Asebter amenzawi

Ameẓlu adday i tgara n dduṛt deg weṭramway n Lezzayer Tamaneɣt (SETRAM)

LEZZAYER TAMANEɣT– Tenna-d teṛmist n uɣellet n weṭramway (SETRAM), ass n lexmis, dakken ad teḍmen ameẓlu (xidma) taddayt deg tgara n dduṛt (ljemɛa d ssebt) deg Lezzayer Tamaneɣt.

Deffir ma yuɣal-d weṭramway ɣer uxeddim cwiṭ, cwiṭ, tenna-d tmehla (idara) n SETRAM dakken ad d-yili umeẓlu adday seg tis 8:00 n tṣebḥit ɣer tis 7:00 n tmeddit.

Aḥric n yizirig gar Ruisseau d Mimouni-Hamoud ad t-tɣellet teṛmist n weṭramway, ma d aḥric gar Mimouni-Hamoud d Dergana ad kemmlen deg-s medden rrekba s yisakalen (ḥawafil) n teṛmist n ETUSA, ɣef wakken ay d-yenna welɣu (bayan) n SETRAM.

Seg wass n ttlata ay d-bdan yixeddamen n SETRAM asunded (iḍrab) war aɛeyyen yernu iḥuza usunded-a akk izirig n weṭramway seg Dergana arma d Leɛnaṣer.

Ssutren-d yixeddamen-a tiɣawsiwin yemgerraden, gar-asent timerniwt deg lexlaṣ, allus n uṣennef n yixeddamen d weḍman n tɣellist (amn) ama i nitni, ama i umesni-nsen.