ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵓⵏⴷⴻⴷ ⵏ ⵓⵙⵙⴻⴳⵎⵉ: ⴰⴽⵜⴰⵎⵓⵔ ⵏ ⵡⴻⴹⴼⴰⵔ ⵢⵓⵡⴻⴹ ⵖⴻⵔ 24% ⵏ ⵡⴻⴹⴼⴰⵔ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵢⴻⵏⵏⴰ-ⴷ ⵡⴻⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⴰⵙⵙ ⵏ ⵜⵜⵍⴰⵜⴰ, ⴷⴰⴽⴽⴻⵏ ⴰⴽⵜⴰⵎⵓⵔ (ⵏⵉⵙⴱⴰ) ⵏ ⵡⴻⴹⴼⴰⵔ ⵏ ⵓⵙⵓⵏⴷⴻⴷ ⵓⵎⵉ ⴷ-ⵜⴳⴻⵔ ⵜⵉⵖⵔⵉ ⵜⴻⴳⵔⴰⵡⵜ ⵏ ⵢⴻⵏⵎⵓⵍⴰ ⵉⴼⵓⵍⵎⴰⵏⴻⵏ ⵜⵓⵡⴻⴹ ⵖⴻⵔ 24% ⴷⴻⴳ ⵡⴻⵃⵔⵉⵛ ⵏ ⵓⵙⵙⴻⴳⵎⵉ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵎⴰⵙⵡⴰⴹ ⴰⵎⴰⵜⵓ ⵏ ⵡⴻⵖⵍⵉⴼ ⵏ ⵓⵙⵙⴻⴳⵎⵉ, ⵎⴻⵙⵙⴻⴳⵓⴻⵎ ⵏⴻⴷⵊⴰⴷⵉ.

ⴰⵙⵓⵏⴷⴻⴷ-ⴰ ⴳⵔⴻⵏ-ⴷ ⵜⵉⵖⵔⵉ ⵖⴻⵔ-ⵙ 13 ⵏ ⵢⴻⵏⵎⵓⵍⴰ (ⵏⴰⵇⴰⴱⴰⵜ) ⵉⴼⵓⵍⵎⴰⵏⴻⵏ ⵏ ⵢⵉⵅⴻⴷⴷⴰⵎⴻⵏ ⴰⵢ ⵉⵅⴻⴷⴷⵎⴻⵏ ⴷⴻⴳ ⵜⵡⵓⵔⵉ (ⵡⴰⴹⵉⴼ) ⵜⴰⵏⴰⴳⴷⵓⴷⵜ. ⴰⴽⵜⴰⵎⵓⵔ-ⴰ ⴰⵎⴰⵢⵏⵓ ⵜⴻⵍⵍⴰ-ⴷ ⴷⴻⴳ-ⵙ ⵜⵎⴻⵔⵏⵉⵡⵜ ⵏ 3% ⴷⴻⴳ ⵓⵜⵜⴻⴽⴽⵉ ⵖⴻⴼ ⵍⴻⵃⵙⴰⴱ ⵏ ⵡⴰⵙⵙ ⴰⵎⴻⵣⵡⴰⵔⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵏⴻⴷⵊⴰⴷⵉ.

ⴰⵎⴰⵣⴷⴰⵢ-ⴰ ⵏ ⵢⴻⵏⵎⵓⵍⴰ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⴰⴼⵎⵉⴹⵉ ⵏ ⵓⵜⵜⴻⴽⴽⵉ ⴷⴻⴳ ⵓⵙⵓⵏⴷⴻⴷ ⵢⵓⵡⴻⴹ ⵖⴻⵔ 76,30% ⴷⴻⴳ ⵜⴼⴻⴽⴽⵉⵡⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ.

ⵉⴳⴻⵔ-ⴷ ⵓⵎⴰⵣⴷⴰⵢ-ⴰ ⵜⵉⵖⵔⵉ ⵉ ⵓⵙⵓⵏⴷⴻⴷ ⵓⵙⵙⴰⵏ ⵏ 17 ⴷ 18 ⵜⵓⴱⴻⵕ, ⵢⴻⵔⵏⵓ ⵍⴰ ⵢⴻⵙⵙⴻⴼⵔⴰⵢ ⴰⴷ ⵢⴰⵍⴻⵙ ⴰⴷ ⵢⴻⴳ ⴰⵙⵓⵏⴷⴻⴷ ⵏⵉⴹⴻⵏ ⵏ ⵓⵛⵛⴻⵜⴽⵉ ⵓⵙⵙⴰⵏ ⵏ 24 ⴷ 25 ⵜⵓⴱⴻⵕ, ⵖⴻⴼ ⵍⴻⵃⵙⴰⴱ ⵏ ⵢⵉⵡⴻⵏ ⵏ ⵡⴻⵍⵖⵓ ⵓⵛⵔⵉⴽ.

ⵉⵏⵎⵓⵍⴰ-ⴰ ⵉⴼⵓⵍⵎⴰⵏⴻⵏ ⵍⴰ ⴷ-ⵙⵙⵓⵜⵓⵔⴻⵏ ⴰⴱⵟⴰⵍ ⵏ ⵓⵙⴻⵏⴼⴰⵔ ⴰⵎⴰⵢⵏⵓ ⴰⵢ ⵢⴻⵔⵣⴰⵏ ⵜⴰⵙⵜⴰⵖⵜ (ⵜⴰⵇⴰⵄⵓⴷ) ⴷ ⵡⴻⵃⵔⴰⵣ ⵏ ⵜⴻⵙⵜⴰⵖⵜ ⵜⴰⵥⵓⵏⴰⵏⵜ (ⵏⵉⵙⴱⵉⵢⵢⴰ) ⴰⵢ ⴷ-ⵢⴻⵍⵍⴰⵏ ⵙⴻⴳ 1997, ⴰⵜⵜⴻⴽⴽⵉ-ⵏⵙⴻⵏ ⴷⴻⴳ ⵓⵀⴻⵢⵢⵉ ⵏ ⵍⵇⴰⵏⵓⵏ ⵏ ⵓⵅⴻⴷⴷⵉⵎ ⴰⵎⴰⵢⵏⵓ ⴷ ⵡⴻⵃⵔⴰⵣ ⵏ ⵜⴻⵣⵎⴻⵔⵜ ⵏ ⵜⵎⴻⵙⵖⵉⵡⵜ ⵏ ⵢⵉⵖⴻⵔⵎⴰⵏⴻⵏ, ⵍⴰⴷⵖⴰ ⵡⵉⴷ ⴰⵢ ⵢⴻⵜⵜⴰⵖⴻⵏ ⵜⵉⵛⴻⵀⵕⵉⵢⵉⵏ ⵉⵅⵓⵚⵚⴻⵏ.