Asebter amenzawi

Yelha-d uneɣlaf amenzu s waṭas n temsal deg Lome

LOME– Tella-d Tqacuct Tafeɣnamit n Tdukli Tafriqit ɣef Tɣellist Tawlalt d Unnefli deg Tefriqt ay d-yellan ass n 15 Tubeṛ 2016 deg Lome, d tagnit i uneɣlaf amenzu akken ad d-yelhu d wacḥal n temsal tidiplumatiyin.

Abdelmalek Sellal, ay yettekkan deg temliliyin n tqacuct-a s yisem-nnes d agensas udmawan n Mass aselway n tegduda, Abdelaziz Bouteflika, yessawel d wacḥal n yiɣfawen n tmura tifriqyin.

Idiwenniyen-nnes ḥuzan-d timsal yemgerraden yeqqnen ɣer tedyanin ay la d-yettilin ussan-a, icqirrwen yeqqnen ɣer yilel ama seg yidis n tdamsa, taɣellist neɣ tawennaḍt, d temsal yeqqnen ɣer tmuɣli tasuddsant i wesnefli n Tefriqt seg-a ɣer 2063, yernu iwekked-d Mass Sellal dduṛ yesɛan azal n Lezzayer deg Tdukli Tafriqit.

Dduṛ uẓwir d uttekki n Lezzayer deg wussisen (maǧhudat) n Tdukli Tafriqit i lmend n ussejhed n talwit, arkad d unnefli deg Tefriqt d ayen ay d-yettwacekṛen.