ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵎⴻⵏⵖⵉ ⵎⴳⴰⵍ ⵡⴻⵊⵕⴰⴷ: ⵜⵉⵎⵍⵉⵍⵉⵜ ⵜⴰⵖⵍⵉⴼⴰⵏⵜ ⵏ ⵜⵎⵓⵔⴰ ⵏ ⵍⵎⴻⵖⵔⴻⴱ ⴷ ⵙⵙⴰⵃⴻⵍ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵉⵎⵍⵉⵍⵉⵜ ⵜⴰⵖⵍⵉⴼⴰⵏⵜ ⵜⵉⵙ ⵙⵏⴰⵜ ⵏ ⵢⵉⵎⴻⵏⵖⵉ ⵎⴳⴰⵍ ⵡⴻⵊⵕⴰⴷ ⵏ ⵜⵎⵓⵔⴰ ⵜⵉⴼⵔⵉⵇⵉⵢⵉⵏ ⵏ ⵜⴻⵙⵎⵉⵍⵜ ⵏ ⵢⵉⵎⴻⵏⵖⵉ ⵎⴳⴰⵍ ⵡⴻⵊⵕⴰⴷ ⴰⵎⵃⵓⴵ ⴷⴻⴳ ⵜⴻⵎⵏⴰⴹⵜ ⵜⵓⵜⵔⵉⵎⵜ ⴰⴷ ⴷ-ⵜⵉⵍⵉ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵣⵣⴰⵢⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ (ⴱⴰⵢⴰⵏ) ⵏ ⵡⴻⵖⵍⵉⴼ ⵏ ⵜⴽⴻⵔⵔⴰⵣⵜ.
ⵜⵉⵎⵍⵉⵍⵉⵜ-ⴰ ⵜⴰⵖⵍⵉⴼⴰⵏⵜ ⵢⴻⵙⵙⵓⴷⴷⴻⵙ-ⵉⵜⵜ ⵡⴻⵖⵍⵉⴼ ⵏ ⵜⴽⴻⵔⵔⴰⵣⵜ ⵙ ⵡⴻⵎⵄⴰⵡⴻⵏ ⴷ ⵜⴻⵙⵎⵉⵍⵜ ⵏ ⵢⵉⵎⴻⵏⵖⵉ ⵎⴳⴰⵍ ⵡⴻⵊⵕⴰⴷ, ⵢⴻⵔⵏⵓ ⵜⴻⵙⵄⴰ ⴰⵣⴰⵍ ⴷ ⴰⵎⴻⵇⵔⴰⵏ ⵉ ⵓⴽⴻⵎⵎⴻⵍ ⵏ ⵜⵙⵓⴷⴷⴻⵙⵜ (ⵉⵙⵜⵔⴰⵜⵉⴵⵉⵢⵢⴰ) ⵏ ⵢⵉⵎⴻⵏⵖⵉ ⵏ ⵓⵃⴻⵣⵣⴻⴱ ⴷⴻⴳ ⵜⴻⵎⵏⴰⴹⵜ-ⴰ, ⴰⵛⴽⵓ ⴷ ⵜⵉⴽⴽⴻⵍⵜ ⵜⵉⵙ ⵙⵏⴰⵜ ⴰⵢⴷⴻⴳ ⴰⵔⴰ ⵜⴻⵜⵜⵡⴰⵙⵙⵓⴷⴷⴻⵙ ⴷⴻⴳ ⵜⴰⵍⵍⵉⵜ ⴰⵢⴷⴻⴳ ⵓⵔ ⴷ-ⵢⴻⵥⴷⵉⵎ ⵡⴻⵊⵕⴰⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ.
ⴰⵎⵢⴰⴳⴻⵔ-ⴰ ⴰⴷ ⵜⵜⴻⴽⴽⵉⵏⵜ ⴷⴻⴳ-ⵙ ⴰⵛⵃⴰⵍ ⵏ ⵜⵎⵓⵔⴰ, ⴳⴰⵔ-ⴰⵙⴻⵏⵜ ⴱⵓⵔⴽⵉⵏⴰ ⴼⴰⵙⵧ, ⵍⵉⴱⵢⴰ, ⵎⴰⵍⵉ, ⵎⴻⵕⵕⵓⴽ, ⵎⵓⵔⵉⵟⴰⵏⵢⴰ, ⵏⵉⵊⵉⵔ, ⵙⵉⵏⵉⴳⴰⵍ, ⵞⴰⴷ ⴷ ⵜⵓⵏⴻⵙ.
ⴰⵙⵙ ⵏ ⵍⴻⵜⵏⵉⵢⴻⵏ, 24 ⵜⵓⴱⴻⵕ, ⴰⴷ ⴷ-ⵜⵉⵍⵉ ⵜⴻⵎⵍⵉⵍⵉⵜ ⵏ ⵓⵙⵙⴻⵡⵊⴻⴷ ⴰⵢⴷⴻⴳ ⴰⵔⴰ ⵜⵜⴻⴽⴽⵉⵏ ⵢⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’) ⵏ ⵢⵉⵎⴻⵏⵖⵉ ⵎⴳⴰⵍ ⵡⴻⵊⵕⴰⴷ ⵏ ⵜⵎⵓⵔⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵜⴻⵙⵎⵉⵍⵜ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ.
ⵜⴰⵙⵎⵉⵍⵜ ⵏ ⵢⵉⵎⴻⵏⵖⵉ ⵎⴳⴰⵍ ⵡⴻⵊⵕⴰⴷ ⵜⴻⵏⵏⵓⵍⴼⴰ-ⴷ ⴷⴻⴳ 2002 ⵢⴻⵔⵏⵓ ⵉⵙⵡⵉ-ⵏⵏⴻⵙ ⴰⴳⴻⵊⴷⴰⵏ ⴷ ⴰⵙⵙⴻⵎⵢⵓⴷⴷⴻⵙ (ⵜⴰⵏⵙⵉⵇ) ⵏ ⵡⵓⵙⵙⵉⵙⴻⵏ ⵉ ⵢⵉⵎⴻⵏⵖⵉ ⵎⴳⴰⵍ ⵡⴻⵊⵕⴰⴷ ⴷⴻⴳ ⵜⵎⵓⵔⴰ ⴰⵢ ⵢⴻⵜⵜⴻⴽⴽⴰⵏ ⴷⴻⴳ-ⵙ.
ⵉⵙⵡⵉ ⵏⵉⴹⴻⵏ ⵏⴻⵜⵜⴰ ⴷ ⴰⵙⵎⴰⵍ ⵏ ⵓⵏⴰⴷⵉ ⴷ ⵓⵙⵙⵉⵍⴻⵖ (ⵜⴰⴽⵡⵉⵏ) ⴰⵎⴰ ⴷⴰⵅⴻⵍ ⵜⵎⵓⵔⴰ-ⴰ, ⴰⵎⴰ ⴷⴻⴳ ⵜⴻⵎⵏⴰⴹⵜ, ⴰⵎⴰ ⴷⴻⴳ ⵡⴻⵣⵖⴰⵔ ⵉ ⵍⵎⴻⵏⴷ ⵏ ⵓⵃⴻⵣⵣⴻⴱ ⴷ ⵢⵉⵎⴻⵏⵖⵉ ⵎⴳⴰⵍ ⵡⴻⵊⵕⴰⴷ ⴰⵎⵃⵓⴵ ⴷⴻⴳ ⵜⴻⴼⵔⵉⵇⵜ ⵏ ⵓⵜⴰⵔⴰⵎ ⴷ ⵜⴻⴼⵔⵉⵇⵜ ⵏ ⵓⴳⴰⴼⴰ-ⵓⵜⵔⵉⵎ.
