Asebter amenzawi

Tizi Wezzu : tiɣri i tikkin deg teẓrigt tis 15 n tfaska n usaru amaziɣ

TIZI WEZZU – Tger-d yiwet n tiɣri Tmehla n tfaska tadelsant taɣelnawt mm yal aseggas n usaru amaziɣ (FCNAFA) i tikkin deg teẓrigt tis 15 n tfaska n usaru amaziɣ ara d-yeḍrun seg wass n 17 ɣer 22 duǧember 2016 deg Tizi Wezzu.

Tikkin teldi i wakk infarasen akked yimseḍruyen n tmurt i d-yesseḍran asaru ɣezfan, asaru awezzlan, ifetrawen akked wunuɣ yettembiwilen s tmaziɣt, i d-nnan deg yiwen n

Ikaramen n tiggezt ideg ara yili usenfar ara isektazel usqamu n ufran n tfaska tadelsant taɣelnawt mm yal aseggas n usaru amaziɣ (FCNAFA), yessefk ad rsen deg tesɣimt n Tfaska yellan deg uxxam n Yidles Lmulud at Mɛemmar, send ass n 19 wember i d-iteddun, i aɣ-d-nnan.

Iswi n teẓrigt-a d ’’aseqreb n yinfarasen n yisura s tmaziɣt ɣer yimeshanayen, s useɣnew n yiwet n tallit tamaynut n umyiger akked uskasi ɣef wuguren yemgarden yerzan taɣult n ssinima akked usebɣes i d-yeslal Uwanek i tneflit akked usmal n tẓuri tis 7’’, i aɣ-d-ssegzin.

Ad fken arrazen deg taggara n Tfaska i wid ara d-yifriren deg usaru aɣezfan, deg usaru awezlan, deg ufetraw akked usaru n wunuɣen yettembiwilen, akked win n yisegbaren akked tsegbarin.

Ad fken daɣen yiwen n warraz i usinaṛyu ufrin yuran s Tmaziɣt, i rnan nnan-d.