Asebter amenzawi

Aṭas n yisura idzayriyen ay yuwyen arrazen deg Tfaska n Usaru Aɛṛab n Fameck (Fṛansa)

FAMECK (Fṛansa) – Aṭas n yisura idzayriyen ay yuwyen arraz deg Tfaska tis 27 n Usaru Aɛṛab n Fameck (agafa-agmuḍan n Fṛansa) ay la yettkemmilen ass n lḥedd, ɣef wakken ay aɣ-d-nnan yemsuddsen.

Deg taggayt n « yisura iɣezfanen », d afetraw (wata’iqi) n « Contre-pouvoirs » (2016) n Malek Bensmail ay yuwyen arraz n ufetraw. Ma d imseḍru Hassen Ferhani yuwey « abdar uzzig » ɣef ufetraw-nnes « Dans ma tête au rond-point » (2015).

Asaru awezlan n « Wurti n Warramen » (2016) n Dania Reymond yuwey Arraz Ameqran n yisura iwezlanen. Ma d arraz n wegdud yettunefk i « Good Luck Algeria » (Afud Igerrzen a Lezzayer, 2016), d asaru adzayri-afṛensis n Farid Bentoumi.

Tasmilt n wezraf yesselwi-tt umaru ameṛṛuki Tahar Ben Jelloun, yernu tefka Arraz ameqran n tfaska i usaru n « Clash » (2016), d asaru aɣezfan n yemseḍru amaṣri Mohamed Diab, ay d-ssukken yagi deg Tfaska n Cannes deg 2016.

Arraz n tɣemsa yerbeḥ-it-id usaru aɣezfan n « 3000 n Waḍan » (2015) n temseḍrut tafalesṭinit Mai Masri.

Menɣir isura ay yuwyen arraz, ttekkan daɣ yisura idzayriyen niḍen am « Abrid n Sṭembul » (2015) n Rachid Bouchareb, d « Tikṛuniyin n yeɣrem-inu » (2016) n Karim Traidia. Tella-d daɣ tdabut tubrint ɣef tɣemsa deg Lezzayer d Fṛansa.