Asebter amenzawi

Yessefk ad yettwassejhed dduṛ n tmeṭṭut n tmurt deg unnefli adigan (taneɣlaft)

SIDI BELƐEBBAS – Tenna-d tneɣlaft n temsetlelt (taḍamun) taɣelnawt, Massa Mounia Meslem, ass n lḥedd deg Sidi Belɛebbas, dakken yessefk ad yettwassejhed dduṛ n tmeṭṭut n tmurt i lmend n uttekki-nnes deg unnefli (tanmiya) adigan d unewweɛ n tdamsa.

Twekked-d tneɣlaft, deg yiwen n wemyager d tɣemsa ay d-yellan deg yijifeṛ n terzi n uxeddim ɣef twilayt n Sidi Belɛebbas, dakken ad d-yebdu wahil d ameqran i ussejhed n dduṛ n tmeṭṭut n tmurt i uttekki-nnes deg uwehhi amaynu n tdamsa taɣelnawt.

Yessewjed-d uwanak (dawla) akk ttawilat d leqwanin i weḥraz n nnfeɛ n tmeṭṭut n tmurt, assejhed n dduṛ-nnes deg tmetti, asselhu n tudert-nnes deg weḍfar-nnes deg yinurar yemgerraden.

Dɣa deg temsalt-a, tebder-d tneɣlaft ahilen n uɛawen n tmeṭṭut n tmurt deg tkerrazt d ussileɣ (takwin).