Asebter amenzawi

Asunded n ussegmi: aktamur n weḍfar yuweḍ ɣer 24% n weḍfar

LEZZAYER TAMANEɣT– Yenna-d weɣlif n ussegmi aɣelnaw, ass n ttlata, dakken aktamur (nisba) n weḍfar n usunded umi d-tger tiɣri tegrawt n yenmula ifulmanen tuweḍ ɣer 24% deg weḥric n ussegmi, ɣef wakken ay aɣ-d-yenna umaswaḍ amatu n weɣlif n ussegmi, Messeguem Nedjadi.

Asunded-a gren-d tiɣri ɣer-s 13 n yenmula (naqabat) ifulmanen n yixeddamen ay ixeddmen deg twuri (waḍif) tanagdudt. Aktamur-a amaynu tella-d deg-s tmerniwt n 3% deg uttekki ɣef leḥsab n wass amezwaru, ɣef wakken ay d-yenna Mass Nedjadi.

Amazday-a n yenmula iwekked-d dakken afmiḍi n uttekki deg usunded yuweḍ ɣer 76,30% deg tfekkiwin yemgerraden n ussegmi aɣelnaw.

Iger-d umazday-a tiɣri i usunded ussan n 17 d 18 Tubeṛ, yernu la yessefray ad yales ad yeg asunded niḍen n uccetki ussan n 24 d 25 Tubeṛ, ɣef leḥsab n yiwen n welɣu ucrik.

Inmula-a ifulmanen la d-ssuturen abṭal n usenfar amaynu ay yerzan tastaɣt (taqaɛud) d weḥraz n testaɣt taẓunant (nisbiyya) ay d-yellan seg 1997, attekki-nsen deg uheyyi n lqanun n uxeddim amaynu d weḥraz n tezmert n tmesɣiwt n yiɣermanen, ladɣa wid ay yettaɣen ticehṛiyin ixuṣṣen.