Asebter amenzawi

Iqeddem-d Wegraw Aɣerfan Aɣelnaw acḥal n yisenfaren n leqwanin i tesmilin n tedrimt d tdamsa

LEZZAYER TAMANEɣT– Tga tnarit n Wegraw Aɣerfan Aɣelnw, ass n lḥedd, timlilit ddaw tselwit n Mohamed Larbi Ould Khelifa, aselway n Wegraw, d tin aydeg ay d-tqeddem acḥal isenfaren n lqanun i tesmilin n tedrimt, iweẓla idamsanen, tamguri, tanezzut d wesɣiwes, ɣef wakken ay d-yenna yiwen n welɣu (bayan) n Wegraw.

Tebda-d temlilit-a s uqeddem n usenfar n lqanun n tedrimt n 2017, asenfar n lqanun n weslagan n umarud (mizaniyya), i tesmilt n tedrimt, am wakken ay d-yettwaqeddem usenfar n lqanun ɣef unagraw aɣelnaw n tesnakatt i tesmilt n yiweẓla idamsanen, n temguri, n tnezzut d wesɣiwes.

Tessukk-d tiṭ tnarit ɣef temsalt ay as-d-yettunefken yernu teɣtes ad tefk 53 n tuttriwin yuran d 23 n tuttriwin tinimiyin i unabaḍ (ḥukuma) imi ay ttqadarent ccuruḍ n lqanun. Ssefran ad gen tiɣimit n tuttriwin tinimiyin ass n lexmis 20 Tubeṛ, ɣef wakken ay d-yenna welɣu-a.

Tessekyed daɣ tnarit irmuden d wahilen ara tezrew tesmilt n yiweẓla n wezɣar, ɣef wakken ay tt-id-yextem welɣu-a.