Asebter amenzawi

Asarag n Yeɣlanen Yeddukklen ɣef tnezduɣt: yessawel Mass Tebboune d umalal n umaru amatu

LEZZAYER TAMANEɣT– Yemmuger uneɣlaf adzayri n tnezduɣt, Mass Tebboune, ass n ttlata deg Quito (Ecuador) amalal n umaru amatu n Yeɣlanen Yeddukklen d unemhal aslekman n wahil n yeɣsuren ilsanen d tnezduɣt, Joan Clos, ɣef wakken ay d-yenna yiwen n welɣu (bayan) n weɣlif.

Yella-d wemyager-a deg yijifeṛ n usarag wis 3 n Yeɣlanen Yeddukklen ɣef tnezduɣt d wesnefli amdinan aduman « Tanezduɣt III » ay la d-yettilin gar 17 d 20 Tubeṛ, yernu ssawlen deg wemyager-a ɣef wazal ay yesɛa usseqdec n tesnatwilin (tiknuluǧiyyat) timaynutin d wesnefli n ttawilat d tetwilin ara yessifessen aya, am wakken ay ssawlen daɣ ɣef usselhu n ukatar n tudert n yimezdaɣen, ɣef wakken ay d-yebder welɣu-a.

Bedren-d sin-a n yidisan ttawilat n ussejhed n wemciweṛ gar Lezzayer d tsuda (mu’assasat) n Yeɣlanen Yeddukklen.

Ad yemlil daɣ uneɣlaf d Mass James Wainaina Macharia, aneɣlaf akenyan n umesni d tnezduɣt, Massa Lindiwe Sisulu, taneɣlaft n tnezduɣt n Tefriqt n Wenẓul, Massa Maria De Los Angeles Duarte, taneɣlaft tikwaduṛit n wesnefli amdinan d tnezduɣt, Mass Ihad Fahmy, amaru amatu n Tdukli n Wegrakal ay d-yelhan s umesni d wesnefli amdinan, d Mass Chan Zheggao, aneɣlaf acinwat n tnezduɣt.