Asebter amenzawi
« Montreal Tamellalt » d asaru ɣef yiminigen seg ssinima deg Lezzayer Tamaneɣt
LEZZAYER TAMANEɣT– Iɛedda-d, ass n ttlata tameddit deg Lezzayer Tamaneɣt, usaru aɣezfan n « Montreal Tamellalt » n yemseḍru akanadi yesɛan laṣel adzayri, Bachir Bensaddek, d asaru ay d-yesskanayen uguren n unnummed (indimaǧ) n yiminigen deg Kanada.
Asaru-a yettwaqeddem-d deg ukatar n Wussan Ussnanen d Yidelsanen n Wemɣiwan Adzayri deg Kanadal (gar 16 d 19 Tubeṛ), yernu yella-d ɣef tudert n yiminigen idzayriyen deg Kanada.
Bachir Bensaddek yessezg-d asaru-nnes seg yiwet n tmezgunt ay yesɛan azwel-a (Montreal Tamellalt) yernu teffeɣ-d deg 2004, yernu yettakf-d takti ɣef wamek sin n yiminigen idzayriyen ɣɣersen-d seg yiẓuran-nsen idzayriyen akken ad mmagren tudert deg Kanada. Iminigen-a myussanen deg yiwen n uṭaksi deg Montreal.
Yeffeɣ-d usaru-a deg 2016 yernu iḥekku-d taḥkayt n yiwen n unehhaṛ n uṭaksi, Amokrane (ay d-yurar Rabah Ait Ouahi), d Kahina (ay d-turar Kahina Aktouf), d tameṭṭut yebran ay yellan la tetteddu ɣer wergaz-nnes aqbur yiwen wass uqbel Newwal akken ad d-tawey yelli-s.
Deg temrayt-nni n tkeṛṛust, mi iwala unehhaṛ-nni uṭaksi Kahina, yemmekti-d tacennayt ay yella iḥemmel aṭas deg Lezzayer, d tin ay d-nnan temmut deg yiwet n txazzabit taremmaɣt (irhabiyya) deg yiwen n ubaraz ay tga deg Lezzayer Tamaneɣt.
Deg uqeṣṣer-nsen, sin-a n yiminigen mmektin-d akk izri-nsen deg yiseggasen n 1990, d tallit yesseḥzanen deg umezruy n Lezzayer, d tin n tremmiɣt ay iḥettmen aṭas n Yidzayriyen ad inigen ɣer wacḥal n tmura, yernu yiwet seg-sen d Kanada.
