ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵣⵉ ⵡⴻⵣⵣⵓ : ⵜⵉⵖⵔⵉ ⵉ ⵜⵉⴽⴽⵉⵏ ⴷⴻⴳ ⵜⴻⵥⵔⵉⴳⵜ ⵜⵉⵙ 15 ⵏ ⵜⴼⴰⵙⴽⴰ ⵏ ⵓⵙⴰⵔⵓ ⴰⵎⴰⵣⵉⵖ
ⵜⵉⵣⵉ ⵡⴻⵣⵣⵓ – ⵜⴳⴻⵔ-ⴷ ⵢⵉⵡⴻⵜ ⵏ ⵜⵉⵖⵔⵉ ⵜⵎⴻⵀⵍⴰ ⵏ ⵜⴼⴰⵙⴽⴰ ⵜⴰⴷⴻⵍⵙⴰⵏⵜ ⵜⴰⵖⴻⵍⵏⴰⵡⵜ ⵎⵎ ⵢⴰⵍ ⴰⵙⴻⴳⴳⴰⵙ ⵏ ⵓⵙⴰⵔⵓ ⴰⵎⴰⵣⵉⵖ (ⴼⵛⵏⴰⴼⴰ) ⵉ ⵜⵉⴽⴽⵉⵏ ⴷⴻⴳ ⵜⴻⵥⵔⵉⴳⵜ ⵜⵉⵙ 15 ⵏ ⵜⴼⴰⵙⴽⴰ ⵏ ⵓⵙⴰⵔⵓ ⴰⵎⴰⵣⵉⵖ ⴰⵔⴰ ⴷ-ⵢⴻⴹⵔⵓⵏ ⵙⴻⴳ ⵡⴰⵙⵙ ⵏ 17 ⵖⴻⵔ 22 ⴷⵓⴵⴻⵎⴱⴻⵔ 2016 ⴷⴻⴳ ⵜⵉⵣⵉ ⵡⴻⵣⵣⵓ.
ⵜⵉⴽⴽⵉⵏ ⵜⴻⵍⴷⵉ ⵉ ⵡⴰⴽⴽ ⵉⵏⴼⴰⵔⴰⵙⴻⵏ ⴰⴽⴽⴻⴷ ⵢⵉⵎⵙⴻⴹⵔⵓⵢⴻⵏ ⵏ ⵜⵎⵓⵔⵜ ⵉ ⴷ-ⵢⴻⵙⵙⴻⴹⵔⴰⵏ ⴰⵙⴰⵔⵓ ⵖⴻⵣⴼⴰⵏ, ⴰⵙⴰⵔⵓ ⴰⵡⴻⵣⵣⵍⴰⵏ, ⵉⴼⴻⵜⵔⴰⵡⴻⵏ ⴰⴽⴽⴻⴷ ⵡⵓⵏⵓⵖ ⵢⴻⵜⵜⴻⵎⴱⵉⵡⵉⵍⴻⵏ ⵙ ⵜⵎⴰⵣⵉⵖⵜ, ⵉ ⴷ-ⵏⵏⴰⵏ ⴷⴻⴳ ⵢⵉⵡⴻⵏ ⵏ
ⵉⴽⴰⵔⴰⵎⴻⵏ ⵏ ⵜⵉⴳⴳⴻⵣⵜ ⵉⴷⴻⴳ ⴰⵔⴰ ⵢⵉⵍⵉ ⵓⵙⴻⵏⴼⴰⵔ ⴰⵔⴰ ⵉⵙⴻⴽⵜⴰⵣⴻⵍ ⵓⵙⵇⴰⵎⵓ ⵏ ⵓⴼⵔⴰⵏ ⵏ ⵜⴼⴰⵙⴽⴰ ⵜⴰⴷⴻⵍⵙⴰⵏⵜ ⵜⴰⵖⴻⵍⵏⴰⵡⵜ ⵎⵎ ⵢⴰⵍ ⴰⵙⴻⴳⴳⴰⵙ ⵏ ⵓⵙⴰⵔⵓ ⴰⵎⴰⵣⵉⵖ (ⴼⵛⵏⴰⴼⴰ), ⵢⴻⵙⵙⴻⴼⴽ ⴰⴷ ⵔⵙⴻⵏ ⴷⴻⴳ ⵜⴻⵙⵖⵉⵎⵜ ⵏ ⵜⴼⴰⵙⴽⴰ ⵢⴻⵍⵍⴰⵏ ⴷⴻⴳ ⵓⵅⵅⴰⵎ ⵏ ⵢⵉⴷⵍⴻⵙ ⵍⵎⵓⵍⵓⴷ ⴰⵜ ⵎⵄⴻⵎⵎⴰⵔ, ⵙⴻⵏⴷ ⴰⵙⵙ ⵏ 19 ⵡⴻⵎⴱⴻⵔ ⵉ ⴷ-ⵉⵜⴻⴷⴷⵓⵏ, ⵉ ⴰⵖ-ⴷ-ⵏⵏⴰⵏ.
ⵉⵙⵡⵉ ⵏ ⵜⴻⵥⵔⵉⴳⵜ-ⴰ ⴷ ’’ⴰⵙⴻⵇⵔⴻⴱ ⵏ ⵢⵉⵏⴼⴰⵔⴰⵙⴻⵏ ⵏ ⵢⵉⵙⵓⵔⴰ ⵙ ⵜⵎⴰⵣⵉⵖⵜ ⵖⴻⵔ ⵢⵉⵎⴻⵙⵀⴰⵏⴰⵢⴻⵏ, ⵙ ⵓⵙⴻⵖⵏⴻⵡ ⵏ ⵢⵉⵡⴻⵜ ⵏ ⵜⴰⵍⵍⵉⵜ ⵜⴰⵎⴰⵢⵏⵓⵜ ⵏ ⵓⵎⵢⵉⴳⴻⵔ ⴰⴽⴽⴻⴷ ⵓⵙⴽⴰⵙⵉ ⵖⴻⴼ ⵡⵓⴳⵓⵔⴻⵏ ⵢⴻⵎⴳⴰⵔⴷⴻⵏ ⵢⴻⵔⵣⴰⵏ ⵜⴰⵖⵓⵍⵜ ⵏ ⵙⵙⵉⵏⵉⵎⴰ ⴰⴽⴽⴻⴷ ⵓⵙⴻⴱⵖⴻⵙ ⵉ ⴷ-ⵢⴻⵙⵍⴰⵍ ⵓⵡⴰⵏⴻⴽ ⵉ ⵜⵏⴻⴼⵍⵉⵜ ⴰⴽⴽⴻⴷ ⵓⵙⵎⴰⵍ ⵏ ⵜⵥⵓⵔⵉ ⵜⵉⵙ 7’’, ⵉ ⴰⵖ-ⴷ-ⵙⵙⴻⴳⵣⵉⵏ.
ⴰⴷ ⴼⴽⴻⵏ ⴰⵔⵔⴰⵣⴻⵏ ⴷⴻⴳ ⵜⴰⴳⴳⴰⵔⴰ ⵏ ⵜⴼⴰⵙⴽⴰ ⵉ ⵡⵉⴷ ⴰⵔⴰ ⴷ-ⵢⵉⴼⵔⵉⵔⴻⵏ ⴷⴻⴳ ⵓⵙⴰⵔⵓ ⴰⵖⴻⵣⴼⴰⵏ, ⴷⴻⴳ ⵓⵙⴰⵔⵓ ⴰⵡⴻⵣⵍⴰⵏ, ⴷⴻⴳ ⵓⴼⴻⵜⵔⴰⵡ ⴰⴽⴽⴻⴷ ⵓⵙⴰⵔⵓ ⵏ ⵡⵓⵏⵓⵖⴻⵏ ⵢⴻⵜⵜⴻⵎⴱⵉⵡⵉⵍⴻⵏ, ⴰⴽⴽⴻⴷ ⵡⵉⵏ ⵏ ⵢⵉⵙⴻⴳⴱⴰⵔⴻⵏ ⴰⴽⴽⴻⴷ ⵜⵙⴻⴳⴱⴰⵔⵉⵏ.
ⴰⴷ ⴼⴽⴻⵏ ⴷⴰⵖⴻⵏ ⵢⵉⵡⴻⵏ ⵏ ⵡⴰⵔⵔⴰⵣ ⵉ ⵓⵙⵉⵏⴰⵕⵢⵓ ⵓⴼⵔⵉⵏ ⵢⵓⵔⴰⵏ ⵙ ⵜⵎⴰⵣⵉⵖⵜ, ⵉ ⵔⵏⴰⵏ ⵏⵏⴰⵏ-ⴷ.
