ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵥⴻⴹⴹⴰ ⵏ « ⵔⴰⵉⴷⴰⵜⴻ » ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⴱⵖⴰ ⴰⴷ ⴷ-ⵢⴻⵙⴼⴰⵢⴷⵉ ⵙⴻⴳ ⵜⵜⴻⵊⵕⵉⴱⴰ ⵏ ⵡⴻⵎⵏⵉ ⴰⴷⵣⴰⵢⵔⵉ
ⵄⴻⵎⵎⴰⵏ– ⵜⵜⴻⵊⵕⵉⴱⴰ ⵏ ⵡⴻⵎⵏⵉ ⴰⴷⵣⴰⵢⵔⵉ ⴷ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵎⴰⴹⴰⵍ ⴰⵄⵕⴰⴱ ⵢⴻⵔⵏⵓ ⴷ ⴰⵢⴰ ⴰⵢ ⵢⴻⴵⴵⴰⵏ ⴰⵥⴻⴹⴹⴰ ⵏ ⵜⵙⴻⴷⵏⴰⵏ ⵜⵉⵡⴰⵎⵏⵉⵢⵉⵏ ⵏ « ⵔⴰⵉⴷⴰⵜⴻ » ⴰⴷ ⵜⴻⴱⵖⵓ ⴰⴷ ⴷ-ⵜⴻⵙⴼⴰⵢⴷⵉ ⵙⴻⴳ ⵡⴰⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷⵜ-ⵜⴻⵏⵏⴰ, ⴰⵙⵙ ⵏ ⵍⵃⴻⴷⴷ ⴷⴻⴳ ⵄⴻⵎⵎⴰⵏ, ⵜⴰⵡⴰⵎⵏⵉⵜ ⵉⵙⵎⴰⵀⴰⵏⴻ ⴱⴻⵏⵇⴰⵙⵎⵉⴰ.
ⵜⴰⵡⴰⵎⵏⵉⵜ-ⴰ, ⴰⵢ ⵢⴻⵜⵜⵡⴰⴼⴻⵔⵏⴻⵏ ⴷ ⵜⴰⵎⴰⵙⵍⴰⴹⵜ (ⵄⵓⴹⵡⴰ) ⴷⴻⴳ ⵜⵏⴰⵔⵉⵜ ⵜⴰⵙⵍⴻⴽⵎⴰⵏⵜ ⵏ ⵓⵥⴻⴹⴹⴰ-ⴰ, ⴰⵢ ⵉⴳⴰⵏ ⵜⵉⵎⵍⵉⵍⵉⵜ, ⴰⵙⵙ ⵏ ⵙⵙⴻⴱⵜ ⴷⴻⴳ ⵄⴻⵎⵎⴰⵏ, ⵢⴻⵔⵏⵓ ⵜⴻⵏⵏⴰ-ⴷ ⴷⴰⴽⴽⴻⵏ « ⵍⴻⵣⵣⴰⵢⴻⵔ ⵜⴻⵃⴷⴻⵕ ⴷⴻⴳ ⵓⵥⴻⴹⴹⴰ-ⴰ (40 ⵏ ⵢⵉⵎⴰⵙⵍⴰⴹⴻⵏ ⵙⴻⴳ ⵙⵏⴰⵜ ⵏ ⵜⴻⵅⵅⴰⵎⵉⵏ ⵏ ⵡⴻⵎⵏⵉ », ⴰⵎ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⴷⴰⴽⴽⴻⵏ ⵜⵉⵡⴰⵎⵏⵉⵢⵉⵏ ⵜⵉⴷⵣⴰⵢⵔⵉⵢⵉⵏ ⵍⴰ ⵅⴻⴷⴷⵎⴻⵏⵜ ⴰⴽⴽⴻⵏ ⴰⴷ ⵣⴻⵔⵄⴻⵏⵜ ⵜⵜⴻⵊⵕⵉⴱⴰ-ⵏⵙⴻⵏⵜ ⴷⴻⴳ ⵓⵎⴰⴹⴰⵍ ⴰⵄⵕⴰⴱ.
ⵉⴽⵙⴰⴱⴻⵏ ⴰⵢ ⴷ-ⵜⵃⴰⵣ ⵍⴻⵣⵣⴰⵢⴻⵔ ⴷⴻⴳ ⵡⴻⵙⴼⵓⵍⵎⴻⵏ ⵏ ⵜⵎⴻⵟⵟⵉⵓⵜ ⴷⴻⴳ ⵜⵙⴻⵔⵜⵉⵜ ⴷ ⵡⴻⵎⵏⵉ ⴷ ⴰⵢⴻⵏ ⴰⵢ ⴷ-ⵉⵊⴻⴱⴷⴻⵏ ⵍⵡⴻⵍⵀⴰ ⵏ ⵓⵥⴻⴹⴹⴰ-ⴰ ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⴷ ⵜⴰⵎⵓⴷⴻⵎⵜ (ⵏⴰⵎⵓⴷⴰⴵ) ⵉ ⵡⴻⴹⴼⴰⵔ ⵉ ⵍⵎⴻⵏⴷ ⵏ ⵓⵙⵙⴻⵄⵊⴻⵍ ⵏ ⵓⵜⵜⴻⴽⴽⵉ ⵏ ⵜⵎⴻⵟⵟⵓⵜ ⴷⴻⴳ ⵡⴻⵖⵜⴰⵙ ⴰⵙⴻⵔⵜⴰⵏ ⴷⴻⴳ ⵓⵎⴰⴹⴰⵍ ⴰⵄⵕⴰⴱ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵡⴰⵎⵏⵉⵜ-ⴰ ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ.
ⵜⴻⵙⵎⴻⴽⵜⵉ-ⴷ ⵎⴰⵙⵙⴰ ⴱⴻⵏⵇⴰⵙⵎⵉⴰ ⵙ ⵢⵉⵙⵙⴻⴹⵔⴰ (ⵉⵏⴵⴰⵣⴰⵜ) ⵏ ⵍⴻⵣⵣⴰⵢⴻⵔ ⴷⴷⴰⵡ ⵕⵕⴰⵢ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵎⴰⵙⵙ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵉ ⵍⴼⴰⵢⴷⴰ ⵏ ⵜⵎⴻⵟⵟⵓⵜ, ⵙ ⵡⴻⵙⴱⵓⵖⴻⵔ ⴷ ⵜⵔⴰⵔⴰⵙⵜ ⵏ ⵍⴻⵇⵡⴰⵏⵉⵏ ⴰⵢ ⵉⴹⴻⵎⵏⴻⵏ ⴰⵃⴷⴰⵕ ⵏ ⵜⵎⴻⵟⵟⵓⵜ ⴷⴻⴳ ⵜⴻⴳⵔⴰⵡⵉⵏ ⵏ ⵡⴻⵖⵜⴰⵙ (ⵇⴰⵔⴰⵔ) ⴰⵙⴻⵔⵜⴰⵏ ⵙ ⵓⵛⴻⴳⴳⴻⵕ ⵏ ⵜⵎⴻⵏⴹⴰⵡⵜ ⵏ 2008 ⴷ ⵓⵙⵙⵉⴷⴻⴼ ⵏ ⵓⵎⴰⴳⵔⴰⴷ 31 ⴱ ⴰⵢ ⵢⴻⵙⵙⴻⴼⵔⴰⵏ ⴰⵙⵎⴰⵍ ⵏ ⵢⵉⵣⴻⵔⴼⴰⵏ ⵉⵙⴻⵔⵜⴰⵏⴻⵏ ⵏ ⵜⵎⴻⵟⵟⵓⵜ ⵙ ⵓⵙⵙⴻⵎⵖⴻⵔ ⵏ ⵓⴳⴳⴻⵏⵙⴻⵙ-ⵏⵏⴻⵙ ⴷⴻⴳ ⵢⴻⴳⵔⴰⵡⴻⵏ ⵉⵖⴻⵍⵏⴰⵡⴻⵏ ⴷ ⵢⵉⴷⵉⴳⴰⵏⴻⵏ ⵓⴼⵔⵉⵏⴻⵏ.
