ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

7 ⵏ ⵢⵉⵙⴻⵡⵍⴰⴼⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⵣⵉⴽⴽⴻⵏⵜ ⴷⴻⴳ ⵍⴻⵇⵚⴻⵔ ⵏ ⵕⵕⴻⵢⵢⴰⵙ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵜⵜⵡⴰⵔⵥⴻⵎ, ⴰⵙⵙ ⵏ ⵙⵙⴻⴱⵜ ⴷⴻⴳ ⵡⴰⵎⵎⴰⵙ ⵏ ⵜⵥⵓⵔⵉⵢⵉⵏ ⵏ ⵍⴻⵇⵚⴻⵔ ⵏ ⵕⵕⴻⵢⵢⴰⵙ, ⵢⵉⵡⴻⵜ ⵏ ⵜⵣⵉⴽⴽⴻⵏⵜ ⵜⴰⵎⴰⵣⴷⴰⵢⵜ ⵏ ⵢⵉⵙⴻⵡⵍⴰⴼⴻⵏ (ⵎⵓⵚⴰⵡⵡⵉⵔⵉⵏ) ⵏ ⵜⵥⵓⵔⵉ ⴰⵢⴷⴻⴳ ⵜⵜⴻⴽⴽⴰⵏ 7 ⵏ ⵢⵉⵙⴻⵡⵍⴰⴼⴻⵏ ⵉⵍⴻⵎⵥⵉⵢⴻⵏ.

ⴷ ⵜⴰⵏⴻⴳⴳⴰ (ⵡⴰⴽⴰⵍⴰ) ⵏ ⵓⵙⵙⴻⵡⵍⴻⴼ ⵏ « ⵛⴰⵒⵙⴰ ⵠⵉⵙⵉⵧⵏ » ⴰⵢ ⴷ-ⵢⴻⵙⵙⵓⴷⴷⵙⴻⵏ ⵜⴰⵣⵉⴽⴽⴻⵏⵜ-ⴰ ⵓⵎⵉ ⵙⴻⵎⵎⴰⵏ « 7ⵅ7 » ⴰⵢⴷⴻⴳ 7 ⵏ ⵢⵉⵙⴻⵡⵍⴰⴼⴻⵏ ⴰⵢ ⴷ-ⵢⵓⵡⵢⴻⵏ ⵜⵉⵡⵍⴰⴼⵉⵏ ⴰⵢ ⴷ-ⵢⴻⵙⵙⴰⵡⴰⴹⴻⵏ ⵉⵣⵏⴰⵏ.

ⴼⵧⵓⴰⴷ ⴱⴻⵙⵜⴰⵏⴷⵊⵉ, ⴷ ⴰⵙⴻⵡⵍⴰⴼ ⵢⴻⵔⵏⵓ ⴷ ⵉⵎⵙⴻⴹⵔⵓ (ⵎⵓⵅⵔⵉⴵ), ⵢⴻⵙⵙⴻⵡⵍⴻⴼ-ⴷ ⵜⴰⵏⴼⴰⵍⵉⵜ ⵏ ⵡⵓⴷⵎⴰⵡⴻⵏ ⵏ ⵎⴻⴷⴷⴻⵏ ⵢⴻⵔⵏⵓ ⵔⵙⴻⵏⵜ ⵜⴻⵡⵍⴰⴼⵉⵏ-ⵏⵏⴻⵙ ⴷⴻⴳ ⵜⴻⵏⵡⴰⵍⵉⵏ (ⵎⴰⵟⴰⴱⵉⵅ) ⵏ ⵍⴻⵇⵚⴻⵔ ⵡⵉⵙ 17.

ⵎⴰ ⴷ ⵎⴻⵀⴷⵉ ⴱⵧⵓⴱⴻⴽⴻⵓⵔ ⵉⵚⴻⵡⵡⴻⵔ-ⴷ ⵜⵉⵔⴰ ⴻⴷ ⵜⴻⴽⵍⵓⵜ ⵖⴻⴼ ⵢⵉⵖⴻⵔⴱⴰⵏ ⴷⴻⴳ ⵢⴻⴳⵎⴰⵎⴻⵏ (ⴰⵃⵢⴰ’) ⵉⵖⴻⵔⴼⴰⵏⴻⵏ, ⵢⴻⵔⵏⵓ ⵉⵙⴻⵎⵎⴰ ⵉ ⵜⴻⵍⴽⴻⵏⵙⵉⵜ-ⵏⵏⴻⵙ (ⵎⴰⴵⵎⵓⵄⴰ) « ⵜⴰⴳⵙ 2015 ». ⵜⴰⵥⵓⵔⵉ-ⴰ ⵏ ⵜⴻⴽⵍⵓⵜ ⵖⴻⴼ ⵢⵉⵖⴻⵔⴱⴰⵏ ⵜⴻⵍⵍⴰ-ⴷ ⴷⴰⵖ ⴰⵎⵣⵓⵏ ⴷ ⴰⴷⵍⵉⵙ ⵏ ⵓⵎⴻⵣⵔⵓⵢ ⵏ ⵢⵉⵎⵓⴽⴰⵏ ⴰⵢⴷⴻⴳ ⵍⵍⴰⵏ.

ⵎⴰ ⴷ ⵙⴰⵎⴰⵔⴰ ⵙⴰⵍⵍⴰⵎ ⵜⴳⴰ-ⴷ ⵜⵉⵡⵍⴰⴼⵉⵏ ⴰⵢ ⴷ-ⵢⴻⵙⵙⴽⴰⵏⴰⵢⴻⵏ ⵛⵛⴱⴰⵃⴰ ⵏ ⵜⴻⵎⴷⴰ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⵓⴱⴻⴷⴷⴻⵍ ⴰⵢ ⵍⴰ ⴷ-ⵢⴻⵜⵜⵉⵍⵉⵏ ⴷⴻⴳ-ⵙ.

ⵜⴰⵍⴽⴻⵏⵙⵉⵜ ⵏ « ⵓⵙⵙⵉⴽⴻⵍ ⴷⴻⴳ ⵜⵎⴰⵛⵉⵏⵜ » ⵉⴳⴰ-ⵜⵜ-ⵉⴷ ⵙⴰⵎⵉⵔ ⴰⴱⵛⵀⵉⵛⵀⴻ ⴷⴻⴳ ⵢⵉⵡⴻⵏ ⵏ ⵓⵙⵙⵉⴽⴻⵍ ⴰⵢ ⵉⴳⴰ ⴷⴻⴳ ⵜⵎⴰⵛⵉⵏⵜ ⴳⴰⵔ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷ ⵡⴻⵀⵕⴰⵏ.

ⵜⴰⵣⵉⴽⴽⴻⵏⵜ-ⴰ ⴰⵢ ⵢⴻⴱⴷⴰⵏ ⴰⵙⵙ ⵏ ⵙⵙⴻⴱⵜ, ⴰⴷ ⵜⴽⴻⵎⵎⴻⵍ ⴰⵔⵎⴰ ⴷ 31 ⵜⵓⴱⴻⵕ.