ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⵊⵀⴻⴷ ⴷⴷⵓⵕ ⵏ ⵜⵎⴻⵟⵟⵓⵜ ⵏ ⵜⵎⵓⵔⵜ ⴷⴻⴳ ⵓⵏⵏⴻⴼⵍⵉ ⴰⴷⵉⴳⴰⵏ (ⵜⴰⵏⴻⵖⵍⴰⴼⵜ)
ⵙⵉⴷⵉ ⴱⴻⵍⵄⴻⴱⴱⴰⵙ – ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵜⴻⵎⵙⴻⵜⵍⴻⵍⵜ (ⵜⴰⴹⴰⵎⵓⵏ) ⵜⴰⵖⴻⵍⵏⴰⵡⵜ, ⵎⴰⵙⵙⴰ ⵎⵧⵓⵏⵉⴰ ⵎⴻⵙⵍⴻⵎ, ⴰⵙⵙ ⵏ ⵍⵃⴻⴷⴷ ⴷⴻⴳ ⵙⵉⴷⵉ ⴱⴻⵍⵄⴻⴱⴱⴰⵙ, ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵢⴻⵜⵜⵡⴰⵙⵙⴻⵊⵀⴻⴷ ⴷⴷⵓⵕ ⵏ ⵜⵎⴻⵟⵟⵓⵜ ⵏ ⵜⵎⵓⵔⵜ ⵉ ⵍⵎⴻⵏⴷ ⵏ ⵓⵜⵜⴻⴽⴽⵉ-ⵏⵏⴻⵙ ⴷⴻⴳ ⵓⵏⵏⴻⴼⵍⵉ (ⵜⴰⵏⵎⵉⵢⴰ) ⴰⴷⵉⴳⴰⵏ ⴷ ⵓⵏⴻⵡⵡⴻⵄ ⵏ ⵜⴷⴰⵎⵙⴰ.
ⵜⵡⴻⴽⴽⴻⴷ-ⴷ ⵜⵏⴻⵖⵍⴰⴼⵜ, ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴷ ⵜⵖⴻⵎⵙⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵊⵉⴼⴻⵕ ⵏ ⵜⴻⵔⵣⵉ ⵏ ⵓⵅⴻⴷⴷⵉⵎ ⵖⴻⴼ ⵜⵡⵉⵍⴰⵢⵜ ⵏ ⵙⵉⴷⵉ ⴱⴻⵍⵄⴻⴱⴱⴰⵙ, ⴷⴰⴽⴽⴻⵏ ⴰⴷ ⴷ-ⵢⴻⴱⴷⵓ ⵡⴰⵀⵉⵍ ⴷ ⴰⵎⴻⵇⵔⴰⵏ ⵉ ⵓⵙⵙⴻⵊⵀⴻⴷ ⵏ ⴷⴷⵓⵕ ⵏ ⵜⵎⴻⵟⵟⵓⵜ ⵏ ⵜⵎⵓⵔⵜ ⵉ ⵓⵜⵜⴻⴽⴽⵉ-ⵏⵏⴻⵙ ⴷⴻⴳ ⵓⵡⴻⵀⵀⵉ ⴰⵎⴰⵢⵏⵓ ⵏ ⵜⴷⴰⵎⵙⴰ ⵜⴰⵖⴻⵍⵏⴰⵡⵜ.
ⵢⴻⵙⵙⴻⵡⵊⴻⴷ-ⴷ ⵓⵡⴰⵏⴰⴽ (ⴷⴰⵡⵍⴰ) ⴰⴽⴽ ⵜⵜⴰⵡⵉⵍⴰⵜ ⴷ ⵍⴻⵇⵡⴰⵏⵉⵏ ⵉ ⵡⴻⵃⵔⴰⵣ ⵏ ⵏⵏⴼⴻⵄ ⵏ ⵜⵎⴻⵟⵟⵓⵜ ⵏ ⵜⵎⵓⵔⵜ, ⴰⵙⵙⴻⵊⵀⴻⴷ ⵏ ⴷⴷⵓⵕ-ⵏⵏⴻⵙ ⴷⴻⴳ ⵜⵎⴻⵜⵜⵉ, ⴰⵙⵙⴻⵍⵀⵓ ⵏ ⵜⵓⴷⴻⵔⵜ-ⵏⵏⴻⵙ ⴷⴻⴳ ⵡⴻⴹⴼⴰⵔ-ⵏⵏⴻⵙ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ.
ⴷⵖⴰ ⴷⴻⴳ ⵜⴻⵎⵙⴰⵍⵜ-ⴰ, ⵜⴻⴱⴷⴻⵔ-ⴷ ⵜⵏⴻⵖⵍⴰⴼⵜ ⴰⵀⵉⵍⴻⵏ ⵏ ⵓⵄⴰⵡⴻⵏ ⵏ ⵜⵎⴻⵟⵟⵓⵜ ⵏ ⵜⵎⵓⵔⵜ ⴷⴻⴳ ⵜⴽⴻⵔⵔⴰⵣⵜ ⴷ ⵓⵙⵙⵉⵍⴻⵖ (ⵜⴰⴽⵡⵉⵏ).
