ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⵍⵀⴰ-ⴷ ⵓⵏⴻⵖⵍⴰⴼ ⴰⵎⴻⵏⵣⵓ ⵙ ⵡⴰⵟⴰⵙ ⵏ ⵜⴻⵎⵙⴰⵍ ⴷⴻⴳ ⵍⵧⵎⴻ

ⵍⵧⵎⴻ– ⵜⴻⵍⵍⴰ-ⴷ ⵜⵇⴰⵛⵓⵛⵜ ⵜⴰⴼⴻⵖⵏⴰⵎⵉⵜ ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵖⴻⴼ ⵜⵖⴻⵍⵍⵉⵙⵜ ⵜⴰⵡⵍⴰⵍⵜ ⴷ ⵓⵏⵏⴻⴼⵍⵉ ⴷⴻⴳ ⵜⴻⴼⵔⵉⵇⵜ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ 15 ⵜⵓⴱⴻⵕ 2016 ⴷⴻⴳ ⵍⵧⵎⴻ, ⴷ ⵜⴰⴳⵏⵉⵜ ⵉ ⵓⵏⴻⵖⵍⴰⴼ ⴰⵎⴻⵏⵣⵓ ⴰⴽⴽⴻⵏ ⴰⴷ ⴷ-ⵢⴻⵍⵀⵓ ⴷ ⵡⴰⵛⵃⴰⵍ ⵏ ⵜⴻⵎⵙⴰⵍ ⵜⵉⴷⵉⵒⵍⵓⵎⴰⵜⵉⵢⵉⵏ.

ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵎⵍⵉⵍⵉⵢⵉⵏ ⵏ ⵜⵇⴰⵛⵓⵛⵜ-ⴰ ⵙ ⵢⵉⵙⴻⵎ-ⵏⵏⴻⵙ ⴷ ⴰⴳⴻⵏⵙⴰⵙ ⵓⴷⵎⴰⵡⴰⵏ ⵏ ⵎⴰⵙⵙ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵢⴻⵙⵙⴰⵡⴻⵍ ⴷ ⵡⴰⵛⵃⴰⵍ ⵏ ⵢⵉⵖⴼⴰⵡⴻⵏ ⵏ ⵜⵎⵓⵔⴰ ⵜⵉⴼⵔⵉⵇⵢⵉⵏ.

ⵉⴷⵉⵡⴻⵏⵏⵉⵢⴻⵏ-ⵏⵏⴻⵙ ⵃⵓⵣⴰⵏ-ⴷ ⵜⵉⵎⵙⴰⵍ ⵢⴻⵎⴳⴻⵔⵔⴰⴷⴻⵏ ⵢⴻⵇⵇⵏⴻⵏ ⵖⴻⵔ ⵜⴻⴷⵢⴰⵏⵉⵏ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⵓⵙⵙⴰⵏ-ⴰ, ⵉⵛⵇⵉⵔⵔⵡⴻⵏ ⵢⴻⵇⵇⵏⴻⵏ ⵖⴻⵔ ⵢⵉⵍⴻⵍ ⴰⵎⴰ ⵙⴻⴳ ⵢⵉⴷⵉⵙ ⵏ ⵜⴷⴰⵎⵙⴰ, ⵜⴰⵖⴻⵍⵍⵉⵙⵜ ⵏⴻⵖ ⵜⴰⵡⴻⵏⵏⴰⴹⵜ, ⴷ ⵜⴻⵎⵙⴰⵍ ⵢⴻⵇⵇⵏⴻⵏ ⵖⴻⵔ ⵜⵎⵓⵖⵍⵉ ⵜⴰⵙⵓⴷⴷⵙⴰⵏⵜ ⵉ ⵡⴻⵙⵏⴻⴼⵍⵉ ⵏ ⵜⴻⴼⵔⵉⵇⵜ ⵙⴻⴳ-ⴰ ⵖⴻⵔ 2063, ⵢⴻⵔⵏⵓ ⵉⵡⴻⴽⴽⴻⴷ-ⴷ ⵎⴰⵙⵙ ⵙⴻⵍⵍⴰⵍ ⴷⴷⵓⵕ ⵢⴻⵙⵄⴰⵏ ⴰⵣⴰⵍ ⵏ ⵍⴻⵣⵣⴰⵢⴻⵔ ⴷⴻⴳ ⵜⴷⵓⴽⵍⵉ ⵜⴰⴼⵔⵉⵇⵉⵜ.

ⴷⴷⵓⵕ ⵓⵥⵡⵉⵔ ⴷ ⵓⵜⵜⴻⴽⴽⵉ ⵏ ⵍⴻⵣⵣⴰⵢⴻⵔ ⴷⴻⴳ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⵉ ⵍⵎⴻⵏⴷ ⵏ ⵓⵙⵙⴻⵊⵀⴻⴷ ⵏ ⵜⴰⵍⵡⵉⵜ, ⴰⵔⴽⴰⴷ ⴷ ⵓⵏⵏⴻⴼⵍⵉ ⴷⴻⴳ ⵜⴻⴼⵔⵉⵇⵜ ⴷ ⴰⵢⴻⵏ ⴰⵢ ⴷ-ⵢⴻⵜⵜⵡⴰⵛⴻⴽⵕⴻⵏ.