Asebter amenzawi

Timerniwt deg leḥkeṛ n usemmad n tuččit d ssebba deg urekku n weksum n wakraren n lɛid

QSENṬINA – Aḥtac ay d-yellan ɣef urekku n weksum n wakraren n lɛid yekcef-d dakken d timerniwt deg leḥkeṛ n yisemmaden n tuččit i lmal ay yessawḍen ɣer waya, ɣef wakken ay d-yenna ass n lḥedd deg Qsenṭina, uneɣlaf n tkerrazt, Abdeslam Chelghoum.

Deg yiwen n usarag n tɣemsa ay d-yellan deg yijifeṛ n tfugla (ḥalf) n wass anmaḍal n tuččit deg wexxam n yedles n Malek-Haddad, yenna-d uneɣlaf dakken akk igmaḍ n teslaḍ (taḥalil) ay d-ibanen ar ass-a ɣef urekku n weksum n wakraren n lɛid, ladɣa tislaḍ ay d-yellan deg tnaremt n temsetla taɣelnawt d tnaremt talemmast n tesnajya n yiɣersiwen, kecfent-d timerniwt deg leḥkeṛ n yisemmaden n tuččit deg wemɛic n lmal.

Yenna-d daɣ uneɣlaf dakken aya ur yesɛi kra n lmaḍerra ɣef tdawsa (ṣiḥḥa) n wemdan, d acu kan, yenna-d daɣ dakken imgabṛiyen n ssuq n lmal « ur ttkukrun ad sqedcen titwilin (tiqniyyat) ur yeṣfin i ussuzer » n yiɣersiwen.

Dima ass-nni, fkan yineɣlafen n tkerrazt, Abdeslam Chelghoum, d twennaḍt, Abdelkader Ouali, lameṛ unṣib i ubeddu n tḥemla taɣelnawt n wekraz d wezraɛ i tsemhuyt (mawsim) n 2016-2017, yernu yella-d waya deg yiwet n lfirma deg tɣiwant n Ɛim Ssmaṛa.

Yenna-d Mass Chelghoum dakken akk ttawilat ilsanen d yilujistiyen ttwasbegsen-d i weḍman n « rrbeḥ ummid » n tḥemla-a, am wakken ay d-yerna dakken sbedden-d anagraw n weḍfar n tsemhuyt-a tankerrazt yernu ad yili unagraw-a yewjed ad d-iger iman-nnes lemmer ad d-tili takewt taɣezfant, i lmend n weḥraz n ufares (intaǧ).