Asebter amenzawi

Tafaska n Ɛennaba n Usaru Agrakal: d asaru n Salem Brahimi ay d-irebḥen arraz n wureɣ

ƐENNABA– D asaru adzayri n « Imir-a zemren ad d-asen » n Salem Brahimi ay d-irebḥen, ass n laṛebɛa tameddit, arraz n « Ɛennab n Wureɣ » deg teẓrigt tis snat n Tfaska n Ɛennaba n Usaru Agrakal.

S waya, yuwey yemseḍru (muxriǧ) Salem Brahimi arraz n 10.000 n yidulaṛen deg tfugla n wextam, s weḥdaṛ n uneɣlaf n yedles, Azzedine Mihoubi, iduba idiganen iɣarimen d yiserdasanen, iqenṣulen n Tunes d Fṛansa, d wacḥal n yinaẓuren d lɣaci.

Arraz n dduṛ imxeyyer n wergaz yuwey-it Amazigh Kateb ɣef dduṛ-nnes deg « Imir-a zemren ad d-asen » ay d-fursen Salem Brahimi d Michele Ray-Gavras.

Asaru-a n tsaɛet d 55 n tedqiqin iḥekku-d takesna (ma’sat) aydeg tezder Lezzayer deg tallit n tremmiɣt (irhab), d taḥkayt n Yasmina d Noureddine ay yellan mḥemmalen, maca mbaɛaden gar-asen ɣef lǧal n tudert iweɛṛen deg tallit-nni.

Sdat lɣacin ay iḥedṛen deg umezgun amnaḍan n Azzedine-Medjoubi, yenna-d yemseḍru, mi yeḍḍef arraz-nnes, dakken asaru-a d « tajmilt i 200.000-nni n yemdanen ay tenɣa tremmiɣt d lebɣi n weɣref s lekmal-nnes akken ad yezbu yernu ad d-iḥettem azref n tudert ».