ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⴷ ⵜⴰⵣⴻⵏ ⵛⵛⵉⵏⵡⴰ ⴰⵙⵙ ⵏ ⵍⴻⵜⵏⵉⵢⴻⵏ ⵙⵉⵏ ⵏ ⵢⴻⵎⵙⴰⵍⵍⵓⵏⴻⵏ ⵖⴻⵔ ⵜⵏⴰⵔⴻⵎⵜ-ⵏⵏⴻⵙ ⵜⴰⵍⵍⵓⵏⴰⵏⵜ

ⵒⵉⴽⵉⵏ– ⴰⴷ ⵜⴰⵣⴻⵏ ⵛⵛⵉⵏⵡⴰ, ⴰⵙⵙ ⵏ ⵍⴻⵜⵏⵉⵢⴻⵏ, ⵙⵉⵏ ⵏ ⵢⴻⵎⵙⴰⵍⵍⵓⵏⴻⵏ ⴷⴻⴳ ⵓⵖⴻⵔⵔⴰⴱⵓ-ⵏⵏⴻⵙ ⴰⵍⵍⵓⵏⴰⵏ ⵏ ⵙⵀⴻⵏⵣⵀⵧⵓ-11 ⴰⴽⴽⴻⵏ ⴰⴷ ⴷⴷⵓⵏ ⵖⴻⵔ ⵜⵏⴰⵔⴻⵎⵜ-ⵏⵏⴻⵙ (ⵎⴰⵅⴱⴰⵔ) ⴰⵍⵍⵓⵏⴰⵏ ⵡⵉⵙ ⵙⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ-ⵏⵏⴻⵙ ⵏ ⵛⵛⵉⵏⵡⴰ ⵜⴰⵎⴰⵢⵏⵓⵜ.

ⵉⵎⵙⴰⵍⵍⵓⵏⴻⵏ ⵊⵉⵏⴳ ⵀⴰⵉⵒⴻⵏⴳ ⴷ ⵛⵀⴻⵏⴳ ⴷⵧⵏⴳ ⴰⴷ ⵇⴻⵍⵄⴻⵏ ⴰⵙⵙ ⵏ ⵍⴻⵜⵏⵉⵢⴻⵏ ⵙⴻⴳ ⵓⵣⴰⴷⵓⵔ ⵏ ⵓⵛⵉⵔⵉ ⵏ ⵊⵉⵓⵇⵓⴰⵏ, ⴷⴻⴳ ⵓⵏⴻⵥⵔⵓⴼ ⵏ ⴳⵧⴱⵉ (ⴰⴳⴰⴼⴰ-ⵓⵜⵔⵉⵎ).

ⴰⴷ ⵃⵡⵉⵊⴻⵏ 48 ⵏ ⵜⵙⴰⵄⵜⵉⵏ ⴰⴽⴽⴻⵏ ⴰⴷ ⴰⵡⴹⴻⵏ ⵖⴻⵔ ⵜⵏⴰⵔⴻⵎⵜ ⵜⴰⵍⵍⵓⵏⴰⵏⵜ ⵜⵉⵙ ⵙⵏⴰⵜ ⵓⵎⵉ ⵙⴻⵎⵎⴰⵏ ⵜⵉⴰⵏⴳⵧⵏⴳ-2. ⵜⴰⵏⴰⵔⴻⵎⵜ-ⴰ ⴳⴰⵏ-ⵜⵜ-ⵉⴷ ⴰⴽⴽⴻⵏ ⴰⴷ ⴷ-ⵙⵡⴻⵊⴷⴻⵏ ⵢⴻⵙ-ⵙ ⴰⵣⵣⵓⵏ ⵏ ⵜⴻⵖⵙⴻⵔⵜ (ⵎⴰⵃⴰⵟⵟⴰ) ⵜⴰⵍⵍⵓⵏⴰⵏⵜ ⴰⵢⴷⴻⴳ ⴰⵔⴰ ⴷⴷⵔⴻⵏ ⵢⴻⵎⵙⴰⵍⵍⵓⵏⴻⵏ.

ⵙⵉⵏ-ⴰ ⵏ ⵢⴻⵎⵙⴰⵍⵍⵓⵏⴻⵏ ⴰⴷ ⴽⴽⴻⵏ 30 ⵏ ⵡⵓⵙⵙⴰⵏ ⴷⴻⴳ ⵜⴰⵍⵍⵓⵏⵜ ⵓⵇⴱⴻⵍ ⵎⴰ ⵓⵖⴰⵍⴻⵏ-ⴷ ⵖⴻⵔ ⵡⴰⴽⴰⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ ⵏ ⵛⵛⵉⵏⵡⴰ ⵜⴰⵎⴰⵢⵏⵓⵜ.

ⵉⵎⵙⴰⵍⵍⵓⵏⴻⵏ-ⴰ ⴰⵛⵉⵏⵡⴰⵜⴻⵏ ⴰⴷ ⴳⴻⵏ ⵜⵉⵔⵎⵉⵜⵉⵏ ⴷⴻⴳ ⵜⴻⵙⵏⴰⵊⵢⴰ, ⵜⴰⵙⵏⵓⴷⴻⵔⵜ, ⵜⴰⵙⴻⵏⴳⴰⵎⴰ, ⵜⵉⵣⴻⴽⴽⵉⵡⵉⵏ ⵜⵉⴼⵓⴽⴰⵏⵉⵏ ⴷ ⵓⵚⴻⴳⴳⴻⵎ ⵏ ⵢⴻⵙⴳⵓⵍⴰⴼ.

ⴷ ⵜⴰⵔⴻⴷⵙⴰ ⵜⴰⵛⵉⵏⵡⴰⵜ ⴰⵢ ⴷ-ⵢⴻⵍⵀⴰⵏ ⵙ ⵓⵙⵙⴻⵎⵢⵓⴷⴷⴻⵙ (ⵜⴰⵏⵙⵉⵇ) ⵏ ⵡⴰⵀⵉⵍ ⴰⵍⵍⵓⵏⴰⵏ ⴰⵛⵉⵏⵡⴰⵜ ⵢⴻⵔⵏⵓ ⵢⴻⵍⵍⴰ-ⴷ ⵡⴰⵀⵉⵍ-ⴰ ⴷ ⴰⵣⴰⵎⵓⵍ ⵏ ⵍⵊⴻⵀⴷ ⴰⵎⴰⵢⵏⵓ ⵏ ⵜⵎⵓⵔⵜ-ⴰ. ⵜⴻⵙⵙⴻⴼⵜⴰ ⵛⵛⵉⵏⵡⴰ ⵉⵎⴻⵍⵢⴰⵕⴻⵏ ⵏ ⵢⵉⴷⵓⵍⴰⵕⴻⵏ ⴷⴻⴳ ⵡⴰⵀⵉⵍⴻⵏ-ⵏⵏⴻⵙ ⴰⵍⵍⵓⵏⴰⵏⴻⵏ ⴰⴽⴽⴻⵏ ⴰⴷ ⵜⴰⵔⴻⵎ ⴰⴷ ⴷ-ⵜⴻⵇⴹⴻⵄ ⵜⵓⵕⵓⴼⵜ ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ.

ⵜⴻⵖⵙ ⵛⵛⵉⵏⵡⴰ ⴰⴷ ⵜⴻⴱⵏⵓ ⵜⴰⵖⵙⴻⵔⵜ ⵜⴰⵍⵍⵓⵏⴰⵏⵜ ⴷⴻⴳ 2022, ⵢⴻⵔⵏⵓ ⵙⴻⴳ-ⴰ ⴰⵔ ⵉⵎⵉⵔ-ⵏⵏⵉ, ⵜⴰⵖⵙⴻⵔⵜ ⵜⴰⵍⵍⵓⵏⴰⵏⵜ ⵜⴰⴳⵔⴰⵖⵍⴰⵏⵜ ⴰⴷ ⵜⴻⵃⴱⴻⵙ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵍⴰ ⵜⴻⵙⵙⴻⴼⵔⴰⵢ ⵒⵉⴽⵉⵏ ⴰⴷ ⵜⴰⵣⴻⵏ ⴰⵎⴷⴰⵏ ⵖⴻⵔ ⵡⴰⵢⵢⵓⵔ. ⴷⴻⴳ ⴷⵓⵊⴻⵎⴱⴻⵕ ⵏ 2013, ⵜⵓⵣⴻⵏ ⵛⵛⵉⵏⵡⴰ ⵜⴰⵙⴻⵏⵇⴰⴷⵜ ⵛⵀⴰⵏⴳ’ⴻ-3 ⵖⴻⵔ ⵜⴰⵍⵍⵓⵏⵜ, ⵢⴻⵔⵏⵓ ⵜⴻⵙⵙⴻⵔⵙ ⵢⵉⵡⴻⵏ ⵏ ⵡⴻⵎⵙⴻⴷⴷⴰⵢ (ⴷ ⴰⵕⵓⴱⵓⵜ). ⵒⵉⴽⵉⵏ ⵍⴰ ⵜⴻⵙⵙⴻⴼⵔⴰⵢ ⴷⴰⵖ ⴰⴷ ⵜⴰⵣⴻⵏ ⴰⵖⴻⵔⵔⴰⴱⵓ ⴰⵍⵍⵓⵏⴰⵏ ⴰⵔⴰ ⵢⴻⵣⵣⵉⵏ ⵖⴻⴼ ⵎⴻⵖⵔⴻⵙ ⴷⴻⴳ 2020, ⴰⵎ ⵡⴰⴽⴽⴻⵏ ⴰⵔⴰ ⵜⴰⵣⴻⵏ ⴷⴰⵖ ⴰⵕⵓⴱⵓⵜ ⵖⴻⵔ ⴷⵉⵏ.