙ (ⵎⵓⵔⴰⴽⴽⴰⴱ) ⵏ ⵜⵏⴻⵣⵣⵓⵜ ⵏ « ⵒⴰⵔⴽ ⵎⴰⵍⵍ » ⴷⴻⴳ ⵙⴹⵉⴼ.
