ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵇⴻⴷⴷⴻⵎ-ⴷ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⴰⵛⵃⴰⵍ ⵏ ⵢⵉⵙⴻⵏⴼⴰⵔⴻⵏ ⵏ ⵍⴻⵇⵡⴰⵏⵉⵏ ⵉ ⵜⴻⵙⵎⵉⵍⵉⵏ ⵏ ⵜⴻⴷⵔⵉⵎⵜ ⴷ ⵜⴷⴰⵎⵙⴰ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵜⴳⴰ ⵜⵏⴰⵔⵉⵜ ⵏ ⵡⴻⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⵡ, ⴰⵙⵙ ⵏ ⵍⵃⴻⴷⴷ, ⵜⵉⵎⵍⵉⵍⵉⵜ ⴷⴷⴰⵡ ⵜⵙⴻⵍⵡⵉⵜ ⵏ ⵎⵧⵀⴰⵎⴻⴷ ⵍⴰⵔⴱⵉ ⵧⵓⵍⴷ ⴽⵀⴻⵍⵉⴼⴰ, ⴰⵙⴻⵍⵡⴰⵢ ⵏ ⵡⴻⴳⵔⴰⵡ, ⴷ ⵜⵉⵏ ⴰⵢⴷⴻⴳ ⴰⵢ ⴷ-ⵜⵇⴻⴷⴷⴻⵎ ⴰⵛⵃⴰⵍ ⵉⵙⴻⵏⴼⴰⵔⴻⵏ ⵏ ⵍⵇⴰⵏⵓⵏ ⵉ ⵜⴻⵙⵎⵉⵍⵉⵏ ⵏ ⵜⴻⴷⵔⵉⵎⵜ, ⵉⵡⴻⵥⵍⴰ ⵉⴷⴰⵎⵙⴰⵏⴻⵏ, ⵜⴰⵎⴳⵓⵔⵉ, ⵜⴰⵏⴻⵣⵣⵓⵜ ⴷ ⵡⴻⵙⵖⵉⵡⴻⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵏ ⵡⴻⴳⵔⴰⵡ.

ⵜⴻⴱⴷⴰ-ⴷ ⵜⴻⵎⵍⵉⵍⵉⵜ-ⴰ ⵙ ⵓⵇⴻⴷⴷⴻⵎ ⵏ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵏ ⵜⴻⴷⵔⵉⵎⵜ ⵏ 2017, ⴰⵙⴻⵏⴼⴰⵔ ⵏ ⵍⵇⴰⵏⵓⵏ ⵏ ⵡⴻⵙⵍⴰⴳⴰⵏ ⵏ ⵓⵎⴰⵔⵓⴷ (ⵎⵉⵣⴰⵏⵉⵢⵢⴰ), ⵉ ⵜⴻⵙⵎⵉⵍⵜ ⵏ ⵜⴻⴷⵔⵉⵎⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵜⵜⵡⴰⵇⴻⴷⴷⴻⵎ ⵓⵙⴻⵏⴼⴰⵔ ⵏ ⵍⵇⴰⵏⵓⵏ ⵖⴻⴼ ⵓⵏⴰⴳⵔⴰⵡ ⴰⵖⴻⵍⵏⴰⵡ ⵏ ⵜⴻⵙⵏⴰⴽⴰⵜⵜ ⵉ ⵜⴻⵙⵎⵉⵍⵜ ⵏ ⵢⵉⵡⴻⵥⵍⴰ ⵉⴷⴰⵎⵙⴰⵏⴻⵏ, ⵏ ⵜⴻⵎⴳⵓⵔⵉ, ⵏ ⵜⵏⴻⵣⵣⵓⵜ ⴷ ⵡⴻⵙⵖⵉⵡⴻⵙ.

ⵜⴻⵙⵙⵓⴽⴽ-ⴷ ⵜⵉⵟ ⵜⵏⴰⵔⵉⵜ ⵖⴻⴼ ⵜⴻⵎⵙⴰⵍⵜ ⴰⵢ ⴰⵙ-ⴷ-ⵢⴻⵜⵜⵓⵏⴻⴼⴽⴻⵏ ⵢⴻⵔⵏⵓ ⵜⴻⵖⵜⴻⵙ ⴰⴷ ⵜⴻⴼⴽ 53 ⵏ ⵜⵓⵜⵜⵔⵉⵡⵉⵏ ⵢⵓⵔⴰⵏ ⴷ 23 ⵏ ⵜⵓⵜⵜⵔⵉⵡⵉⵏ ⵜⵉⵏⵉⵎⵉⵢⵉⵏ ⵉ ⵓⵏⴰⴱⴰⴹ (ⵃⵓⴽⵓⵎⴰ) ⵉⵎⵉ ⴰⵢ ⵜⵜⵇⴰⴷⴰⵔⴻⵏⵜ ⵛⵛⵓⵔⵓⴹ ⵏ ⵍⵇⴰⵏⵓⵏ. ⵙⵙⴻⴼⵔⴰⵏ ⴰⴷ ⴳⴻⵏ ⵜⵉⵖⵉⵎⵉⵜ ⵏ ⵜⵓⵜⵜⵔⵉⵡⵉⵏ ⵜⵉⵏⵉⵎⵉⵢⵉⵏ ⴰⵙⵙ ⵏ ⵍⴻⵅⵎⵉⵙ 20 ⵜⵓⴱⴻⵕ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ.

ⵜⴻⵙⵙⴻⴽⵢⴻⴷ ⴷⴰⵖ ⵜⵏⴰⵔⵉⵜ ⵉⵔⵎⵓⴷⴻⵏ ⴷ ⵡⴰⵀⵉⵍⴻⵏ ⴰⵔⴰ ⵜⴻⵣⵔⴻⵡ ⵜⴻⵙⵎⵉⵍⵜ ⵏ ⵢⵉⵡⴻⵥⵍⴰ ⵏ ⵡⴻⵣⵖⴰⵔ, ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⵜⴻⵎ ⵡⴻⵍⵖⵓ-ⴰ.