ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵎⴻⵔⵏⵉⵡⵜ ⴷⴻⴳ ⵍⴻⵃⴽⴻⵕ ⵏ ⵓⵙⴻⵎⵎⴰⴷ ⵏ ⵜⵓⵞⵞⵉⵜ ⴷ ⵙⵙⴻⴱⴱⴰ ⴷⴻⴳ ⵓⵔⴻⴽⴽⵓ ⵏ ⵡⴻⴽⵙⵓⵎ ⵏ ⵡⴰⴽⵔⴰⵔⴻⵏ ⵏ ⵍⵄⵉⴷ
ⵇⵙⴻⵏⵟⵉⵏⴰ – ⴰⵃⵜⴰⵛ ⴰⵢ ⴷ-ⵢⴻⵍⵍⴰⵏ ⵖⴻⴼ ⵓⵔⴻⴽⴽⵓ ⵏ ⵡⴻⴽⵙⵓⵎ ⵏ ⵡⴰⴽⵔⴰⵔⴻⵏ ⵏ ⵍⵄⵉⴷ ⵢⴻⴽⵛⴻⴼ-ⴷ ⴷⴰⴽⴽⴻⵏ ⴷ ⵜⵉⵎⴻⵔⵏⵉⵡⵜ ⴷⴻⴳ ⵍⴻⵃⴽⴻⵕ ⵏ ⵢⵉⵙⴻⵎⵎⴰⴷⴻⵏ ⵏ ⵜⵓⵞⵞⵉⵜ ⵉ ⵍⵎⴰⵍ ⴰⵢ ⵢⴻⵙⵙⴰⵡⴹⴻⵏ ⵖⴻⵔ ⵡⴰⵢⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⴷⴻⴳ ⵇⵙⴻⵏⵟⵉⵏⴰ, ⵓⵏⴻⵖⵍⴰⴼ ⵏ ⵜⴽⴻⵔⵔⴰⵣⵜ, ⴰⴱⴷⴻⵙⵍⴰⵎ ⵛⵀⴻⵍⴳⵀⵧⵓⵎ.
ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵊⵉⴼⴻⵕ ⵏ ⵜⴼⵓⴳⵍⴰ (ⵃⴰⵍⴼ) ⵏ ⵡⴰⵙⵙ ⴰⵏⵎⴰⴹⴰⵍ ⵏ ⵜⵓⵞⵞⵉⵜ ⴷⴻⴳ ⵡⴻⵅⵅⴰⵎ ⵏ ⵢⴻⴷⵍⴻⵙ ⵏ ⵎⴰⵍⴻⴽ-ⵀⴰⴷⴷⴰⴷ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⴽⴽ ⵉⴳⵎⴰⴹ ⵏ ⵜⴻⵙⵍⴰⴹ (ⵜⴰⵃⴰⵍⵉⵍ) ⴰⵢ ⴷ-ⵉⴱⴰⵏⴻⵏ ⴰⵔ ⴰⵙⵙ-ⴰ ⵖⴻⴼ ⵓⵔⴻⴽⴽⵓ ⵏ ⵡⴻⴽⵙⵓⵎ ⵏ ⵡⴰⴽⵔⴰⵔⴻⵏ ⵏ ⵍⵄⵉⴷ, ⵍⴰⴷⵖⴰ ⵜⵉⵙⵍⴰⴹ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⵏⴰⵔⴻⵎⵜ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⴷ ⵜⵏⴰⵔⴻⵎⵜ ⵜⴰⵍⴻⵎⵎⴰⵙⵜ ⵏ ⵜⴻⵙⵏⴰⵊⵢⴰ ⵏ ⵢⵉⵖⴻⵔⵙⵉⵡⴻⵏ, ⴽⴻⵛⴼⴻⵏⵜ-ⴷ ⵜⵉⵎⴻⵔⵏⵉⵡⵜ ⴷⴻⴳ ⵍⴻⵃⴽⴻⵕ ⵏ ⵢⵉⵙⴻⵎⵎⴰⴷⴻⵏ ⵏ ⵜⵓⵞⵞⵉⵜ ⴷⴻⴳ ⵡⴻⵎⵄⵉⵛ ⵏ ⵍⵎⴰⵍ.
ⵢⴻⵏⵏⴰ-ⴷ ⴷⴰⵖ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵢⴰ ⵓⵔ ⵢⴻⵙⵄⵉ ⴽⵔⴰ ⵏ ⵍⵎⴰⴹⴻⵔⵔⴰ ⵖⴻⴼ ⵜⴷⴰⵡⵙⴰ (ⵚⵉⵃⵃⴰ) ⵏ ⵡⴻⵎⴷⴰⵏ, ⴷ ⴰⵛⵓ ⴽⴰⵏ, ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵉⵎⴳⴰⴱⵕⵉⵢⴻⵏ ⵏ ⵙⵙⵓⵇ ⵏ ⵍⵎⴰⵍ « ⵓⵔ ⵜⵜⴽⵓⴽⵔⵓⵏ ⴰⴷ ⵙⵇⴻⴷⵛⴻⵏ ⵜⵉⵜⵡⵉⵍⵉⵏ (ⵜⵉⵇⵏⵉⵢⵢⴰⵜ) ⵓⵔ ⵢⴻⵚⴼⵉⵏ ⵉ ⵓⵙⵙⵓⵣⴻⵔ » ⵏ ⵢⵉⵖⴻⵔⵙⵉⵡⴻⵏ.
ⴷⵉⵎⴰ ⴰⵙⵙ-ⵏⵏⵉ, ⴼⴽⴰⵏ ⵢⵉⵏⴻⵖⵍⴰⴼⴻⵏ ⵏ ⵜⴽⴻⵔⵔⴰⵣⵜ, ⴰⴱⴷⴻⵙⵍⴰⵎ ⵛⵀⴻⵍⴳⵀⵧⵓⵎ, ⴷ ⵜⵡⴻⵏⵏⴰⴹⵜ, ⴰⴱⴷⴻⵍⴽⴰⴷⴻⵔ ⵧⵓⴰⵍⵉ, ⵍⴰⵎⴻⵕ ⵓⵏⵚⵉⴱ ⵉ ⵓⴱⴻⴷⴷⵓ ⵏ ⵜⵃⴻⵎⵍⴰ ⵜⴰⵖⴻⵍⵏⴰⵡⵜ ⵏ ⵡⴻⴽⵔⴰⵣ ⴷ ⵡⴻⵣⵔⴰⵄ ⵉ ⵜⵙⴻⵎⵀⵓⵢⵜ (ⵎⴰⵡⵙⵉⵎ) ⵏ 2016-2017, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⴷⴻⴳ ⵢⵉⵡⴻⵜ ⵏ ⵍⴼⵉⵔⵎⴰ ⴷⴻⴳ ⵜⵖⵉⵡⴰⵏⵜ ⵏ ⵄⵉⵎ ⵙⵙⵎⴰⵕⴰ.
ⵢⴻⵏⵏⴰ-ⴷ ⵎⴰⵙⵙ ⵛⵀⴻⵍⴳⵀⵧⵓⵎ ⴷⴰⴽⴽⴻⵏ ⴰⴽⴽ ⵜⵜⴰⵡⵉⵍⴰⵜ ⵉⵍⵙⴰⵏⴻⵏ ⴷ ⵢⵉⵍⵓⵊⵉⵙⵜⵉⵢⴻⵏ ⵜⵜⵡⴰⵙⴱⴻⴳⵙⴻⵏ-ⴷ ⵉ ⵡⴻⴹⵎⴰⵏ ⵏ « ⵔⵔⴱⴻⵃ ⵓⵎⵎⵉⴷ » ⵏ ⵜⵃⴻⵎⵍⴰ-ⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⵙⴱⴻⴷⴷⴻⵏ-ⴷ ⴰⵏⴰⴳⵔⴰⵡ ⵏ ⵡⴻⴹⴼⴰⵔ ⵏ ⵜⵙⴻⵎⵀⵓⵢⵜ-ⴰ ⵜⴰⵏⴽⴻⵔⵔⴰⵣⵜ ⵢⴻⵔⵏⵓ ⴰⴷ ⵢⵉⵍⵉ ⵓⵏⴰⴳⵔⴰⵡ-ⴰ ⵢⴻⵡⵊⴻⴷ ⴰⴷ ⴷ-ⵉⴳⴻⵔ ⵉⵎⴰⵏ-ⵏⵏⴻⵙ ⵍⴻⵎⵎⴻⵔ ⴰⴷ ⴷ-ⵜⵉⵍⵉ ⵜⴰⴽⴻⵡⵜ ⵜⴰⵖⴻⵣⴼⴰⵏⵜ, ⵉ ⵍⵎⴻⵏⴷ ⵏ ⵡⴻⵃⵔⴰⵣ ⵏ ⵓⴼⴰⵔⴻⵙ (ⵉⵏⵜⴰⴵ).
