ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴻⵙⵙⵓⵎⴻⵔ-ⴷ ⵡⴰⵙⵀⵉⵏⴳⵜⵧⵏ ⴰⵣⵣⵓⵏ ⵏ ⵜⵓⵖⴷⴰⴹⵜ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵖⴻⵔ ⵓⵏⴻⵥⵔⵓⴼ ⵓⵜⵔⵉⵎ
ⵏⴻⵡ ⵢⵧⵔⴽ (ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ) – ⵙⵙⵓⵎⵔⴻⵏ-ⴷ ⵢⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ ⵏ ⵜⴻⵎⵔⵉⴽⵜ, ⴰⵙⵙ ⵏ ⵜⵜⵍⴰⵜⴰ, ⵖⴻⴼ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴰⴷ ⴰⵣⵏⴻⵏ ⵜⵓⵖⴷⴰⴹⵜ ⵖⴻⵔ ⵓⵏⴻⵥⵔⵓⴼ ⵓⵜⵔⵉⵎ ⵉ ⵓⵙⵙⴻⵄⵊⴻⵍ ⵏ ⵓⴽⴰⵍⴰ (ⵎⴰⵙⴰⵔ) ⵏ ⵓⴼⴻⵔⵔⵓ ⵏ ⵜⴰⵍⵓⴼⵜ ⴳⴰⵔ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⴷ ⵎⴻⵕⵕⵓⴽ.
ⴰⵙⵙⵓⵎⴻⵔ-ⴰ ⴰⵎⴰⵔⵉⴽⴰⵏⵉ ⴰⵢ ⴷ-ⵢⴻⵍⵍⴰⵏ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵜⵜⵍⴰⵜⴰ ⴷⴻⴼⴼⵉⵔ ⵜⴻⵡⵡⵓⵔⴰ ⵜⵓⵎⴷⵉⵍⵉⵏ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ ⵇⴻⴱⵍⴻⵏ-ⵜ ⵢⵉⵎⴰⵙⵍⴰⴹⴻⵏ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⴰⵀⵎⴻⴷ ⴱⵧⵓⴽⵀⴰⵔⵉ, ⴰⴳⴻⵏⵙⴰⵙ (ⵎⵓⵎⴰⵜⵜⵉⵍ) ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ ⵖⴻⵔ ⵜⵓⴷⴷⵙⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
« ⵓⵔ ⴷ-ⵜⴻⵍⵍⵉ ⴰⴽⴽ ⴽⵔⴰ ⵏ ⵜⴻⵏⵎⴻⴳⵍⴰ (ⵎⵓⵄⴰⵔⴰⴹⴰ) ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵖⴻⴼ ⵓⵙⵙⵓⵎⴻⵔ-ⵏⵏⵉ ⴰⵎⴰⵔⵉⴽⴰⵏⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵉⴳⴰ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ, ⴷⴻⴳ 1995, ⵢⵉⵡⴻⵜ ⵏ ⵜⵓⵖⴷⴰⴹⵜ ⴷ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ, ⵎⴰⵛⴰ ⵉⵎⵉ ⵓⵔ ⵎⵙⴻⴼⵀⴰⵎⴻⵏ ⵢⵉⵎⴰⵙⵍⴰⴹⴻⵏ ⵏ ⵓⵙⴻⵇⵇⴰⵎⵓ-ⴰ ⴷⴻⴳ ⵜⴰⵍⵍⵉⵜ-ⵏⵏⵉ, ⵓⵔ ⵜⴻⵙⵙⴰⵡⴻⴹ ⵜⵓⵖⴷⴰⴹⵜ-ⴰ ⴰⴷ ⵜⵓⵖⴰⵍ ⵜⵉⴽⴽⴻⵍⵜ ⵏⵉⴹⴻⵏ ⵖⴻⵔ ⵜⵎⵓⵔⵜ-ⵏⵏⵉ.
« ⵉⵎⵉ ⴰⴷⴷⵓⴷ ⵏ ⴼⵕⴰⵏⵙⴰ, ⴷⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ, ⵏⴻⵜⵜⴰ ⴷ ⵜⵓⴼⴼⵔⴰ ⵏ ⵡⴰⴽⴽ ⴰⵢⴻⵏ ⴰⵢ ⵍⴰ ⵉⴹⴻⵔⵔⵓⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ, ⵓⵔ ⵢⴻⵙⵙⴰⵡⴻⴹ ⵓⵙⴻⵇⵇⴰⵎⵓ ⴰⴷ ⵢⴰⵣⴻⵏ ⵜⵓⵖⴷⴰⴹⵜ ⵜⵉⵙ ⵙⵏⴰⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵢⵓⵎⴰⵔ ⵎⴰⵙⵙ ⴱⵧⵓⴽⵀⴰⵔⵉ ⵙ ⵓⵙⵙⵓⵎⴻⵔ-ⴰ ⴰⵎⴰⵔⵉⴽⴰⵏⵉ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵓⵖⴷⴰⴹⵜ-ⴰ ⴰⴷ ⴷ-ⵜⴻⵙⵙⴽⴻⵏ ⵍⴻⴱⵖⵉ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴰⴽⴽⴻⵏ ⴰⴷ ⵢⵉⵍⵉ ⴷⴻⴳ ⵡⴻⵏⵔⴰⵔ ⵏ ⵜⴰⵍⵓⴼⵜ-ⴰ ⴰⵢ ⵢⴻⵍⵍⴰⵏ ⴷⴻⴳ ⵡⴰⵀⵉⵍ-ⵏⵏⴻⵙ.
ⵜⵓⵖⴷⴰⴹⵜ ⵜⴰⵡⵃⵉⴷⵜ ⵏ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵜⴻⵍⵍⴰ-ⴷ ⴳⴰⵔ 3 ⴷ 9 ⵢⵓⵏⵢⵓ 1995, ⵢⴻⵔⵏⵓ ⵜⵃⴻⵜⵜⴻⵜ-ⴷ ⵖⴻⴼ ⵓⵙⵙⴻⴼⵄⴻⵍ ⵏ ⵓⵖⴰⵡⴰⵙ (ⵎⵓⵅⴰⵟⵟⴰⵟ) ⵏ ⵓⴼⴻⵔⵔⵓ, ⴰⵎ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⵔⵔⴱⴻⵃ ⵏ ⵜⵓⵖⴷⴰⴹⵜ ⵏ ⵎⵉⵏⵓⵔⵙⵧ ⴷⴻⴳ ⵡⴻⵃⵔⴰⵣ ⵏ ⵡⴻⵃⴱⴰⵙ ⵏ ⵢⵉⵎⴻⵏⵖⵉ.
ⴷⴻⴳ ⵓⵕⴰⴱⵓⵍ ⴰⵢ ⴷ-ⵢⴻⵍⵍⴰⵏ ⵖⴻⴼ ⵜⵓⵖⴷⴰⴹⵜ-ⴰ, ⵢⴻⵏⵏⴰ-ⴷ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⴷⴰⴽⴽⴻⵏ ⵍⴻⵎⵎⴻⵔ ⴰⴷ ⴷ-ⵜⴻⵜⵜⵡⴰⵊⴱⴻⴷ ⵜⵓⵖⴷⴰⴹⵜ ⵏ ⵎⵉⵏⵓⵔⵙⵧ ⴷⴻⴳ ⵢⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⴹⴹⴼⴻⵏ ⵓⵇⴱⴻⵍ ⵎⴰ ⵜⴼⵓⴽ ⵍⴻⵡⵚⴰⵢⴰ-ⵏⵏⴻⵙ, ⴰⵢⴰ ⵢⴻⵣⵎⴻⵔ ⴰⴷ ⴷ-ⵢⴻⴳⵍⵓ ⵙ ⵍⵎⴰⴹⴻⵔⵔⴰ.
