Asebter amenzawi

Aẓeḍḍa n « Raidate » yenna-d dakken yebɣa ad d-yesfaydi seg ttejṛiba n wemni adzayri

ƐEMMAN– Ttejṛiba n wemni adzayri d tamezwarut deg umaḍal aɛṛab yernu d aya ay yeǧǧan aẓeḍḍa n tsednan tiwamniyin n « Raidate » ad tebɣu ad d-tesfaydi seg waya, ɣef wakken ay dt-tenna, ass n lḥedd deg Ɛemman, tawamnit Ismahane Benqasmia.

Tawamnit-a, ay yettwafernen d tamaslaḍt (ɛuḍwa) deg tnarit taslekmant n uẓeḍḍa-a, ay igan timlilit, ass n ssebt deg Ɛemman, yernu tenna-d dakken « Lezzayer teḥdeṛ deg uẓeḍḍa-a (40 n yimaslaḍen seg snat n texxamin n wemni », am wakken ay d-twekked dakken tiwamniyin tidzayriyin la xeddment akken ad zerɛent ttejṛiba-nsent deg umaḍal aɛṛab.

Iksaben ay d-tḥaz Lezzayer deg wesfulmen n tmeṭṭiut deg tsertit d wemni d ayen ay d-ijebden lwelha n uẓeḍḍa-a yernu yella-d waya d tamudemt (namudaǧ) i weḍfar i lmend n usseɛjel n uttekki n tmeṭṭut deg weɣtas asertan deg umaḍal aɛṛab, ɣef wakken ay d-tenna twamnit-a deg yiwet n tseɣrut (taṣriḥ) i Tnegga n Yisalan n Lezzayer.

Tesmekti-d Massa Benqasmia s yisseḍra (inǧazat) n Lezzayer ddaw ṛṛay n uselway n tegduda, Mass Abdelaziz Bouteflika, i lfayda n tmeṭṭut, s wesbuɣer d trarast n leqwanin ay iḍemnen aḥdaṛ n tmeṭṭut deg tegrawin n weɣtas (qarar) asertan s uceggeṛ n tmenḍawt n 2008 d ussidef n umagrad 31 B ay yessefran asmal n yizerfan isertanen n tmeṭṭut s ussemɣer n uggenses-nnes deg yegrawen iɣelnawen d yidiganen ufrinen.