Asebter amenzawi

Arraz n Nobel n tsekla yewwi-t ucennay amarikani Bob Dylan

STOCKHOLM – Arraz n Nobel n tsekla tefka-t i ucennay amarikani Bob Dylan, deg leɛmer-is 75 n yiseggasen, d amẓawen amezwaru i yewwin asefk-a mucaɛen, i d-tenna ass n lexmis Tkadimit tasuwidit.

Fkan-as-t i Bob Dylan ‘’imi d-yesseɣnew, deg ukatar n wansay ameqqran n uẓawan amarikani, talɣiwin timaynutin yesɛan tanfalit tudyizt’’, i d-tenna tmarayt tamatut n Tkadimit, Sara Danius.

Amarikani-a, d amẓawen amezwaru deg umaḍal i umi tefka arraz Tkadimit seg mi d-tesseɣnew arraz-a deg useggas 1901, yeḍfer-d tamarut-taneɣmast Tabyilurusit Svetlana Alexievitch i t-yewwin aseggas yezrin.

‘’Bob Dylan yettaru yiwet n tmedyazt i tmeẓẓuɣt’’, i tessegzi Massa Danius deg tiliẓri SVT, tenna-d dakken inesɣuma n Tkadimit ‘’mmezgen-d aṭas’’ deg ufran-a.

Tesissen-it-id Tkadimi amzun akken d ’’azamul’’, Acennay, ar ass-amazl-it icennu. Yessufeɣ-d deg wayyur n mayu yezrin aḍebsi-s wis 37, "Fallen Angels", anda yecna tizlatin timarikaniyin yecna yakan Frank Sinatra.

Arraz n Nobel yeṭṭafar-it n ṭam n yimelyunen n ikurunen (822.000 n yiyuruten).

Nobel n tsekla d arraz aneggaru i fkan deg useggas-a n 2016.