ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵔⵎⵓⴷⴻⵏ ⵏ ⵜⴻⵎⴽⴰⵔⴹⵉⵢⵉⵏ ⵜⵉⵏⴰⴳⴷⵓⴷⵉⵏ ⴷ ⵢⵉⵎⴻⵣⴳⵓⵏⴻⵏ ⵉⵎⵏⴰⴹⴰⵏⴻⵏ ⵅⵓⵚⵚⴻⵏ (ⴰⵏⴻⵖⵍⴰⴼ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⴻⴷⵍⴻⵙ ⴷⴰⴽⴽⴻⵏ ⵓⵔ ⴰⵙ-ⵢⴻⵄⵊⵉⴱ ⵡⴻⵔⵎⵓⴷ (ⵏⴰⵛⴰⵟ) ⵏ ⵜⴻⵎⴽⴰⵔⴹⵉⵢⵉⵏ ⵜⵉⵏⴰⴳⴷⵓⴷⵉⵏ ⴷ ⵢⵉⵎⴻⵣⴳⵓⵏⴻⵏ ⵉⵎⵏⴰⴹⴰⵏⴻⵏ ⴰⵢ ⵢⴻⵙⵙⴻⴼⴽⴻⵏ ⴰⴷ ⵉⵍⵉⵏ ⵔⴻⵥⵎⴻⵏ ⵓⴳⴰⵔ ⵖⴻⴼ ⵜⵡⴻⵏⵏⴰⴹⵜ ⵜⵓⴼⴼⵉⵖⵜ ⵢⴻⵔⵏⵓ ⴰⴷ ⵙⵙⴻⵎⵢⵓⴷⴷⵙⴻⵏ ⵉⵔⵎⵓⴷⴻⵏ-ⵏⵙⴻⵏ ⴷ ⵡⵉⴷ ⵏ ⵢⴻⵖⵙⵓⵔⴻⵏ ⵉⴷⴻⵍⵙⴰⵏⴻⵏ, ⵉⵙⴻⴳⵎⴰⵏⴻⵏ, ⵉⵥⵓⵔⴰⵏⴻⵏ ⴷ ⵡⵉⴷ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ.
ⵎⴰⵙⵙ ⵎⵉⵀⵧⵓⴱⵉ ⴰⵢ ⵢⴻⵙⵙⴻⵍⵡⵉⵏ ⵜⵉⵖⵉⵎⵉⵜ ⵏ ⵓⵎⴰⵀⵉⵍ ⴷ ⵢⵉⵏⴻⵎⵀⴰⵍⴻⵏ ⵏ ⵜⴻⵎⴽⴰⵔⴹⵉⵢⵉⵏ ⴷ ⵢⵉⵎⴻⵣⴳⵓⵏⴻⵏ, ⵢⴻⵏⵏⴰ-ⴷ ⴷⴰⴽⴽⴻⵏ ⵉⵖⵙⵓⵔⴻⵏ-ⴰ ⵢⴻⵙⵙⴻⴼⴽ ⴰⴷ ⵔⴻⵥⵎⴻⵏ ⵖⴻⴼ ⵜⵡⴻⵏⵏⴰⴹⵜ ⵜⴰⵏⵎⴻⵜⵜⵉⵜ ⵢⴻⵔⵏⵓ ⴰⴷ ⵜⵜⴳⴻⵏ ⵉⵣⵡⵓⵔⴻⵏ (ⵎⵓⴱⴰⴷⴰⵔⴰⵜ) ⵉ ⵡⴻⵣⵔⴰⵄ ⵏ ⵢⴻⴷⵍⴻⵙ ⴷⴻⴳ ⵜⵎⴻⵜⵜⵉ.
ⵢⴻⵙⵃⴰⵙⵙⴻⴼ ⵉⵎⵉ ⴰⵍⴰ 70.000 ⵏ ⵢⴻⵎⴷⴰⵏⴻⵏ ⴰⵢ ⵢⴻⵙⵙⴰⴳⴳⵣⴻⵏ ⵉⵎⴰⵏ-ⵏⵙⴻⵏ ⴷⴻⴳ 600 ⵏ ⵜⴻⵎⴽⴰⵔⴹⵉⵢⵉⵏ ⵜⵉⵏⴰⴳⴷⵓⴷⵉⵏ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⴰⵎⴹⴰⵏ-ⴰ ⵉⵅⵓⵚⵚ ⴰⵟⴰⵙ.
ⵉⵅⴻⴱⴱⴻⵔ-ⴷ ⵓⵏⴻⵖⵍⴰⴼ ⵏ ⵢⴻⴷⵍⴻⵙ ⴷⴰⴽⴽⴻⵏ ⵜⵉⵎⴽⴰⵔⴹⵉⵢⵉⵏ-ⴰ ⵙⵄⴰⵏⵜ ⴰⵣⴰⵍ ⵏ 2 ⵏ ⵢⵉⵎⴻⵍⵢⵓⵏⴻⵏ ⵏ ⵢⴻⴷⵍⵉⵙⴻⵏ, ⵎⴰⵛⴰ ⵢⴻⵙⵃⴰⵙⵙⴻⴼ ⵉⵎⵉ ⴰⵜⵜⴻⴽⴽⵉ ⵏ ⵓⵖⴰⵔⵉⵎ (ⵎⵓⵡⴰⵟⵉⵏ) ⵢⵓⵡⴻⴹ ⴽⴰⵏ ⵖⴻⵔ 0,05% ⵢⴻⵔⵏⵓ ⵓⵔ ⴷ-ⵢⴻⵜⵜⴰⴽⴼ ⵜⵓⴳⵏⴰ ⵢⴻⵍⵀⴰⵏ ⵉ ⵜⵖⵓⵔⵉ.
ⵢⴻⵙⵙⴻⴼⴽ ⴰⴷ ⴰⵍⵙⴻⵏⵜ ⵜⴻⵎⴽⴰⵔⴹⵉⵢⵉⵏ ⵜⴰⵎⵓⵖⵍⵉ ⴷⴻⴳ ⵜⵓⵖⴷⴰⴹⵜ-ⵏⵙⴻⵏⵜ (ⵎⵓⵀⵉⵎⵎⴰ) ⵢⴻⵔⵏⵓ ⴰⴷ ⵔⴻⵥⵎⴻⵏⵜ ⵜⵉⵡⵡⵓⵔⴰ-ⵏⵙⴻⵏⵜ ⵖⴻⴼ ⵜⴰⵍⵍⵓⵏⵜ ⵜⴰⵙⴻⴳⵎⴰⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⵎⵉⵀⵧⵓⴱⵉ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⵙⵄⵓⵏ ⵢⵉⴱⴰⵍⵎⵓⴷⴻⵏ ⵜⵉⴽⴰⵔⴹⵉⵡⵉⵏ ⵏ ⵓⵜⵜⴻⴽⴽⵉ ⴱⴰⵟⴻⵍ ⴷⴻⴳ ⵜⴻⵎⴽⴰⵔⴹⵉⵢⵉⵏ ⴰⵎ ⵡⴰⴽⴽⴻⵏ ⴰⵔⴰ ⵜⵉⵍⵉ ⵜⵙⵓⴷⴷⴻⵙⵜ (ⵉⵙⵜⵔⴰⵜⵉⴵⵉⵢⵢⴰ) ⵜⴰⵎⴻⵍⵍⵉⵍⵜ ⵉ ⵡⴻⵊⴱⴰⴷ ⵏ ⵢⵉⵎⴻⵖⵔⵉⵢⴻⵏ ⵖⴻⵔ ⵜⴻⵎⴽⴰⵔⴹⵉⵢⵉⵏ. Ɣⴻⴼ ⵓⵎⴻⴷⵢⴰ, ⵢⴻⵙⵙⵓⵎⴻⵔ-ⴷ ⴰⴷ ⵙⵄⵓⵏⵜ ⵜⴻⵎⴽⴰⵔⴹⵉⵢⵉⵏ ⵉⴷⴻⴳⴳⴻⵏ ⵏ ⵉⵏⵜⴻⵔⵏⴻⵜ ⴰⵎ ⵡⴰⴽⴽⴻⵏ ⴰⵔⴰ ⴷ-ⵏⴰⴷⵉⵏⵜ ⵖⴻⴼ ⵜⵜⴰⵡⵉⵍⴰⵜ ⴰⵢⵢⴻⵙ ⴰⵔⴰ ⴷ-ⵔⴻⴱⵃⴻⵏⵜ ⵉⴷⵔⵉⵎⴻⵏ ⵉ ⵓⵇⴰⴱⴻⵍ ⵏ ⵓⵎⴻⵚⵔⵓⴼ-ⵏⵙⴻⵏⵜ.
